السلام عليكم ورحمة الله وبركاته................
أخواتي بغيت أقول لكم على موقف صار أمس لما كنت رايحة للقرطاسية عشان تنتبهون وتاخذون حذركم من هالعمالة التعبانة،أمس كانوا البنات عندهم شوية أغراض يبونها للمدرسة فرحت لقرطاسية قريبة من البيت وكانت معاي الشغالة ،المهم دخلنا القرطاسية وما كان فيها إلا احنا عقبها بدقايق دخلوا زباين ثانين أول مادخلنا الله يهديها ركضت وحدة من بناتي لقسم الدفاتر تبي دفتر بسرعة وترجع لي قمت قلت للشغالة روحي وراها ماأبيها تروح لحالها خذوا الدفتر وتعالوا لي وبنتي الثانية راحت لقسم ثاني من القرطاسية ورحت معاها ،مادريت إلا عامل القرطاسية رايح وراهم فشكيت في الأمر ورحت أشوف الوضع من بعيد بدون ماينتبه لي لقيته يسأل بنتي عن الدفتر الي تبيه ورجعت لبنتي الثانية تخيلوا يمكن دقيقة خذت بنتي الدفتر الي تبيه ورجعوا لعندي وكملنا باقي الأغراض وطلعنا بعد مارجعنا البيت قالت لي الشغالة انها وهي راجعة لعندي مع بنتي العامل جاء وراها ويقول لها خذي الرقم بسرعة خذيه يله ويلحقها وبيده الرقم وماقالت لي الا لما رجعنا البيت لا ومن زود الثقة عند العامل جاي يسألنا وش الأغراض الي نبيها عشان يساعدنا انقهرت وقلت لها ليش ماقلتي لي وانا هناك عشان أعطيه كم كلمة قالت بصراحة خفت منه وجيتك بسرعة يعني هالعامل مثلا مجهز له أوراق فيها رقمه يعطيها لأي شغالة تجي القرطاسية ولا شلون ؟؟؟،يعني الحين واحنا معاها ومع كذا في أقل من دقيقة تغافلنا لا وزعل حضرته يوم مارضت تاخذ الرقم ؟؟؟؟ شين وقوي عين :mad:
أتوقع هالعامل ماأعطى الرقم الا أحد تجاوب معاه من قبل لهالدرجة ينتهزون الفرص ويتغافلونا ولو فرضا أن الشغالة أخذت الرقم وش تتوقعون كان ناوي يسوي يكلمها ويقول خبريني إذا المدام طلعت من البيت ويجي لعندها مثلا ؟؟؟؟
عاد وانا راجعة أفكر وأقول أجل هالشغالا ت الي يروحون البقالة لحالهم والمدارس والمستشفيات وووووووو كم رقم انقط عليهم.
تذكرت مرة أختي تقول لي لما كانوا رايحين لمكة طلعت لمطعم قدام الفندق عشان تجيب الأكل ورايحة معاها الشغالة تساعدها وتقول اختي عيني عينك عامل المطعم يغمز للشغالة قدامي ويأشر لها وأنا معاها ومستغربة الوضع تقول صايرين مايستحون ولا يهابون أحد ،على فكرة احنا من النوع الي نخلي الشغالة تتنقب ماتكشف وجهها .
وش رايكم اخواتي هل اكلم المكتبة المشكلة مافيها إلا عمالة وبس لمن ممكن أشتكي ولا أخلي السالفة تعدي وآخذ حذري أكثر المرات الجاية مع إني ولله الحمد أحذر لكن ماتوقعت إنه بلمح البصر بيقط الرقم عليها هالتعبان ؟:mad:
لو كنتم مكاني وش بتسوون ؟؟؟؟؟
يلزم عليك تسجيل الدخول أولًا لكتابة تعليق.
كاجو
•
كلميه بالتلفون مو لازم يعرف من انتي بس قولي تراي ادري عن حركاتكم وهدديه قولي ان ماتسنعت بلغت عنكم الهيئه
يمكن يخاف ويقضب ارضه
يمكن يخاف ويقضب ارضه
مشكورة أختي ديمة وأنا باخذ حذري أكثر إن شاء الله المرات الجاية،وتدرين أختي طموحة أني من دهشتي ماقلت السالفة لزوجي ماأدري أقول له ولا أتصرف أنا لأنه مو هو الي ودانا .
أختي كاجو فكرت بالحل حقك بس المشكلة ماعندي رقم للقرطاسية ولاهم كاتبينه على الكيس حقهم يبي لي الظاهر آخذه من الاستعلامات .
تصدقين أختي هلا نجد نبهتيني والأخوات لشيء كنا غافلين عنه أول مرة أدري به وأنا غالبا ماآخذ الخدامة معاي إذا طلعت بس هالمرة كانت معاي وربي كشفه وعداها على خير،بعد غير الأرقام الي يقطونها العمال عليهم هم بعد يتصلون على عمال المحلات وش هالحالة ؟
أختي كاجو فكرت بالحل حقك بس المشكلة ماعندي رقم للقرطاسية ولاهم كاتبينه على الكيس حقهم يبي لي الظاهر آخذه من الاستعلامات .
تصدقين أختي هلا نجد نبهتيني والأخوات لشيء كنا غافلين عنه أول مرة أدري به وأنا غالبا ماآخذ الخدامة معاي إذا طلعت بس هالمرة كانت معاي وربي كشفه وعداها على خير،بعد غير الأرقام الي يقطونها العمال عليهم هم بعد يتصلون على عمال المحلات وش هالحالة ؟
والله ياما شفنا شغالات رايحين للبقلات لحالهم
وفي الاسواق يرسلونهم يجيبون الاكل وهم جالسين وغافلين عنها
ويقولون ليه تدخل عندنا رجال او ليه تنحاش وتخليهم
وفي الاسواق يرسلونهم يجيبون الاكل وهم جالسين وغافلين عنها
ويقولون ليه تدخل عندنا رجال او ليه تنحاش وتخليهم
صادقة أختي أميرة بحيرة ياما شفنا من هالعمالة والشغالات وكله من الثقة الزايدة فيهم :mad:
الصفحة الأخيرة
أو زوجك يروح يهاوش العامل
بدون ما يحدد