فناتيل @fnatyl
محررة
وتعطلت لغة الكلام وخاطبت عيني في لغة الهوى عيناك<< قصتي باجزاءها الجديده
السلام عليكم ورحمة الله وبركاته
عزيزاتي بنات حواء لاحرمني الله صدق اخوتكم ومحبتكم واعتذر من الجميع عن انقطاعي لاسباب خاصه فالمنتدى وخارج المنتدى
يكفي ان هذه التجربه خرجت فيها بمعرفة اخوات غاليات عزيزات على قلبي لااعرفهم الا من كلماتهم الاكثر من رائعه في سطور سطرتها ايديهم جعلهم ممن يستلمون كتبهم بايمانهم يوم القيامه
لااستطيع ان اخص احدا بالشكر لان الكثره غلبت عالقله بالذوق فالكلام والاسلوب وحسن الظن وايضا اخاف ان يسقط اسم احدهم سهوا فيكون في خطركن شيء علي لكن اقسم بالله لكن مني دعوات في سهام الليل اسال الله ان تصيب ولكم مني كل حب وتقدير
هنا ارجو من مشرفاتنا الغاليات اغلاق موضوعي الاول لاني ساانزل القصه جميعها هنا وسيكون الجزء الاول يحتوي على سبع حلقات وهي الاجزاء اللتي قرأتموها اما الجزء الثاني سيبدأ من الحلقه الثامنه وبااذن واحد احد سانهيها قريبا وساكتب لكن قصه وعدتكم بكتابتها حقيقيه بكل احداثها
الجزء الاول
الحلقه الاولى
اريج:سحرررر يلله اصحي ياعروسه بنروح بيت ابوي عبدالعزيز
سحر: اريـــج حرام عليك اطلعي خليني انوم انتي عارفه امس مانمت زين
اريج: اهااا مانمتي زين ليش متى سكرتي من فارس الاحلام
سحر: اريجوه اطلعي وقفلي الباب وبيت ابوي عبدالعزيز ماراح اروح عارفين امس ملكتي وبيقدرون اني تعبانه
اريج: اوك الي يريحك
خرجت اريج من غرفة سحر دخلت المطبخ لتجد امها تهم بتحضير الصواني لتضع فيها مالذ وطاب
اريج: يمي يمي تسلم دياتك ماما ممكن اتذوق
ام وليد: اريج ماني رايقه لك ياتساعديني ياتطلعين وتفكينا شرك
اريج: اساعدك يااحلى ماما ليش مااساعدك :ياعيني عالريحه يمه اكلك جنان يوه لو تدري اصايل انك مسويه ورق عنب تموت بورق العنب اللي تحضرينه
ام وليد: خلصيني وشيكي على اخوانك اذا جهزو ومري بالمره على سحر تأكدي اذا بتروح معنا او لا؟؟
اريج : لايمه مالكم امل تروح تعرفين مانامت سهرانه عالخط مع فارس الاحلام
ام وليد: عقبالك هههههههه خليها ترتاح المسكينه تعبت امس كثير
خرجت اريج حين انتهت من تجهيز الطعام مع والدتها وانتقت بعض الورد من بقايا كوشة سحر بالامس واخذته لصديقة روحها اصايل ابنت عمها
حضر الاب من صلاة الجمعه وبدأ يضرب على بوق السياره لاستعجال عائلته فالخروج والكل كان على اهبة الاستعداد للذهاب لبيت الجد وكانت عادة الاسره زيارة يوم الجمعه على الغداء من كل اسبوع
خرج الجميع في حين كانت سحر تضع المخده على راسها وتظغط عليها بشده حتى لاتسمع سمفونية كل جمعه وازعاج بوق سيارة والدها
بدأ الهدوء يخيم فالمنزل سحبت نفسها الى ستارة الغرفة واغلقتها ودخلت لدورة المياة وتوضأت لصلاة الظهر واخذت سجادتها لركن في غرفتها تحب ان تصلي فيه دائما انتهت من صلاتها مكثت قليلا على سجادتها تحس بشيء جديد في حياتها دخول رجل الى حياتها وشريك مازالت في داخلها لاتعلم احسنت الاختيار ام اخطأت مشاعر متضاربه بداخلها لاتعلم اهي سعيده ام حزينه
رفعت يديها الى السماء الهي لاتكلني لنفسي طرفة عين واصلح لي شأني كله لااله الاانت , ربي ان كان في قربي منه خير لي وله فاجمعنا على خير وان كان في قربي منه وزواجي منه شر لي في ديني ومعاشي فاصرفه عني ياااارب
انحدرت دمعه ساخنه على وجنتيها نهضت الى سريرها والنوم قد جفا مقلتيها وسرحت بعيدا
في بيت ابو عبدالعزيز مجلس الرجال ممتلى بابناء ابو عبدالعزيز واحفاده وانسابه
ويغص مجلس النساء ببنات ابو عبدالعزيز وزوجات ابنائه وحفيداته
الكل كان يطري على ترتيب ام وليد في حفل ملكة سحر وام وليد كانت تبادلهم ابتسامه فخر مقابل كلمات المديح والاعجاب
سحر مازالت مستلقيه على سريرها نظرت الى الساعه كانت تشير الى الثانيه والنصف: ياااالله الوقت بطيء اليوم مدري كيف يمشي انزل اكل لي لقمه احسن لي
نزلت سحر الى المطبخ ووجدت ان امها قد اعدت لها طبق صغير من كل طبق اعدته لبيت جدها ابو عبدالعزيز
حملت سحر الاطباق وخرجت لتجلس في صالة المنزل رفعت بصرها لترى بقايا من ورد كوشتها بالامس في كل مكان جالت بنظرها في كل مكان واطلقت زفره لاتعلم سببها عادت لتحمل طبقها بين يديها وتعيده للمطبخ أعدت لها كوب من النسكافيه وخرجت الى غرفة التلفاز وبدأت تقلب نظرها بين المحطات قطع ذلك نغمة رساله على جوالها المحمول فتحتها لتجدها من فهد رمت بمحمولها بعيدا وعادت تقلب في محطات التلفاز
وفي بيت ابو فهد كان فهد للتو قد صحى من النوم دخل على والدييه
ام فهد: مبروك ياعريس ناموسيتك سوداء على قولة المصريين هههههه
ابو فهد: مشاءالله نايم صح وجهك ورم من كثر مانمت
فهد: هههههه الحمدلله يارب ( السعاده واضحه بعيني فهد وبوجه وبكلامه وكل تصرفاته
ام فهد وابو فهد فرحيين كثيرا لفرحة ولدهم البكر
احضرت ام فهد لفد الغداء هم فهد بتناول وجبته في حين كان لايكل متابعة جواله لعله يجد رساله من سحر
الحلقة الثانيه
الساعه تشير الى الرابعه سحر مازالت امام التلفاز
دلفت اريج ردهة الباب بقوة مماقطع سرحان سحر: اريج ياربي منك الى متى وانتي كنك ولد اثقلي وين انوثتك والله لو انك مو اختي لااقول ولد
