وبعدين معك يابيت العمر...😔😔😔💔

السلام عليكم...


مادري وش اقول..أو وش الي خلاني اكتب هالكلام..
بس من الضيقه الي فيني ابي اطلع الي بقلبي..
دعواتكم لأبوي الهم بياكل قلبه وضيقة الصدر الي افقدته حتى الابتسامه..والله اشتهيت اشوفه مبتسم..😔
ابوي رجال ملتزم وماله بالدنيا اخوان ..ماله الا اختين وحده توفت الله يرحمها من كم سنه..والثانيه الله يطول بعمرها عايشه..
ابوي ماله حظ بالدنيا..حياته كلها شقا وتعب وكد عشان مايقصر علينا ابدد..
تقاعد السنه الي فاتت وزادت حالته سوء ..
وضعه المادي كان عادي ومستوره اموره لاكن من بعد ما بنا بيت العمر وطبعا بقرض من الدوله حمل نفسه من الدين لين غرق فيه والبيت لسئ ماخلص وكنا في بيت أجار ومتضايقين منه نبي نطلع واضطر ابوي يخلص الشقق الي بالدور الثاني الي كان يبيها لاخواني قبل الدور الارضي عشان نطلع في وحده والثانيه يأجرها وفعلا خلصها واثثنا وسكنا فيها ع اساس كم شهر يتعدل وضعه ويكمل بنيان الدور الارضي وننزل فيه..وتحملت امي الضيق وصبرت عليه بس عشان ظروف ابوي..
..ماحصلت فرصه ان ابوي يكمل بنيان ..
ولما جا الفرج وتوظف اكبر اخواني واخذ قرض ع اساس بنكمل فيه بنيان ونأثث البيت ونرتاح ..
لاكن الي صار ان اخوي لما اخذ القرض اعطاه الوالد وتزوج فيه وترك البيت الي هو اهم ...
وزادت الامور تعقيد..ومرت سنه ع زواج ابوي ووسنتين
وتقاعد وقال انه بيزين البيت من حقوقه بعد التقاعد
ولما جاته حقوقه راحت كلها بالديون ..
وماصلح من البيت الا شي بسيط..
وهذا هو كل مره ياخذ دين ع اساس بيزين البيت ولما تجي الفلوس تروح كلها في تسديد الديون الي قبلها
وكل مره يسوي شي بسيط في البيت ..
وبعد كل هالعذاب خلص البيت😃
بتقولون الحمدلله اخيرا....
صحيح خلص البيت ..بس البيت وش يبي....
يبي اثاث...والاثاث يبي له ميزانيه كبيره ...
والميزانيه اساسا مو موجوده😔
اااااه...قسم قلبي تقطع على اميمتي💔
كل ماضاق صدرها من الشقه نزلت تحت لم بيتها وقامت تفرج فيه بحرقة قلب ...وتقول شكلي بموت مانزلته ..
مع انه خالص كلش بس باقي الاثاث وسبحان الله عيت تيسر امورهم ..
مع ان ابوي رجال يخاف الله وعمره ماظلم احد او اكل حق احد..ولا يحب يحكي بالناس ولا يأذي احد وناااادر الي مثله بهالزمن..دايم الانسان الطيب مبتلئ بالمصايب والمجرمين الي حياتهم كلها بالمال الحرام عايشين متهنين...
قسم بالله خايفه ع امي وابوي من الهم ..
ابوي يقول ضاقت فيني الوسيعه من هم الدين والدنيا مقفله بوجهي..
وامي تقول مليت من الحشر ودي اتوسع مثل الخلق..
واخوي الكبير مسكين...حالته نفس ابوي بالضبط وكأن التاريخ يعيد نفسه..
ملتزم وكافي شره عن الناس بس الدنيا مقفله بوجهه
ديون وسيارته كل شوي صادم عليها..
ووظيفته بعيد عن اهلي ..
ياربي تفرجها علئ اهلي..
مع اني متزوجه وساكنه بعيد عنهم بس ورب البيت مهما كنت مبسوطه احس بضيقه كل مااتذكر وضع اهلي..
تضيق فيني الدنيا ..احس بذنب اذا فرحت ..

ااه بس ...ادري بتقولون ماله داعي قلتي قصة حياتك كلها...بس ودي افضفض...ماعندي احد الا اهل زوجي ومابي اقولهم هالكلام..


دعواتكم ربي يفرجها علئ اهلي ويبدل حالهم الى احسن..