وا شعراه.....حسبي الله ونعم الوكيل على عديمي الضمير

السلام عليكم ورحمة الله


ابدأ موضوعي بقول


حسبي الله ونعم الوكيل حسبي الله ونعم الوكيل الى يوم الدين


مريت بظروف نفسيه صعبه جدا مؤخرا وحمدت ربي الذي لا يحمد على مكروه سواه وقلت خلني غير شكلي لعل وعسى تتحسن نفسيتي وترجع لي ثقتي بنفسي


ولاني سمعت باليوكومن قبل قلت خليني اروح اجربه واقنعتني وحده اعرفها اني اروح لصالون تعرفه واحجز عندهم لانهم يسوون يوكو وفعلا كلمت الصالون واخذت موعد ورحت وفي اليوم المشؤوم دشيت وكانت اللي بتسوي لي اليوكو حابه تقنعني باي شكل وسالتها كل الاسئله اللي ممكن تخطر على بالكم وقالت اعطيج ضمان انه راح يطلع شعرج حلو وفوضت امري لله وبدت تسوي لي شعري وغسلت شعري وحطت لي عليه ماده ريحتها خايسه وخلتها 10 دقايق وغسلتها وبعدين جابت شي مثل الزيت وحطته على شعري وجابت الفير وقعدت تاخذ خصله خصله بس من اول خصله حسيت انه شعري بيحترق واول ما حطت عليه الفير شفت شي مثل الشراره وقالت عادي المهم لي آخر العمليهوقالت تعالي عقب يومين ولا تغسلين شعرج ولا تمسكينه بشي بس انا كنت حاسه انه شعري جافواطرافه مثل المسامير

بعد يومين رحت لها وحطت لي حمام زيت على قولها ونشفت شعري والله لايوريكم:06: صياح ومناحه شعري صحيح كان فيه طعجات بس كان ملمسه ناعم عقب اللي سوته صار خشن ومحروق محروق كانك حرقتيه بالنار وقعدت ابكي وجات صاحبة الصالون قالت لي اليي ما تطولينه بايدج وصليه بريلج ما عندي شسوي لج قلت لها بفوض امري لله وانا للحين دمعتي ما نشفت من داك اليوم وقصيت شعري بوي عقب ماكان لنص ظهري



ولما نصحوني اروح للرجينسي عشان يشوف شعري استغربت الي شافت شعري وقالت لي هاذي شنو حطت لج:44: المهم دشينا انا وزوجي عند صاحب الصالون وقال احنا اللي نعطي تصاريح اليوكو والصالون هذا ماعنده تصريح ورواني المواد اللي تستعمل في اليوكو وقال لي انتي شفتي شي مثل هذا او حتى ريحه مثل هاذي وصدقوني طلعت الروايح غير والشكال غير



المهم حبيت انصح كل الناس حتى ما يصير لهم مثل اللي صار لي وينضحك عليهم من ناس قليلي الذمه ومعدومي الضمير لا تسوون يوكو غير لما تشوفن التصريح


واطلب من ادارة منتدى حواء عدم حذف موضوعي عشان ما ينغشون البنات مثلي

الصالون اسمه

صـالـون طـيـبـة

في منطقة أم الحصم


ارجوكم بنات اللي تعرف شي يطول شعري بسرعه تقول لي ترى حالتي النفسيه يرثى لها


والله لا يسامحها


بس ارجوكم ساعدوني انا كنت قريت انكم تعرفون بخاخ يطول الشعر بسرعه او امبولا عطوني اسمهم الله ينصركم


اختكم المضحوك عليها


دوقه:06:


حسبي الله ونعم الوكيل