اريج وبضحكه وصوت جهوري: يااااااي انثى اجل ياشيخه وسعي صدرك انا انعم وحده بشلتي خخخخخخخ
سحر: الله يعين معلمه تدرسكم المهم تعالي عطيني اخبار بيت ابوي عبدالعزيز
اريج :بقول لك بس بشرط
سحر تلتفت لااريج وفي نظراتها علامات استغراب: شرط!!!! امري وتددلي بعد
اريج: امممم كلمتي حبيب القلب وش قال ووين بتسافرون ووو وش بعد امممم وش رتبتو للزواج؟؟
سحر: ارفقي بسم الله عليك ماكلمته اصلا
اريج تنظر بدهشه وتغمز بعينيها لسحر : سحيررروه علينا
سحر: والله من صحييت ماكلمته
اريج: غررررررررررررررررررريبه طيب اجل بقول لك اليوم ببيت ابوي عبدالعزيز والله كلم يمدحون بشكلك وفستانك وسألو وين فصلتييه واعجبهم كل ابو شيء من الحلويات والقهوجيات وترتيب البيت الى العشاء ولبسنا ومكياجنا
سحر: طيب الحمدلله وش بعد
اريج: وبس
سحر: ارييج وانتي ليش رجعتي لحالك
اريج: اوووف امي فشلتني قدامهم وماقدرت اقول لا تقول روحي اجلسي مع سحر لحالها
سحر: يوووه كان ماجيتي وراي مذاكره وبلتهي فيها
اريج: يعني انا اللي ودي اجي قلت لك امي قالت لي قدامهم وماقدرت اقول لا, تعالي سحر امي تاركه لك غداء تغديتي؟؟
سحر: لاوالله خذته ورجعته مثل ماهو مالي نفس مدري ليش
اريج: حلووووو يييييييييييييييس ماتغديت مكتوب لي الغداء
نظرت سحر الى اريج وهي مبتسمه: عليك بالعافيه يادوبا
احضرت اريج الغداء وجلست امام شاشة التلفزيون واخذت تقلب بالقنوات ,,سحر تنظر الى اريج وتبتسم وبداخلها تقول ( ياحظك اريج هنيالك ) قطع ذلك المشهد رنين جوال سحر المتصل كان فهد
فهد: هلا باحلى سحوره بالكون
سحر: هلافيك
فهد: وينك ماسمعت صوتك ولاتكرمتي اقل شيء بمسج
سحر: مدري والله كيف مر اليوم مشغوله وتعرف وراي مذاكره
فهد: اها بالتوفيق اهم شيء انجحي وجيبي معدل حلو ابيك تدخلين قسم حلو
سحر:ان شاءالله يارب, فهد معليش مشغوله اقدر اسكر
فهد: !! ليش مشغوله بوشو
سحر: بابا بيجيونه ضيوف واهلي ببيت جداني وبصلح قهوته
فهد: وانتي ليش مارحتي معهم ليش جالسه لحالك
سحر: تعرف متىسكرت منك ومتى نمت وهم روحو بدري بعد صلاة الجمعه على طول
فهد: اوك خذي راحتك
اغلقت سحر الخط من فهد واحست بغصه بداخلها لا تعرف لها تعبير سقطت دمعتها وبحركه سريعه محاولة مسح دموعها احست بيد اريج على كتفها : سحوره وش فيك؟؟
سحر: مدري متضايقه
اريج: سحوره اللي تو فهد صح؟؟
سحر: يييس << تنهدت تنهيده عميقه رفعت قدميها عالاريكه وارخت راسها
اريج: يابنت انتي فيك شيء قولي لي تكفين والله العبره خنقتني
سحر لم تتمالك نفسها وانخرطت فالبكاء
تساقطت دموع اريج وجثت على ركبتيها قريبا من سحرووضعت يدها في يد سحر : سحرررر تكفييييين وش فيك مافييه احد يتضايق من لاشيء قايل لك شيء ضايقك بشيء
جلست سحر وضمت ركبتيها الى صدرها بيديها وجعلت راسها على ركبتيها: اريــــــــــــــــــج ابد ابد مو مرتاحه لفهد مدري ليش وللامانه وربي ماشفت منه شيء بس خايفه مدري من الزواج مدري من شخص فهد مدري لان الظغوط كثرت عليملكه واختبارات وزواج كلها بوقت واحد
اريج: سحوره هانت الحمدلله كلها ثلاث اسابيع ومتخرجه من الثانوي مابقى كثير وبهالثلاث اسابيع ابد لاتسوين ولاشيء قدامك كثير يمدييك تجهزين
سحر: لازم كذا والله محتاره ياربي هون علي ووفقني لما تحب وترضى <يله اريج استاذنك بس بذمتك لااحد يدري
مضت سحر الى غرفتها ومن دون شعور توجهت لدورة المياه وتوضئت وخذت سجادتها قريبا من نافذة غرفتها صلت ركعتين اطالة فالسجود واكثرت
من الدعاء بكت بين يد الله وكعادتها انتهت من صلاتها ونفسيتها للافضل << لازم اصرف تفكيري عن هالزواج ابي اذاكر ياربي ساعدني
<<اخذت كتابها وخرجت لمكتبة والدها
في حين كانت اريج تجلس في صالة المنزل تقلب بين القنوات وفكرها وشعورها مع اختها سحر
سحر كانت تاخذ الغرفه ذهابا ايابا وكتابها بيديها وبينما هي كذلك سمعت صوت نغمة هاتفها تعلن وصول رساله وسريعا اخذت جوالها فتحت الرساله واذا بها من فهد
<<انتظرت كثير بس كمايبدواني اخر اهتمامتك ياهانم >>
صعقت سحر من اسلوب فهد ورسالته قطعت حبل مذاكرتها .. ضاقت بهالدنيا لم تعلم ماتفعل اتتصل ام ترسل له رساله
رمت بجوالها وجلست عالكرسي اسندت رأسها عالكرسي << ياربي وش فيه هالولد ليش تفكيره كذا وش سويت
فكرت كثيرا ولم تتردد في ان تتصل وتعتذر منه اخذت جوالها كانت تبحث عن اسمه فالقائمه ويديها ترتعد واصابتها بروده غريبه ظغطت باصبعها على السماعه الخضراء ووضعته على اذنها ليجيبها النداء الالي باان الجهاز مغلق عاود الاتصال بوقت لاحق
رمت جوالها وكتابها من يديها وخرجت فورا من المكتبه الى الطابق السفلي لتجد والدتها تجري مكالمة عالهاتف
جلست بجانبها تنتظرها تنهي المكالمه لكن كمايبدو ان اتصال ام وليد كان طويلا ومواضيعها متشعبه
اشارت سحر لاامها باانها تريدها قليلا وعالفور انهت ام وليد الخط واحست ان هناك امر ما
ام وليد: سحر وش فيك !!؟؟
بدأت تنحدر دموع سحر على خديها وهي تحكي لامها ماحصل وحينما انتهت ضحكت والدتها واخذتها في حضنها : سحوره عادي قلبي انتي جاهله بهالامور وفهد يبيك باستمرار تكلمينه وترسلين له لانه يعتبر هذا الشيء اهتمام وانتي لاتقصرين
سحر: ماما بس مدري وش فيني متضايقه من جلست معه في الملكه يمه...
