السلام عليكم ورحمة الله وبركاته
الموضوع اكبر من اني اطلب ببقاءه.. لان نقله او حذفه يعني ان المنتدى مجرد مجالس للسوالف وليس للاصلاح.
الحاصل ان بنتي تدرس في الثانوية الرابعة للتحفيظ بالعريجاء وكل يوم والثاني والكهرباء ملتمسه عليهم.
ومرة شبت حريقة...
افياش المدرسة تلتمس بوجود الطالبات. وبعدم وجودهم.
مديرة المدرسة الفاضلة منى فهد الشويمي في اجازة وماعليها شرهه. ما ادري متى ابتدت اجازتها ولا متى تنتهي .
كلمت وحدة من الاخوات زوجها يشتغل في الوزارة وقال ان المديرة لازم ترسل فاكس للوزارة وتشرح فيه الوضع. والمديرة مافيه!!
طيب الى متى نسكت....؟؟؟؟
التماسات في غرفة الاذاعة وفي الفصول والمصلى وغيره
آخرها كان يوم الاثنين الماضي 9/6/1433
كان وقت الفسحة وبعض بنات الفصل اللي بالدور الثالث كانوا في المصلى وبعضهم ما نزلوا من الاساس من الفصل... حصل التماس في الفيش البنات الموجودات اصابهم رعب والريحة انتشرت في المدرسة كلها .
اللي حصل للاسف انهم طلعوهم للحوش ثم بعد شوي اجبروا الطالبات على الرجوع الى الفصل ولا كأن شي صار كالعادة!!
ورفض اكثر الطالبات لاصابتهم بالربو والخوف والرعب
احدى المراقبات لما رفض الطالبات الرجوع للفصل انهالت عليهم بالدعوات بالعمى ومن هالكلام!!
ومعلمة مادة الحاسب نزلت وحاولت مع الطالبات يصعدون للفصل ولما البنات رفضوا احضرت ورقة وسجلت ان الدرس مشروح واجبرت الطالبات على التوقيع.
غاب بنات الفصل من الغد غياب جماعي لان المدرسة لم تفعل اي شيء لوقف الالتماسات ولم تعد البنات بأي اصلاح وانما في الغد وقعوا الطالبات على تعهد بعدم حضورهم !!
الموضوع ليس للدعوات ولا للرفع وانما للاصلاح والانتباه وايصال اصوات بناتنا قبل لايفوت الفوت ونضرب كف على كف كما حصل في كارثة مدرسة جده لاقدر الله .او الحريق اللي حصل اليوم في الدمام في مدرسة البنات؟؟
وهالموضوع بيكون شاهد ولا احلل ولا ابيح من تحذفه من المشرفات وا لابادعي عليها من قلب ام محروق على ابنتها تطلع كل يوم للمدرسة وقلبي يرفرف ما ادري ترجع سالمة ولا فحمه. حسبنا الله ونعم الوكيل...
ام الخمائل @am_alkhmayl
كبيرة محررات
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️