وبعدين مع صديق السوء اللي مع زوجي

كلامي واضح من العنوان
اه ي بنات زوجي مايسمعلي ابدا ابدا احذره احذره ولا يسمع ليا ابدا
اول زواجنا كان معاه صاحب ع طول
ماكنت مرتاحه اه ولا من اسلوبه
وكنت احذر ولا في فايده
وبعدين سبحان الله سرق زوجي وقهره وتفارق هو وياه
جلس فتره معد صاحب احد
الحين اه فتره طايح ع انسان فاشل في حياته الزوجية مطلق ومتزوج وثنتين ومابينه هو وزوجته تفاهم ومشاكل ع طول ع طول
ويشحن زوجي طاقات سلبيه وع طول يتصل وع طول فاضي
لان حياته نكد وفاضي لنا
تارك حريمه واولاده وفاضي لزوجي
وزوجي معطيه وجه يجلس يشكي وزوجي مسوي المصلح الاجتماعي اللي يسمع ويعطيه الحلول
وكل يوم مشاكل وكل يوم مصيبه عنده انسان واضح انه شرير
يضرب زوجته الله يعنيها عليه
زوجي يارب تخليه ليا مايمد يده عليا
وصرت احس انه يرجع من هذا الصاحب مشحون طاقه سلبيه
واحذر ولا في فايده


تصدقون صديقه الاول كان يقول اشفيك انا اعرف صديقي من قبل مااعرفك وعشرتي فيه ٣٠ سنه


وسبحان الله انا قلبي نغزني منه كان نفس الطريقه مشاكل مع زوجته وفاضي ٢٤ ساعه وزوجي ماشااالله مايقصر حلال العقد للفاشلين وسبحان الله عاد جات منه وسرق فلوس من زوجي وصار هوا وياه يشتاكون في المحاكم ولا جربت اني اقله شفت صاحبك اللي كنت تقول انك تعرفه من قبل لاتعرفني ابدا وش سوى فيك
ومرا قال اخواتي يقولون انت صرت عصبي من بعد ماتزوجت اعوذ بالله من التخبيب
قلت انت تغيرت من الخيبات إللي تعرضت لها من صديق عمرك


ماعجبه وقال ايش اصلن مابيني وبينه شي احنا لسى اصحاب
قلت معاملتكم في المحكمه ولسى اصحاب
ماكان يبغا يعترف قدامي بخيبة امله
المهم هذا راح وانتهى ي ما نكد علينا لكن ربي فكنا منه




وجا نا هذا ٢٤ ساعه فاضي ومع زوجي في الدوام كل يوم نفس المكتب ويتصل ع طول ويبغا زوجي يخرج معاه ويسافر معاه لان محد يبغاه
حتى مرا شفت سنابه مع زوجي جالس لوحده ع البحر ويشوي لوحده يعني محد يبغاه من شره اكيد مرته الاولى توفت وعنده منها بنات واولاد
والثانيه هو وياها مشاكل
قلت لو عنده قلب ماترك اولاده الايتام وراح تمشى لوحده


واليوم راح يجيب الاولاد من المدرسه وهما معاه قلت ليش جبت صاحبك واخذت الاولاد قال كان عندي اجتماع خارج الدوام وخفت اتاخر ع الاولاد فرحت معاه واخذتهم قلت اولادي لاعاد يركبون سياره احد غريب قال طيب بعدين قلت قلبي مو مرتاح لهذا الانسان قال استحي من بعض الهروج خلي عندك حيا ولا عاد تتكلمين انتهينا قلت لا مابكتم احساسي وانا عارفه انه جنبه لان رجع الدوام معاه