ام وليد: وش فيك سكتي وشو قولي
سحر: يمه جد ابدا مو مرتاحه ودي ننهي الموضوع مخنوقه يمه
ام وليد وبعصبيه: ننهي الموضوع بهالسهوله ليش وانتي ضامنه تحصلين مثل فهد ولد عز ولاوظيفه ولاشيء جالس جنبك وبوجهك 24 ساعه وبتعيشين حياة احسن من حياتك هنا سفريات للخارج ولبس ماركات ودلع وبيعوضك عن كل شيء بنفسك
سحر: ماما بس انا ماتهمني السفريات وغيره قدام اني اعيش مبسوطه ومرتاحه صدقيني الفلوس مو كل شيء بالحياة
ام وليد : شيلي هالتفكير من راسك وقومي وارسلي له رساله حلوه اقلها اذا فتح جواله ينبسط ولايحس مطنشته قولي له ان عندك اختبار وبيقدر ان شاءالله
سحروقفت ومازال بداخلها ذالك الشعور الغريب ومع ذلك لم تجد عند امها مايشفيها ذهبت الى غرفتها وكتبت له رساله بسيطه ومسكت بكتابها بين يديها وارخت جسدها على سريرها لم تستطع ان تقرأ حرفا واحدا ولم تشعر بنفسها الا وغطت في سبات عميق
فجأه رن جوال سحر كانت المتصله صديقتها الخاصه خلود
سحر: اهلين خلود
خلو: مشاءالله يادافوره شكلك مخلصه مذاكره ونمتي
سحر: ياشيخه والله ماقريت كلمتين على بعض راحت علي نومه ياشيخه بالله خلود كم الساعه؟؟
خلود: الساعه 12:30 خلصت وقبل انام قلت اشوفك خلصتي ولاتوك
سحر: يووووووووووووووه خلود يله حبيبتي استاذنك اقوم اصلي واذاكر ما
حسيت بالوقت يله يله مع السلامه
خلود: بسم الله علي طيب اشوفك بكره مع السلامه
صلت سحر ومضت تذاكر مادة الغد
في حين فهد عاد من سهرته في استراحته الخاصه والتي يجتمع فيها مع اصحابه استلقى عالسرير<< خل افتح جوالي اشوف اذا معبرتني الاخت ولامطنشه
فهد: رساله هذا اللي قدرها ربي !!؟ اموت واعرف وش عندها هالبنت الظاهر تسمع بالتغلي
فتح فهد لابه وصار يجول ويصول بمنتدياته الخاصه
اذن الفجر وبعد نصف ساعه فتحت ام وليد باب غرفة سحر لتوقظها للمدرسه وجدت سحر مازالت تذاكر: سحوره مانمتي قلبي
سحر: والله يمه سحبتها نومه ا مس وماذاكرت لولى ان ربي سخر خلوده اتصلت علي وصحيت عالساعه 12
ام وليد: طيب انزلي افطري قبل يصحى ابوك
سحر: يمه دقايق اللبس وبنزل
لبست سحر زي ا لمدرسه
وهمت بتصفيف شعرها وصلها مسج وفتحته سريعا : صباحك ورد المرسل :فهد
ابتسمت سحر لان الرساله بعثت فيها قليلا من الامل وقطعت التفكير في ان يكون فهد غاضب منها
سحر: مشاءالله عليه صاحي بدري تطلعت بالساعه يووووووه تأخرت
طلعت سحر للمدرسه وفهد مازال ماسك جواله << فهد<< اكييد صاحيه قالت لي عندها اختبار طيب ليش ماردت علي!!! رمى جواله بقربه ووضع الاب بجانبه وغط في سبات عميق
مرت ايام خطبة فهد وسحر بين شد ورخي وزعل ورضى فهد كان يبي يحس باهتمامها وسحر كانت تحس انها محتاجه تجلس مع نفسها وتفكر بعمق في حياتها مع هذا الرجل وتعلق والديها فيه كزوج لها
مرت الايام سريعه على سحر لكن فهد كانت بالعكس بطيئه عليه جدا وكان ينتظر ليلة العمر على احر من الجمر
سحر: ياربي ياخلود للان مو مصدقه اني بطلع من صومعتي للبيت ثاني ومع رجال غريب
خلود: ههههههههههه حلوه صومعتي يله مابقى لك الاخمس ايام لاتطلعين من صومعتك ابد صلي كلي اتفرجي عالتلفزيون فيها
سحر: اكيييييد هذا اللي بيصير ههههههههههه طيب خلودي بقفل بنزل جايتنا خالتي وبناتها بيسلمون علي ويشوفوني قبل الزواج
خلود: موفقه سوسو يله فمان الله
اقفلت سحر الخط وبدلت ملابسها بسرعه ونزلت للطابق السفلي لتجد خالتها وبناتها حضرو محملين بالهدايا
سحر: يالبيه ياخالتي والله شوفتكم بالدنيا ومايحتاج كل هذا محملين بالهدايا ومتعبين انفسكم
ام سعد: يوه وكم عندنا من سحر تستاهلين ياقلبي
وطول وقت الزياره وسحر ترىبنظرات عبير ابنت خالتها ام سعد نظرات غيره وحقد فعبير تجاوزت الخمسه وعشرين ولاتملك نصف مواصفات سحر وهذي سحر تزوجت قبلها
سحر تحاول تجاهل نظراتها الى ان انتهت الزياره على خير
ام وليد: سحوره يوم الاثنين بنودي اغراضك لبيتك قبل ابوك يسلم سيارته الكبيره لعمك يقول بيروح يومين مكه وياجدتك قبل الزواج
سحر: ماعليه يمه ابشري
اريج: وش راييك سحر ماورانا شيء نرتب بعض الاشياء الليله قبل نوم يعني احنا سهرانيين سهرانيين وبكره بتجيني اصايل بنت عمي يعني ابد مو لمك بصير وعقبه منتي ملحقه
سحر:ههههههههههههههههههههه ياعيني يعني بضييع لو ماتساعديني
طلعو سحر واريج لغرفة سحر وبدأو لم اغراض سحر بشنط قد اشترتها لهذا الغرض
اريج تلمح عيون حزينه وتنهدات من سحر: سحوره !!
