وبعدين مع شركة الكهرباء ايش الحل

السلام عليكم عساكم بخير جميعا اعذروني بكتب يسرعه قبل تطفى الكهرب :44:ياجماعة الخير قدر الله علينا وصرنا من سكان جده وجده معروفه الاءيام هذي بالحر والرطوبه وكلمة حر قليييييييييييييييييييله والحمدلله انتوا عارفين انه قبل كم اسبوع وصلت درجة الحراره 50 والله العظيم يابنات الهواء حتى بالليل كنا بخط الساحل في عز الظهر سبحان الله اكيد بتقولون الزبده اخلصي سحنا :42:شوفوا ياحبايبي القصه ومافيها ان اخواننا في شركة الكهرباء كعدتهم السنويه الله يقطعها من عاده قولوا اميييييييييييييييين يقومون يفصلون الكهرب بعز الحر تخيلو اقسم بالله يابنات قبل ثلاثه ايام فصلوها من 10 الصباح لحد اذان الظهر وتعالواشوفوا الحر كيييييييييييييييييييف موت وولدي صغير بس يبكي وكل شويه ابرد جسمه بمويه بارده ياقلبي عليه :icon33:ولاغداء ولاشي الابعد العصر والله ماخليت دعوه ولا سبه الا قلتها فيهم من الطفش وبعدين لمتى الحركات هذي وقبل البارح طفوها العصر لحد المغرب طفشونا الله حسيبهم معقوله ياناس ماهم قادرين يتصرفوا الناس مالهم ذنب ان السكان بجده وصلوا 3 مليووووووووووون ويمكن اكثر عيب عليهم نسدد الفواتير الوف وبرظوه مافاد معهم انا جلست افكر انا الحمدلله بصحتي بس اللي عندهم مريض مايتحمل واللي عاجز بالسن واللي على اسطوانة الاءكسجين فين يروحوا في عز الظهر والحر والشمس وفي نفس الوقت افتكرت الناس اللي اقل بكثيييييييييييير مني ولا بيت الاصندقه اوخيمه ولامكيفات كيف احوالهم وجلست ادعيلهم الله يفرجها عليهم ويرزقهم :(بنات مين تعاني زيي للمعلوميه انا من جنوب جده وياترى فيه مدن بالسعوديه غيرجده تسوي الحركه البايخه هذي قال ايش ظغط عالكيابل عجبيييييييييييييييييي يالسعوديه مافيه حل غير يفصلوها كم ساعه اه اه اه يا اهل جده الله يعينكم زحمه وحر وازمة مياه وتكاثر في السكان غير طبيييييييييييييعي وياقلبي لاتحزن هاه ايش رايكم يابنات في الكلام :(ردوا قبل يفصلوا الكهرباء ههههههه تحياتي لكم :26: