وبعدين مع هذا البزر هذا

هذا اخوي بعد عنده علاقة عمل مع زوجي
و ٢ شغالين بنفس المجال خلاطات اسفلت وكسارات ومدري ايش وعلى اساس يصير تعاون بينهم بمشروع
وزوجي وعده يساعده ويكون معاه
الحين زوجي تضايق من موضوع هوشته هو وحرمته وهالمشاكل هذي وراح كلمه قبل يومين وتراجع قاله انا مالي شغل ولا لي دخل فيك انا عندي التزامات
وولعت بينهم على الجوال وزوجي قفل بوجهه الجوال وشوي مايلاقيه الا قاعد يرسل رسالة صوتية على الجوال يسب زوجي ويقوله طول عمرك من يوم ماتزوجت اختي وانا اعرف انك قليل اصل وناقص وحقير يافلان
وذاك ولع واتصل عليه وقعد يسبون ببعض وزوجي يقوله والله اجيك اقطع العقال عليك
وقعدو مثل البزران كل واحد يسب بالثاني ويعايره
لدرجة زوجي صار يكح من قوة ماصرخو مع بعض
الحين الوضع مولع بينهم وزوجي حالف ان شافه غير يضربه ويهين كرامته قدام الناس وذاك مهيج اخواني وامي وكلهم يتصلون فيني يسبون زوجي
محرض امي واختي علي يقولهم هي تفزع مع زوجها ضد اخوها وامي على طول تكدرت علي تقولي لاتزوريني ابدا
ولا بعد متهم زوجي انه واقف مع اهل حرمته ومعزز لهم وزوجي مادرى عنهم الا من زوج اختي الثاني
لا وامي تقولي اخذي موقف حازم من زوجك ولا ازعل منك
ماترضى على ابنها وحتى لو هو غلطان لازم يعززو معاه ويوقفو معاه وهو مغرقهم بالمشاكل والحين اختي رفعت قضية على حرمته وشبكو الامور مع بعضها وجايين على زوجي
وشوفو الوقاحة
يتصل علي مرة ثانية عشان حرمته وزواجه الثاني
قمت هزئته وعطيته الزبدة
يقعد يقولي الله يجزاكي خير هذا لي طلع منك بالاخر
واختي تتصل علي تسب زوجي وتقول ماعااااش لي يغلط على فلان لي هو اخوي وتقولي بقص لسان زوجك مرة ثانية وتقفل الجوال
انا قررت من الحين اقاطعهم خلاص زهقت منهم بس خايفة من قطع الرحم وخصوصا امي