غلا الشريده @ghla_alshrydh

عضوة فعالة

وبعدييين مع تصريحات أطباء الشاشات؟؟

بسم الله الرحمن الرحيم
السلام عليكم ورحمة الله وبركاته

طبعا انا كالعاده ماأكتب مواضيع اللا وانا معصبه:angry2:

وأبو طبع مايترك طبعه

المهم بأحكي لكم قصه قصيره حدثت لنا قبل اسبوعين تقريبا

مختصرها
ان اخوي حبيب قلبي تعب وصار عنده كحه مستمره وارتفاع حراره

وراح يسوي فحوصات وأشعه وقالو له بسم الله عليه اشتباه بمرض الدرن

وكعادة المستشفيات الحكوميه يا يستهينون بالواحد ويطلع عنده مشكله كبيره
أو يخرعونه ويهولون من اشتباهاتهم وهو مافيه اللا العافيه

ولما نوى يروح مستشفى بالرياض ويتأكد من فحوصاته قال للوالده القصه

وطلع الله يحفظه

وهنا الوالده تدهورت نفسيتها وصارت تبكي واصابها الهلع
بسبب

تصريح طبيب فاشل استضافته قناه من هالقنوات والظاهر مالقت غيره

يقول هالطبيب بكل بجاحه
احنا لما يجينا أي مريض مصاب بمرض خطير بالرئه
عادة مانقول له معك درن عشان نخفف عليه الصدمه

طيب اذا كانت هالفكره جيده من باب الرحمه والانسانيه

حضرتك تصرح فيها ليه أمام العالم؟؟؟
وكنت احتفظ فيها لنفسك

مراعاة لمشاعر المرضى اللي يسمعونك ويشوفون طلتك البهيه ع التلفزيون

والكثير الكثيييير من هالتصريحات الفاشله نسمعها من هالاطباء الله يهديهم
مما يقذف الخوف والوسواس في نفوس أناس ضعفاء ومرهفين الحس
الناس كل اللي تبيه من هالبرامج
التثقيف الصحي ثم طرق الوقايه وايضاح مجالات
العلاج وأفضلها فقط.

والحمد لله مازال أخوي يسوي فحوصات وتبين ان اللي فيه التهاب رئوي مزمن

ادعو له بالشفاء التام وجميع مرضى المسلمين

أدام الله عليكم لباس الصحه والعافيه وأسعدكم
ومن تحبون

651

يلزم عليك تسجيل الدخول أولًا لكتابة تعليق.

تسجيل دخول

غلا الشريده • 14 سنة

رفع

بنت سدير الشمرية • 14 سنة

الله يشفي أخوك وجميع مرضى المسلمين

fyfy22 • 14 سنة

الله يشافي اخوك
خوفتيني يالغلا الله يستر

هوازن الرياض • 14 سنة

الله يشفي أخوك وجميع مرضى المسلمين ..

أحيانا يكون التشخيص على أساس الأشتباه بالحالة ..

فعندك الدرن والسل وألتهاب الرئة وسرطان الرئوي كلها أعراضها وحدة ..

والتشخيص غير الدقيق وجهل الطبيب .. ممكن يدهور المريض أكثر ..

ولكن الغالبية مثل ما قلتي .. الأطباء سواءا اللي على الشاشات أو في المستشفيات ..

يمرضون المرضى فوق مرضهم .. أو يطلعون فيهم مرض ما يشتكون منه ..

وأعتقد هالشيء يرجع لزيادة العلم فهم يكونون حذرين من أي عارض صحي ..

لذلك ينبهون المريض ويفتحون عيونه على أشياء يمكن ما تكون فيه أصلا ..

ويبقى الطب صراحة .. أعظم مهنة أنسانية ..

مشاعر 132 • 14 سنة

الله يشفيه ويخليه لعين ترجيه