سحر بصوت حزين : هلا
اريج: قولي امين
سحر: امين
اريج: السنه الجايه مثل اليوم نضحك انا وياك على هالايام
سحر: مافهمت
اريج: يعني نضحك عليك وعلى خوفك من فهد ويارب بعد تكونين قد جبتي بنوته قمر مثل خالتها
سحر لمعت دمعه بعينيها : يااااااااارب <ابتسمت ابتسامه حزينه وبادرتها اريج وضمتها
الليله اخر ليله لسحر ببيت اهلها
ام وليد: هاه سحر شوفي لو قال لك بكره بتروحون لاهله البسي فستانك الموف والبسي الطقم حق ابوك الهديه ورتبي مكياجك ولبسك ابيك تبيضين وجهي ماخذين عاد فكره عقب الملكه شغل مرتب وابي نظرتهم ماتتغير
اريج تنظر لاامها نظره عتاب عالنصائح المهمه اللي تقدمها والدتها لاختها بليلة زواجها
سحر: ان شاءالله يمه
ام وليد: يله عاد بنوم وراي بكره شغل لراسي ونومي زين سحر خلي وجهك يورد مو تسهرين
سحر: ان شاءالله
طلعت ام وليد لغرفتها واقتربت اريج لسحر ووضعت يديها على كتف سحر: سحوره
سحر: هلا
اريج: والله بنفقدك حاسه فيك بكل شيء بس نصيحه مني
سحر: اسمعك اريج قولي
اريج:مهما كانت شخصية فهد لاتتغيرين تعودنا عليك بهالشخصيه الحلوه اهل فهد شوي فري بس عمر التطور والكشخه ماكان بمخالفة الشرع وبعدين دراستك لاتتركينها وش يضمن لك حياتك مع فهد الدراسه تعطيك امان واستقلاليه عن الرجال
التفتت سحر لااريج : اريج تمنيت سمعت هالكلام من ماما الله يهديها بس تمنيت احد يعلمني كيف اتعامل مع فهد مع اهله ماسمعت من امي الا اكشخي البسي خليك دلوعه وكلامك مرتب وكنك تعرفين لكل شي لاتقولين مااعرف لمطعم الفلاني مازرت المكان الفلاني
اريج: امي هذا طبعها وتعرفينها يهمها تكون مودرن ستايلها عالموضه ويعجب الناس
سحر: يله الحمدلله اريج بقوم اصلي لي ركعتين وبروح اسوي حمام زيت لشعري
اريج: سحر ادعي ربي يوفقك ويسخره لك
سحر: ياحبي لك اكيد بدعي
وفي صباح يوم الزواج اطلقت ام وليد صافرات الانذار وبدأت مهامها في ساعات مبكره من ساعات الصباح الاولى
الحلقه الثالثه
بيت ابو وليد اليوم زواج سحر وفهد
الساعه 11 ظهرا
ام وليد: اريج صحي سحررر للحين نايمه
اريج: يمه مااقدر خلييها تريح شوي مانامت الا متأخره
ام وليد: طيب دامك فاضيه طال عمرك جهزي فستانها وشنطة الذهب وباقي اغراضها علشان من تصحى تروح للقاعه ويمدييها تخلص بدري علشان تتصور قبل يجون المعازيم
اريج: ابشري يمه ابشري حطي ببطنك بطيخه صيفي دامي عندك
ام وليد: ههههه نشوووووف
همت اريج بترتيب اغراض سحر
ودقائق فتح الباب : اريج وش تسويين
اريج: صحيتي ارتب اغراضك امي تقول اجهزي بدري علشان التصوير بالقاعه وهيكات
سحر: ياحبي لك
اريج: هاه بشري نمتي زين
سحر: والله معي صدااااع فضيع ونومي كوابيس اعوذ بالله من الشيطان الرجيم
اريج: بسرعه خذي لك بنادول وافطري فطور زين يله استناك اذا خلصتي تعالي فيه بعض الاشياء تعالي انتي رتبيها
سحر: اوك بصلي لي ركعتين وانزل
دخلت سحر غرفتها وبداخلها غصه وضيق وشعور بالبكاء توضأت وتناولت سجادتها وفرشتها قريبا من ذلك المكان الذي طالمها وقفت فيه بين يدي الله رفعت يديها الى السماء
( يارب لاتكلني الى نفسي طرفة عين رحماك يارب ) صلت ركعتين دعت وبكت واحست بشيء من الطمأنينه
نزلت للطابق السفلي لترى المنزل انقلب راس على عقب:يوووووه ياماما وش مسويه انتي
ام وليد: صباح الخير يله ياماما مو يوم النوم اليوم ابي وجهك حلو ابيك مرتاحه يله افطري تراي واعدت الكوافيره فالقاعه ثنتين الظهر ومثل منتي شايفه مافيه وقت
سحر: ابشري يمه
دخلت سحر المطبخ
تناولت من الثلاجه شريحتين من التوست وضعت بينهم شريحه من جبنة الشيدر وكاس عصير برتقال دخلت ام وليد لتنهي اعداد سلطة للغداء وبدأت تملي على سحر قائمه من الاوامر والطلبات بدأ من امور الليله ووقفتها فالتصوير وابتسامتها وسلامها عالمدعوات وانتهاء باامور الاتيكيت والاناقه فاللبس وغيره
سحر تجلس على كرسي بالمطبخ وتستمتع لوالدتها ورأسها يكاد ينفجر وترسم ابتسامه صفراء على شفتييها : ابشري يمه مالك الا رضى الخطر
سحبت نفسها سريعا حين قطع حديث والدتها رنين الجوال وخرجت مسرعه لتنازل درجات السلم بخفه
اريج: سحر كل شيء تمام تعالي شيكي عاد
سحر: اوك طيب وانتم جهزتو اموركم
اريج: ايه امي مشاءالله عليها من سبعه صاحيه
سحر:الله ييسر
مرت ساعات هذا اليوم بطيئه ثقيله على نفس سحر
الساعه تشير الى الثامنه سحر بكامل زينتها
ام وليد: سحر انزلي خذي لك كم صوره بالقاعه قبل يجون المعازيم
