وبعدين مع المقاطعات😭

السلام عليكم أخواتيهذي اول مشاركة لي في منتداكم الطيبوبما انه المنتدى فيه أخوات حكيمات ورايهن سديد قلت بكتب مشكلتي عساني ألقالها حل،،
مشكلتي يمكن البعض يشوفها عادية مو مستاهلة بس والله مأزمتني ومضايقتني خصوصاً بعد ما أرجع البيت،، مشكلتي يا طويلات العمر في علاقتي مع زميلات العمل،، كل ما جلسنا نسولف كل وحدة تدلي بدلوها بدون محد يقاطعها وتكمل سالفتها بكل أريحية، واللي عندها مداخلة بتنتظرها لين تكمل كلامها،، أما أنا إذا جيت أتكلم إلا وتبدأ المقاطعات والمداخلات كل وحدة من صوب، نااااادر جداً اني أبدأ بسالفة وأقدر أكملها 😭،،نااااادرمدري ليش يحصل معي انا هالمقاطعات!!!للعلم اني ما أقاطعهن لما يتكلمن وأسلوبي راقي في التعامل معهن،، ومتميزة فمجال عملي،، و فخارج محيط العمل مع أهلي وأقاربي لي كلمتي ولي حضوري بس فالعمل لا.
قررت اني ألتزم الصمت وأنشغل بأي شي فمكتبي ولا اسولف معهن بس ما طوّلت لأني اجتماعية وما أحب العزلة والوحدة، اللي عندها حل أتمنـى ما تبخل علي لانه جد الموضوع مأرقني ومضايقني.