وبعدين مع ( غيرة الزوجات من أخوات أزواجهم ) !!

اضرب بسيفه هيبة الإنس والجان ,واسقيه لامنّه ظما من وريدي ,لاجيت له ضايق وتايه وزعلان ,أرجع وأنا بأسباب شوفه سعيدي ,.
.
السلام عليكم ورحمة الله ويركاته ,, صبحكم الله بالخير ...
زماااااااااااااان لي فترة طويلة مادخلت المنتدى وتوي من فترة صايرة أدخل أطقطق أقرأ مواضيع ,,
وجايه على الصبح بأكتب لكم ملاحظة لاحظتها وأنبهكم على شيء تعرفونه لكن غفلتو عنه ,,
من تاالي كثرانه سالفتكم مع غيرة الحريم من أخوات أزواجهم !!
ليــــــه يااروحي عسسى مااشر ؟؟!!
تراه أخوي قبل يعرفك !!
عمري كله عشت معه وأعرفه وأعرف وش يحب ووش يكره ووش ياكل ومتى ياكل ووش يلبس !!
من نظرة عينه أعرف إن كان زعلان ولا مبسوط ! عيونه تحكي لي وعيوني تحكي له ..
أخوي هو صديقي بهالدنيا ! هو عزي وعزوتي وسندي ! ولا ضامني الدهر هو عضيدي ..


أوكي أنا أقدّر انك زوجته ونصفه الثاني وماراح أتكلم بهالموضوع انتم عارفين حقوقكم وأكثر بعد ماشاءالله ..
لكن تنرفزني نقطة الغيرة الزايده عن الحد الطبيعي !!
والله ضمها !! والله سلم عليها !! والله شرالها !! والله أهداها !!
يااربي إذا مااسلم على أخته وضحك معها وعطاها عيونه لو بغت تبينه يعطي مين !!!!!!!!!!!!
يعني لما تزوجتيه خلاص أخذتي صك ملكية !! حرام شرعاَ يكلم أحد غيرك أو يضحك مع أحد غيرك !!
ولا ارتكب جريمة يعاقب عليها القانون والدستور !!


ياربي مدري أنا اللي أحسكم أووفرررر في هالموضوع ولا صدق الموضوع عدّى كل الأوفرة بالحياة !!
,,
أنا ما أتكلم عن نفسي شخصياً ,, الحمدلله عندي أخوان ولا أبدلهم بكنوز الدنيا الله يحفظهم لي
وكناين يهبلون وينحطون ع الجرح يبرى تبارك الرحمن ,,
لكن في الفترة القصيرة اللي دخلت فيها للمنتدى صادفت أكثر من موضوع ورد بخصوص هالسالفة وتنرفزت
لآني مااتخيل إن فيه حرمه طبيعيه فيها مخ ممكن تغار من أخ وأخته !!
ولو بأفتح سالفة جديدة مابي أفتحها فأنا شخصياً تعرضت للعكس ,, وتضررت من غيرة أخت على أخوها
( حسبي الله فيمن ظلمني وحسبي الله فيمن خذلني وحسبي الله فيمن آذاني وحسبي الله ونعم الوكيل ,,)


.
.
وبس عاد بقبوقه تقرقرع بقلبي وحكيتها
والله يسعدكم ويفرج همومكم ويوسعها عليكم من واسع فضله ويرزقكم كل ماتمنيتم وأفضل ..


وشاركوني الرأي سواء مؤيدين أو معارضين ... شاكره لكم