سحر: يله يمه بس اصلي العشاء
ام وليد: الله يهديك بتخرب تسريحتك وشلون بتتحجبين
سحر: يمه يعني مااصلي !!! يله دقايق واجييكم
حملت سحر نفسها الى غرفه مجاورره صلت العشاء ( ياربي دبر لي امري فأني لااحسن التدبير)
نزلت سحر مع ذلك السلم الطويل
وبالاسفل يقف والدها ووالدتها واخوتها الكل سعيد بتلك اللحظه
وفي هذه اللحظات بدأ حديث النفس في دواخل عائلة ابووليد وهم يعايشون تلك الفرحه
والدها ينظر اليه ويتذكر يوم كانت طفله صغيره في حضنه < الله ياسحوره وربي بلغني فيك وصرتي حرمه وهذاي اشوفك عروسه
ام وليد< الحمدلله تعبنا ونلنا فعلا بتكون سيرةعرايس هالسنه
اريج: < مدري كيف بيكون البيت بدونك الله يوفقك يارب
الجوهره: ياحلو سحور اليوم يارب متى اكون عروسه مثلك
ركض عبدالعزيز وتعلق بطرف فستان سحر سبقته دموعه : سحر صدق انتي خلاص مو راجعه معنا البيت بتروحين بيت ثاني
سحر وكأن عبدالعزيز اخيها الصغير اكمل ماكان ينقصها: عزوزي بكره اجييكم حبيبي كل يوم تشوفني اذا جيت من المدرسه
تماسكت سحر وبدأ التصوير نزلت مع درجات السلم الواحده تلو الاخرى تصنعت ابتسامه صفراء خاليه من معاني الفرح
ووصلت لاخر درجه قرب منها والدها : مبروك عروستنا وقبلها بين عينيها
اقتربت منها والدتها : حبيبتي الف مبروك وضمتها الى صدرها قليلا ثم وقفت جانبها من الجهه الاخرى التي يقف فيها والدها
اريج تقف بعيدا لانها لاتستطيع ان تتصور معهم بحكم ان هذا الشريط ستحتفظ فيه سحر ببيتها وسيطلع عليه زوجها
كانت اريج تراقب عيني سحر وتعلم مدى الحزن الذي بداخلهاا( يااااارب تكونين اسعد انسانه مع فهد يارب )
انتهت الزفة العائليه وعادت سحر ادراجها الى غرفة العروس
ساعه وبدأ مدعو الحفل يتوافدون
سحر طوال ذلك الوقت وهي تدعو ربها بأن تسير الامور على مايرام
حضرن المدعوات امتلات غرفة سحر بصديقاتها الهدايا في كل مكان الضحكات والهمسات كلمات المديح على فستان سحر ومكياجها رفع من معويات ام وليد كثيرا وازدادت عجبا
سحر لم تكن في قمة الجمال لكن لمحة الهدوء والابتسامه التي لاتفارق محياها تعطي الاخرين شعورا جميلا تجاهها تحمل الكثير من مشاعر الحب العطف الاخلاص وحري بمن تكن تلك مواصفاتها ان يكون لها كم ليس بالقليل من الصداقات
زفت سحر تصنعت الابتسامه واظهار مشاعر الفرح وبداخلها كم من التناقضات وتجاهد نفسها لتقوم بنصائح والدتها
قمن المدعوات بالسلام عليها جلسنا صديقاتها بجوارها رقصن وضحكن مرت الساعات كالحلم
انتهى الوقت المحدد للزفه المدعوات يغادرن المكان لصالة لطعام
غادرت سحر منصة العروس تجر خلفها ذيلا طويلا هد جسدها النحيل تبعتهاوالدتها ودعتها قربت منها اريج بكت ثم بكت
الجوهره : سحووره مره صديقاتي يقولون تجنن سحوره اليوم متى اتزوج يارب < ترفع يديها للسماءوتدعي
نظرت اليها سحر نظرة يملؤها الحزن : جوجو لاتستعجلين الله يرزقك فوق ماتتمنين
خرجت سحر من غرفة العروس بعد مالبستها والدتها عباءتها وركبت مع فهد بالمقعد الخلفي حيث كان بالمقعد الامامي سائق خصوصي ليوصلهم للفندق
فهد مسك كف سحر: مبروك حياتي
سحر بصوت مبحوح غير مسموع: يبارك فيك
احست برجفه بروده شعور غريب
وصلت السياره للفندق نزلت سحر ساعدها فهد حتى وصلو للجناح المخصص لهم
دخلت سحر ازاحت عباءتها دخل فهد خلفها قرب منها ووضع يدييه على كتفيها : سحوره خذي راحتك وبدلي ملابسك شوي وبجييك
احست سحر براحه بدلت ملابسها ارتدت فستان من الحرير بكرستالات ناعمه رتبت شعرها ولمسة عطر
اخذت تجول بالغرفه رتبت حقيبتها دقائق ودخل فهد
فهد: سحوره تبين نتعشى هنا ولاتحت
سحر: امممم اللي يريجك بس ودي نصلي فهد ركعتين قبل نتعشى
فهد: اوك بتوضى ونصلي ونقرر بعدها وين نتعشى
صلو فهد وسحر دعت سحر: ان يكون زواجها زواج ميمون مبارك وان يجمعها بفهد على خير
وبعد الصلاة قررو يتناولون العشاء في مطعم الفندق
كانت ليله سعيده لفهد فرح كثيرا بسحر وماتحمله تلك الفتاة من هدوء وحياء الى اخره
فهد: سحوره بنتغدى عند امي بكره جهزي حالك لازم ننوم بدري
سحر: ان شاءالله
تجاذبو فهد وسحر اطراف الحديث عرف فهد كثيرا من طبائع سحر كمايبدو ايضا انها عرفت عنه بعض الشيء
ومع نسمات الفجر وبعد ماادو الصلاة خلدو الى النوم
الساعه تشير الى الثانيه ظهر فتح فهد عينيه : يووووه سحوره الساعه صارت ثنتين
سحر تفتح عينيها بصعوبه: يوووه فهد تأخرنا مره ماصلينا
