كل الأخوات هنا بعالم حواء الله يسعد أيامكم بكل خير
أكيد تذكروني وتذكرون عضويتي هنا ومشاركاتي الدائمة وأغلب مواضيعي كانت إني اطلب منكم تدعون لي اتزوج وإني أتمنى الزواج وووووالخ . .
كانت هنالك مقولة لأحد الصالحين يقول فيها : " من تعجل الشيء قبل أوانه عوقب بحرمانه " .
أنا رزقني الله وتملكت ومشت أموري وكنت مبسوطة رغم إني كنت الاحظ ع زوجي أشياء كثير بس أراد الله إن زواجي يتم وتزوجت 5 أيام فقط وتطلقت والأسباب كثيرة ما انحصرت فيه وفي أهله ولا أخلاقه ولا كل حاجة ولا أبوه ولا إخواته وإلا أمه وإلا عماته يعني كل شيء كان ضدي وبالأخير رماني وهددني بالطلاق بعد 5 أيام من زواجي وعلقني والحين ماطلقني وهو بالخارج ورجع للخارج وتركني معلقة ودفعنا لهم المهر كامل عشان يطلقني ولا طلق والحين المحكمة البصمة عندهم ماتشتغل وهذا اللي مأخرنا مانشتكي عليه والشيء الأعظم إن إخواني اثنين وقفوا ضدنا : لأن إخوي الثاني زوجته تصير إخت زوجي ورفض يطلقها رغم إنها السبب الأكبر في طلاقي وهي اللي غشتني بإخوها إنه إمام مسجد طلع مايعرف الله بطرفة عين لكن حسبي الله ونعم الوكيل
وضعنا الآن جدا صعب أبوي مجروح وأمي مكسور قلبها من عيالها وإخوي الكبير زوجته اتحدت مع إخت زوجي اللي هي مرت إخوي ضدنا وصارت تشحن إخوي علينا والحين مايطيق يناظر فينا أبدا
وأنا الحين الحمدلله كل يوم اقرأ سورة البقرة وموكلة أمري لله وموحزينة أبد أبد إني معلقة وبتطلق قريب لكن حزينة إني استعجلت وكنت ابكي وانقهر إني ماتزوجت : ؛ لأني بآخر العشرين وأما الآن ماعاد يهمني كل يوم أدعي ربي وبنشغل بنفسي وبترك كل شيء لله وماراح أفكر بأي شيء لا وظيفة
ولا زواج ولا مشاريع ولا أي شيء بسير متوكلة على الله وانصح كل البنات مثلي اللي ماتزوجت واللي ماتوظفت واللي ماكملت دراستها لاتحزنين أبد على أي شيء واللي متزوجة وماحملت واللي عندها مشاكل وكلوا أموركم لله وعليكم بالصدقة وتحري أوقات إجابة الدعاء والدعاء بالليل والنهار والبعد عن الظلم والتقرب لله بالعبادات كلها وصلة الرحم حتى اللي يجيك منه مضرة اخزي الشيطان وصلي فيه وأجرك على الله والله أمس جلست اقرأ عن صلة الرحم وانصدمت مكتوب قاطع الرحم يقطع الله الرزق عنه تخيلوا !!!!!!!!!
كل وحدة منكم تتخيل إن هذا يومها وهذا آخر يوم بعمرها وتحسن وتتغاظى وتتنازل وصدقوني أنتم اللي بتربحون بالنهاية .....
نصيحة بس والله مني لكم يابنات ؛ لأن الحين المشاكل كثرت وكل بيت عندهم هموم وحالتهم حالة لو فكرنا بالوضع الحالي نلاقي الذنوب والحسد والقطاعة والمشاكل والمباغض وقل الطاعات هي السبب .
وأهم شيء الظلم الظظظظظظظظلللللللللللم ابعدوا عنه ابعدوااااااااااااا واتركوا الناس بحالهم اتركوا الناس بحالهمممممممم والله لما شفت ححمولتي كيف تدخلوا وسووا مشكلة وأبو زوجي وأم زوجي وخواته دعيت عليهم وكل الليل أدعي عليهم ما أنام وزوجي معهم ؛ لأنه هو السبب وهذا اللي بيجي كل وحدة تتدخل بين حرمة وزوجها أو تحاول تفرق بينهم أو فعلا تفرق بينهم ماراح يجيها غير الدعاء عليها ليل نهار وتنتظر المصائب اللي بتجيها .
وحدة تخيلوا يابنات تدخلت بين حرمة وزوجها تنقل كلام عن زوجته بعد ماتطلقت لحمولتها ومرت سنتين وبعدها حملت وجابت طفل مريض بعد تأخر حمل 5 سنين وهي الحين مريضة ؛ لأن الحرمة دعت عليها دعت دعت دعتتتتتتتتت لحد ماشبعت وبرمضان وبمكة
لذلك اتركوا القيل والقاااااااااااااااال والله ماخرب البيوت غير القيل والقااااااااااااااااال ومايرمي الناس بالنار إلا حصاد ألسنتهم .
هذي كل قصتي وأتمنى منكم تدعون لي وتتعظون مني ..
الحمدلله على مانحن به الآن وماعلى سوف نكون به غدا .
المهم عسى ربي يفرج همك .