وبعد محاولات سنه ونص زوجي وافق اعرض ولدي ع دكتور

صباح الخير 
ولدي عمره 5سنوات وخمس شهور تاخر بالجلوس والمشي والكلام زوجي رافض يعالجه يقول مجرد تاخير 
الحمد لله جلس ع سنة ونص ومشى علا سنتين وتكلم علا اربعه ونص والى الحين كلام مو مفهوم 
مشكلتي بدأت  من ثلاث سنوات دخلته الروضه عشان الاختلاط بالاطفال حسيته طفل مختلف وحتى المعلمة مستغربه منه طبعا تحسن شويات من ناحية الْكَلام 
مشكلته كثير الحركه حتى يوم يتابع  التلفزيون لازم يتحرك ويصارخ وكمان وهوا يمشي لازم يطيح رغم انه حذّر ويخاف الا إنّو فجاه يوم نكون طالعين يجري ويروج للجهة الثانية  طبعا مو دايم احيانن 
ماينتبهه للي قدّامه يدعس عليه ويمشي رغم أني أحذره ويقول طيب بس يرجع ويسوي نفس الحركه وهوا مايقصد م ادري ينسى والمشكله الي متعبتني تكرار الكلام يكرره مية مره مثال يقول ماما انا رحت البقاله يجلس فتره معلق عليها وكمان اداغلط يرجع يتأسف طول الوقت  😞  عصبي كل شي يبغاه يفشلني يوم نطلع كل شي يبكي عليه  التلفزيون يبغا الصوت علا اعلا شي  

والحين الشي الي مضاييقني😔😔 أهل زوجي يضحكو عليه ادري بتستغربو والله جد تخيلو يوم يكون جمعة حريم ينادوه ويقولو تعال إِيش اسمك وعد من1/10 كأنهم بينبهوا الناس عليه وفعلا تبدأ الاسئله الغبيه طبعا انا م إقابلهم كثير بس هما يجون عندي صارو بالفترة الاخيره ينادوه ويسولفو معاه وهوا مايصدق خبر يبدأ يتكلم كل كلامه خرابيط وماينفهم ويضحكون وانا انحرج وصاره تريقة لهم 
طبعا زوجي كان رافض بس يوم علمته حسيته زعل وقال خلاص بنعرضه علا دكتور وهوا كان رافض 
الحين م ادري وين اوديه لدكتور نفسي او مركز صعوبات تعلم او استشاري مخ وأعصاب أرجوكم دلوني