فهد: اوك اصحي هزي حالك نلحق نتغدى مع اهلي
سحر : اوك
دخلت سحر للتواليت اخذت دش سريع صلت الظهر ارتدت فستان من الحرير الاوف وايت
سرحت شعرها وضعت ميك اب ناعم
فهد: سوسو خلصي قلبو مانبي نتاخر صار بجوالي 12 مكالمه ماابي اكلمهم الا لمانطلع
سحر: اوك فهد خلصت بس اللبس عبايتي
في بيت ابو فهد
ابو فهد: والله احنا نحترق هنا وشكل العرسان ساحبينها نومه قايل لك خليها عشاء احسن لنا ولهم
لم فهد: لاياابو فهد ابي اشوف ولدي قلبي بياكلني عليه لو مااشوفه الا بالليل
دخل فهد وبيده ماسك سحر
ام فهد: كللللووووووووووووويش حي الله عرساناااا
ابو فهد: اسفرت وانورت
حنان ومنى وساره يتطلعون بفهد وزوجته والابتسامه تملئ الوجوه
ام فهد : الله يهدييك ياوليدي ماظبطت منبهك شكلك غدانا برد خلونا يابنات ناخذ فنجال قهوه ونتغدى لايبرد الغداء
ساره: الي يريحك يمه
تناولو القهوه سريعا ثم دخلو صالة الطعام وتناولو الغداء كانت سفره عامره من كل مالذ وطاب
وبعد الغداء جلسو جلسه عائليه احبت سحر جو عائلة فهد واحست براحه لاخوات فهد وكأنهم تقبلوها كاخت من اول مره زارتهم فيها
منى: فهووود رتبنا غرفتك ورها سحر خلها تعرف عن حياة العزوبيه
فهد: هههههههههههههههههه لاتفشلونا يله سحر قومي معي اورييك غرفتي
دخلت سحر غرفة فهد جلسها عالسرير وبدا يفرجها على اشياءه الخاصه ملابسه مذكراته دفاتر ايام دراسته محتفظ فيها وغيره كثير
دخلت ام فهد غرفة فهد وضحكة فهد وسحر ماليه الغرفه
ام فهد: هههههههههههه دوم هالضحكه يارب وش عندكم
فهد: يمه سحر تضحك على صوري يوم كنت صغير تقول ابد مو كانه انت
ام فهد: ايه بسم الله عليك تكبر وتزين
سحر: فهد ممكن اخذ هالالبوم معي
فهد: الالبوم وصاحبه تحت امرك
ابتسمت سحر ووضعت الالبوم بشنطتها
نزلو للطابق السفلي واكملو السوالف
سحر احس انها نست شيءمهم بحياتها : اووه فهد
فهد: هلا وش فييك؟؟
سحر: ابي امر اهلي بعد اذنك
فهد: خوفتيني هههههههههههههههههه طلباتك اوامر
الحلقة الرابعه
طلعت سحر من منزل اهل فهد وخذ لها فهد قاتوه
دخلت سحر بيت اهلها والكل طار فيها
فهد: سحوره استاذن بخليك عندهم تاخذون راحتكم بس ساعه وامرك
سحر: فهد شويه ساعه
فهد: بشتاق لك طيب غصب عني
ابتسمت سحر ونزلت عيونها بحياء : خلاص اللي يريحك
جلست سحر مع اهلها وضحكو وانبسطو
اريج بداخلها: الحمدلله يارب سحر اليوم غير يارب تكون ارتاحت لفهد وحبته
سحر: يووووووه نسيت معي صور لفهد من يوم كان بالابتدائيه وقبل بعد والله ضحكنا عليها ضحك
اريج: يالله ورينا هههههههه خلضحك
سحر: اريج مااسمح لك تضحكين على زوجي
اريج: ياعيني خخخخخخ انتي قلتي ضحكتو يعني اكيد احنا بنضحك عالصور
سحر: هههههههه يله قربو عند ماما نشوفها سوى
التمو العائله ام وليدوابووليد واريج وبقية العائله وبين ضحك وتعليق لفتت ابو وليد وحده من الصور نظره : لحظه سحر وريني
سحر:سم يبه
ابو وليد: هذا من سحر؟
سحر: تعرفه يبه!!! انا حاسه انه م غريب علي كأني شفته تلفزيون شيء ,,, هذي كشته طالعين لها فهد وزملاه العا اعتقد قريبه يعني
ابو وليد: وليد عرفته من
وليد: لاوالله بس مو غيب
ابو وليد: هذا اللي خطبك تذكرينه من ست شهور عبدالعزيز الظابط
سحر انقلب وجهها : ايييييييييه يبه ذكرته والله انك صادق هوووو بعينه
ابو وليد تضايق: شبحان الله الدنيا صغيره.... ام وليد انتي ماعرفتي من وين عرفونا اهل فهد؟؟
ام وليد: سألتها وقالت اهل خير ومادققت صراحه
( طبعا عبدالعزيز اللي خطب سحر تمت مراسم الخطبه كامله ماعدا عقد القران الى جا يوم رجل قريب لابو وليد قبل تحديد موعد عقد القران بااسبوع وقال لهم ان عبدالعزيز مدخن ورفضت سحر واهلها العريس لهالسبب يعني تقريبا جلس مرتين مع سحر بالشوفه الشرعيه وصارت احداث كثيره راح نعرفها بالايام القادمه)
سحر من بعد هالموضوع رجعت لها الضيقه وخافت ان فه يعرف بان عبدالعزيز صديقه كان خطيب سابق لسحر وشافها قبل منه)
صارت ساعه مرت زي البرق ودق جوال سحر
سحر: هلا فهد
فهد: يله خمس دقايق وبكون عندك طيب
سحر: اوك
فهد" عسى ماشر وش في صوتك تغير
سحر: لاابد مافيه شيء يله استناك
سحبت نفسها سحر ولبست عبايتها وكلا خمس دقايق وفهد كان عند الباب
طلعت سحر مع فهد : فد: وش رايك حبي وين نروح
سحر: اللي يعجبك اي مكان
فهد: حاس ان سحر متضايقه
فهد: سحوره قلبي فيك شيء منتي سحر اللي تو نزلتها عند اهلها
