وبعدين مع زوجي .. تعالو بشوف آراءكم

ممراحب حوائيات
زوجي تقريبا من سنه سجل في تويتر باسمه الصريح وبدا يشارك ويغرد ويرد على الناس
وكنت اعرف عضويته واهله وأقاربه يتابعوه. مشاركاته عاديه سياسية اجتماعيه اقتصاديه. و ردود على أصحابه. الى هنا الموضوع عادي.
لكن بعد فتره كم شهر لاحظت موقف حسابه ما يشارك فيه 🤔واكتشفت انه مسوي عضويه ثانيه باسم وهمي وصار يشارك فيها ومتنقع في تويتر.😕 أنا عرفت عضويته لقطت الاسم وانا جالسه جنبه. لكن أبدا ما بينت له أني اعرفها وتركته على راحته. يمكن حب يشارك بأريحية اكثر 🙃 وبعد فتره سألته يافلان انت ما تشارك في تويتر خلاص بطلت. قال لا عندي اسم ثاني. قلت له قولي عليه. قال لا محد يعرفه ولا قلت لأحد عليه ! طيب ليه يا فلان انت إِيش تكتب لها الدرجه ما تبيني اشوف كلامك. قال أبدا كل مشاركاتي سياسية قلت طيب. براحتك .
أنا عارفه العضوية 😌وكنت أتابعه وأشوف تغريداته فعلا سياسية واجتماعية وكان ماشي تمام لدرجة طفشت من متابعة حسابه لان ما أحب السياسي وصرت ادخل كل بعد فتره اشوف تغريداته .
الحين الوضع تغير صار الأخ حبّيب 🙄 يرد على بنات ويسولف معهم طبعا بعضويته الوهميه لدرجة يقول لوحده من البنات اللي تغرد الحب لك 😩ويرد عالثانيه يقول وقتي كله لك 😫 ووحده يرسل لها فيسات قلوب وبوسات 😒 لي فتره أتابعه وهو على هذا الوضع يعني يكتب بالسياسه ويسولف مع البنات بكلام معسول . أنا كل ما اقرأ تغريداته مع البنات انقهرر وأفكر أواجهه والتراجع أقول خليه قدام عيني اشوفه أحسن لو واجهته بيصير كل شي عالخاص خليه كذا عالمكشوف .
ألحين مدري وش أسوي احيانا أقول يا بنت كبري مخك و خليه يخربط الشغلة كلها سواليف لكن احس بقهررر مررره .
بصراحه ماهر منقص علي اي شي وموفر لي كل شي وأي شي ابيه ما يقول لا
وانا عارفه نفسي لو واجهته بكبر السالفة وبنزعل وبينقلب البيت كآبه
فما ادري إِيش رأيكم وش أسوي هل اطنش واخليه لين يطفش ويمل من نفسه
او يا خوفي يطور الموضوع لأكثر من كذا


نوروني