والله ان صار لي موقف ابد ماتوقعته خلوني افضفض لكم لأني مانمت زين لي يومين والسبب كذا...
انا عندي بنتين والحمدلله وحامل بالثالثه وسبق قلت لكم سالفتي العريضه الطويله اللي تضيق الصدر..وعندي اخت عندها 8 بنات وحامل ...المهم ان اختي هذي عندها بنت الكريه برضو حامل يعني صرنا 3 حوامل بنفس الوقت بينا اسابيع يالله ترحمنا
كنا مجتمعين في البحر وجلسه ووناسه مع باقي خواتي الا بنتي الكبيره رحت اوديها الله يعزكم الحمام ورجعت حسيت انهم كانو يتكلمون عن حمل وولاده وبنت اختي مبسوطه بالسالفه لكن يوم شافتني جااااايه:confused:
اشرت لها اختي اسكتي لاتتكلمين وبنت اختي ارتبكت ماودها اني سمعت وخااافت بسرعه غيرت الموضووووع:06:
انا فهمت وضاق صدري لكن بسرعه حاولت انسى وقلت مدري شفيهم ولما ركبنا السياره صارت اختي الثانيه جنبي وسألتها ...؟؟ قالت اي بنت اختنا صورت وطلع فيها ولد ومايبون يعلمون احد.....؟؟؟؟؟؟؟؟؟؟؟؟؟
وانا يعني اي احد..؟؟
وانا يعني بس اللي ماتبوني ادري..؟؟
طيب امها اللي هي اختي عندها 8 بنات وكانت تشتكي لي من كلام الناس عليها الحي صارت تطبقه علي انا...؟؟؟
وانا بس صورت ماتم مسلم في الجزيره العربيه ماقلت له بنت بنت بنت وماهمني برغم الضيق اللي كان فيني مو عشان البنت عشاني تمنيت لكن من اقول ربي كاتب لي خير انسى كل شي لاني وكلت امري لله
تغطيت طول الطريق وجلــــــــــــــــــــست ابكي قهر:06:
ليش الناس كذا...؟؟
وبدينا معهم اللي تخش ولدها عني مثل جارتي ..واللي اذا جات تغير حفاظ ولدها الله يعزكم تصد به جهه ثانيه مثل بنت عمي ..واللي تتكلم معي وكن عندي مليون بنت وبشفقه مثل مرة اخوي ...
ولا عااااااااااد حماتي اللي ماعندها الا اولاد وسيرتهم وكل ماقلت اخبار العيال ترتبك
والله تعبت ليش الناس كذا يعني معقوله لو جاتني الف بنت ومن بطني وتعبي وهلاكي برميها.؟؟؟؟
اذا هذا كلام الناس لي كيف زوجي؟؟
والله اني افكر انقطع عن العالم واصك على نفسي البيت واترك الدنيا ليش النفوس صارت كذا اللي عطاني البنت له حكمه حرمني الولد واللي حرمها الذريه اجل وش موقفها...واللي عطاهم الولد مايخااافون من العقوبه لو ربي كتب لهم بتصرفاتهم السيئه عقوبه...
وربي اكتب لكم وانا بقمة الحزن وضايق صدري جدآ يعني مايكفي الم وتعب وشقى الحمل اللي مطلعه روحي يجيني كلام الناس ونظراتهم
شاركوني وقولو لي اي شي ماعندي غيركم افضفض له فديتكم :(
بس عندي سؤال لبعض الناس اجل اللي ماعندها عيال وشلون تعاملونها .؟؟