سحر: لاابد بس مدري حاسه بصداع
فهد: افاااا بسم الله عليك طيب خلينا نروح كوفي يمكن شوي يخف عليك الصداع
سحر: اوك ان شاءالله
دخلو المقهى وجلسو انبسطو وسحر حست انها صارت احسن وبدت تضحك وتمزح مع فهد
طلعو من المقهى وروحو عالفندق
فهد: سحورتي بعد اسبوع ان شاءالله بنسافر يعني يمدينا ان شاءالله نرتب امورنا
سحر: اوك اصلا انا مرتبه اموري وانت معك وقت
فهد: اسبوع ان شاءالله كافي
سحر خلال هالاسبوع مافارقت الصوره ذاكرتها كان ودها تسأل عن مدى علاقة فهد بعبدالعزيز وبنفس الوقت متردده لايحس فهد بشيء
مر اسبوع قبل السفر سحر كل يوم تكتشف شيء حلو بشخصية فهد وبدت تعجب بشخصيته وفهد حب سحر وتعلق فيها كثير
وبيوم السفر رتبو امورهم من الصباح الباكر وطلعو من الفندق من الصباح لبيت اهل فهد افطرو معهم وانبسطو
http://www.******.com/vb/imgcache/1418.imgcache
وبعد الظهر سحر روحت عند اهلها وفهد رجع بيت اهله نام ورييح ورجع خذ سحر وطلعو للمطار
الحلقه الخامسه
وفي المطار والمتبقى عالرحله قرابة ساعه
فهد: سحوره واحد من زملاي هنا يشتغل بسلم عليه خليك هنا
سحر: اوك
وسحر جالسه وعينها بالرايح والجاي
وبعد ربع ساعه اعلنو دخول المسافرين للصاله الداخليه صالة المغادرين جا وفهد وحست سحر انها تسمع صوت فهد قريب منها التفتت وشافته واقف مع زميله انصددددددمت لان زميله اللي كان معه هو عبدالعزيز ايه عبدالعزيز هو الشخص اللي طلب يد سحر من قبل
حست سحر ان الدنيا تدور فيها وضاقت عليها الوسيعه وحاولت تصرف نظرهحا عنه علشان مايحس فيه
قرب منها فهد : سحر يله خلينا نطللع للصاله الداخليه هذا صديقي اللي قلت لك عنه ظابط وعمله هنا بالمطار
سحر: مشاءالله الله يوفقه
وقفت سحر وحاسه رجولها ماتشيلها
وفهد كان يرتب الاغراض اللي معه شنطة الاب وشنطه مكياج سحر التفت سحر سريعا لما حست ان عبدالعزيز مازال موجود
كان عبدالعزيز يتطلع فيها وهذا الشيء زادها ربكه واحراج
مشى فهد وجنبه عبدالعزيز وسحر كانت تمشي وراهم ومخنوقه
جلس عبدالعزيز مع فهد فالكفي اللي بالصاله الداخليه وسحر كانت تجلس بعيد عنهم وكل مره تلتفت جهتهم كانت تحس بنظرات عبدالعزيز لها
الى ان علنو توجه المسافرين برقم الرحله اللي هي رحلة فهد وسحر
سحر حست بالفرج نوعا ما وبسرعه حملت شنطة مكياجها وقرب منها فهد وخذ شنطة لابه وطلعو للطياره
جلسو بالمقعدين المخصصه لهم
فهد جلس عالطرف وفين حين سحر كانت على المقعد اللي جنب النافذه
حط فهد يده على يد سحر : هاه سحورتي اخبارك . ليش اطرافك بارده؟؟
سحر كانت في عالم اخر وهي تتطلع من النافذه
فهد!!!!: سحر وين وصلتي
سحر: لامعك ليش وش قلت؟؟
فهد: ههههههههههههههههههههههههه باين انك معي اعترفي وين وصلتي؟؟
سحر: افكر باهلي بس صدقني معك
فهد: اها ابيك اذا صرتي معي ماتفكرين بااهلك ابدا انا ابي اصير لك دنيتك ابي اصير لك كل شيء بحياتك
سحر تطلعت لفهد بنظرات حزينه : اكيد فهد
التفتت سحر للجهه الثانيه وفيه شيء غريب شاغل تفكيرها
طوال الرحله فهد يحاول يضحك سحر ويغير جوها وحاس انها متضايقه لانها بتبعد عن اهلها وحاول انه يغير من جوها
وسحر ابدا مو في عالم فهد التفكير اشغلها الى ان حاولت تتهرب من فهد وتسوي نفسها نايمه
طلب فهد لها غطاء وغطاها: نومي قلبي ريحي شوي حاس فيك انا نمت شوي بس انتي مانمتي
غطت سحر نفسها ولفت بوجهها لجهة النافذه حست بدموعها تنزل حست بسشعور غريب ماتدري ليش تبكي وماتدري هي خايفه من قرب فهد لعبدالعزيز او خايفه من شيء ثاني وبالاصح مادري هو خوف او شعور ثاني
ومن جهه ثانيه عبدالعزيز ابد ماكان بخير من شاف فهد وسحر مع بعض
( ااااخ يافهد ياحظك يوم ظفرت بها مامداني انساها شوي الارجعت وجددت كل شيء كان فالماضي .. تقول امي بتنساها وربي بيعوضك اخير منها ويييين مابقى بيت فالرياض مادخلته و محد اعجبني وتعلقت فيه مثل هالبنت) عبدالعزيز اتعبه التفكير لدرجة انه استأذن من العمل وطلع للبيت
وصلت الرحله اللي كان فهد وزوجته عليها
فهد: سوسو قلبي الحمدلله عالسلامه وصلنا اصحي
سحر: يووووه صحيح وصلنا والله ماحسيت بالرحله ابد
فهد:ههههههههههههههههه ياقلبي علي بس حسيت بكل دقيقه انا والاانتي نمتي مشاءالله عليك
سحر: على قولتك علشان نستغل اليوم مايروح علينا نوم
نزلو بالمطار واستلمو حقائبهم وتوجهو للفندق
كان الوقت عالمغرب كان الجو شبه بارد ومع غروب الشمس وانوار المدينه واقل مايقال عنها جو رووووعه
