وتتوالى علي ضربات الحسد كالقنابل تعالوا اقروا اعجب حسد تعرضت له

السلام عليكم ورحمه الله وبركاته
سبق وكتبت لكم عن موضوع عين جارتي لولدي عشان عافيته
بس العين ولا الحسد
لان العين اعجاب والحسد لايصدر الا من حاسد وحقود نفسه خبيثه
لذلك العين اهون من الحسد
المهم الحمد لله عالجت ولدي وتصدقت عنه والحمد لله رجعت له شهيته
اما الشغله اللي حابه استشيركم فيها فهي مضحكه وغريبه
هذا طال عمركم كنت الاحظ من فتره ان ام زوجي اذا نامت معانا في نفس البيت زوجي مايقدر يقربني اقصد العلاقه الخاصه علاقه الفراش
لكن طنشت لانها لاتنام معنا الا اذا كنا مسافرين
وفي اخر سفريه كالعاده زوجي مايقدر يقربني
واحيانا انام بالارض وهو عالسرير
ولااجد رغبه فالقرب منه
ولاحظت انها اي ام زوجي فالليل لاتحب ان تنام بدري عشان نظل معاها سهرانين
ولا يحدث بيننا شي لكني ماتأكدت
وذاك الليله اجي انام وحلم حلم غريب
حلمت اني وزوجي مع بعض وان زوجي متهيأ تماما للعلاقه الخاصه:23:
وفجأه تطل علينا من باب الغرفه وتقول بتهديد لزوجي
ايوه تبغى تجيها
يعني ياويلك
بعدها زوجي انقلب واعطاني ظهره ونام منه اللي كان واقف:confused-
وكنت اقول له كمل قال مااااااااقدر:08:
طبعا طنشت الحلم كعادتي مااصدق الاحلام الا لما اجد لها اثر على الواقع
ومن ذاك اليوم لليوم تقريب مر شهرين
وزوجي لايستطيع ان يقربني وهذي اطول مده مرت علينا
المشكله انه يحاول بس مايقدر وانا تجيني ضيقه وحراره في رجولي اذا حاول يقربني
ويجيني نفور وهوه نفس الشئ
والاحظ عليه انه مهتم من هذا الامر وقلقان وعنده احبااااط
طبعا يوم شفت القضيه احتدمت قلت مالي الا اخذ من اثرا والله ييسر
وماقلت لزوجي عن موضوع الحلم وانا متاكده انها رؤيا حق
بسبب اتحاد الاسباب تخيلوا انه كل ليله يبغى يجيني ومايقدر
واليوم الصباح حاول وماقدر فقلتله اصبر هيه ازمه وتعدي
وباذن الله نويه اخذ من اثرها
لاتقولون اضغاث احلام ومدري شو انا دايم ظني مايخيب واعرف من وين تاكل الكتف
وبعدين الضيقه اللي تجينا والاحباط والنفور تدل عالحسد والاذى
وسبق وحلمت حلم غريب زمان اول ماتزوجت وسالت المفسره
قالت ام زوجك حاسدتكم
طبعا حسدها زمان غير الحين يعني مايتعلق بالعلاقه الخاصه
ومن غبائي اخذت من اثرها بس كبيته ومااستخدمته
واكيد بتقولون ليش هيه كذا الله يستر عليها هيه ارمله وعاشت ظروف صعبه فما الومهاواقول الله لايورينا ماوراها
لكنها معروفه بالحسد لكل الناس لما اجلس معاها تتعب نفسيتي من كثر ماتحقد عالناس خاصه المتزوجات
فالبنات ماتبغاهم يتزوجون والزوجه ماتبغاها تحمل والمطلقه ماتبغاها ترجع زوجه
يعني كل حسدها فالزواج
ودايم مااحب اسولف معاها لانها تتعبني بحسدها للناس وتضيق صدري
الله يشفينا ويشفي كل مريض
واللي بتقول ليه تسبينها مااحد يعرفني ولا يعرفها فماتصير غيبه بس اش رايكم في اللي صار وهل فيه احد تعرض للشي هذا