دخلو الفندق
وعالفور دخل فهد ياخذ له دش وسحر بدت ترتب اشياءها بالدولاب وتستعد تاخذ دش بعد فهد علشان يطلعون مثل مااتفقو يتنزهون عالجو الحلو
طلع فهد وصلى المغرب والعشاء جمعا وقصرا وفي حين دخلت سحر وخذت دش وطلعت وصلت واستعدو للطعه
فهد: سحر البسي زين لاياكلك البرد شايفه كيف كان الجو يوم دخلنا
سحر: لاتخاف مستعده واهم شيء انت
فهد: ايووووووه ياعيني اهم شيء انا( قرب منها وضمها وقال اهم شي تنبسطين وكل اللي تبينه بوفره لك وصدقيني بكون وقتها اسعد انسان )
سحر ابتسمت بخجل: اوك
لبست سحر ونزلو لبهو الفندق كان فيه كوفي وطلبو شيز وقهوه وجلسو يرمقون الماره بنظراتهم كان فهد يتطلع بعيون سحر وفرحان فيها والدنيا مش سايعته
بس سحر كانت ترمق الناس بنظراتها لكن تفكيرها بوادي ثاني
فهد: سحوره
سحر: هلا
فهد: نطلع برى ابي مكان هادي اجلس انا وانتي بعيد عن الناس ابيك معي من جلسنا وانتي ابد مو معي
سحر: ههههه عرب على قولتهم لازم نتطلع بالرايح والجاي اوك وين هالمكان
فهد:مكان اعرفه صح قومي بودييك له ياحلوه هالمكان وانتي معي
سحر: يابكاااش توك ماجلسنا فيه هههههههههههههههه علشان تحس كذا
فهد: والله من الحين حااااااس بجوه واحنا مع بعض
قام فهد ومسك سحر بيدها وطلعو لمكان مثل ماقال فهد حلو رومنسي وقريب من البحر جو شاعري حلو هادي
سحر: ووووووووااااااااو فهد وش هالمكان حلووو والله حلو ورومنسي
فهد ماقلت لك بس تدري وشو اللي محلييه؟؟
سحر ضحكت وتطلعت بالارض : اني معك طبعا
فهد: اكييييد ههههههههههه( قرب منها وظغط على كفها اللي كان بيده وجلسو وكان بنظراتها حب حنان وفرحه موقادر يوصفها)
فهد: بس بكررررره بيكون غير بااخذك رحله بعمرك ماراح تحلمين فيها
سحر: صحيح يعني بتكون احلى من هنا
فهد: بكثيررررررررر
انبسطو فهد وسحر كثير بهالطلعه ورجعو عالفندق بعد مااعياهم النوم وحسو انهم محتاجين يرجعون ينامون ويستعدون لرحله بكره اللي وعد فهد سحر فيها
وباليوم الثاني :
صحت سحر الصباح تطلعت من الشباك كان الجو روعه جلست بكرسي قريب من الشباك وحبت فهد يشاركها هالشعور
قربت من فهد وسحبت الشرشف : فهوووود يله اصحى تعال شاركني هالجو الحلوووووو
فهد: سحر شوي بس شوي
قربت سحر وسحبت الشرشف كله من فوقه مافيه شوي الجو حلو وحابه افطر انا وياك فالبلكونه
فهد: اوووف سحر شوي والله احسبي لي عشر دقايق
سحر: اوك عشربس والله مافيه غيرهم وبنكد عليك نومتك
دخلت سحر خذت شاور حطت مكياج صباحي وردي وكحل اخضر ومسكره ناعمه ولبست فستان ناعم
http://imagecache.****.com/imgcache/9d3bc757e4cf8262cac416f95b8790 44.jpg
وسوت شعرها شينون ولبست فلات ابيض وتعطرت وهي تسوي اللمسات الاخيره بشعرها صحى فهد
فهد: وينا فيه؟؟
سحر: انصدمت وقربت منه: فهد وشو وينا فيه بتركيا وش فيك؟؟
فهد: يوووووووه تصدقين عاد يوم شفتك قلت يارب يمكن دخلت الجنه وش الحوريه اللي قدامي
قربت سحر من فهد وضربته كف خفيف على خده وضحكت: والله خوفتني قلت وش صار فييه
قام فهد وطلب فطور ودخل خذ له دش وجلس مع سحر فالبلكونه يفطرون
سحر: فهد متى بنطلع للمكان اللي تقول لي البارح
فهد: شوي بنزل اخذ اغراض وبعدها بنطلع على طول زينته بالصبح
سحر: اوك طيب اجهز شيء معين ولاعادي
فهد: مايصلح اقول لك بتخرب الطلعه خليها مفاجئه يله احسبي لي نص ساعه انزل اخذ بعض الاغراض ونطلع سوى
سحر: اوك . اييييه فهد نسيت الصباح بتصل على اهلي وماقدرت جوالي مو معمم
فهد: خلاص ذكريني اذا رجعت اشوف الوضع,,يله مثل ماقلت لك نص ساعه واجييك
طلع فهد وسحر جهزت نفسها وبعد نص ساعه فهد كان في بهو الفندق اتصل من الرسبشن على سحر وطلب منها تنزل
نزلو واستقلو سيارة الفندق وطلعت بهم للبحر وبمكان حلو جدا
خذو بوت خاص وطلعو فيه لحالهم وكانت رحله رووووعه انبسطو فيها
اضغطي هنا لمشاهدة الصورة بحجمها الأصلي
ومن هالرحله بتبدأ معاناة سحر ياترى ايش اللي بيصير بعد هالرحله؟؟
الحلقه السادسه
وهناك فالبوت عالبحر كن احلى جو رومنسي رتبه فهد
اضغطي هنا لمشاهدة الصورة بحجمها الأصلي
وبين ضحكات وهمسات وامواج البحر تلعب بالبوت احست سحر بنشوه فرح احساس جميل اقترب منها فهد وجلس بقربها واحتضنها بذراعه ولعب بخصلات شعرها بينما كانت سحر في قمة سعادتها
احضر فهد حقيبه اعدها بنفسه تحوي الكثير من المرطبات والشيبسات والشوكلاتات والفواكه
سحر: يووووووه يافهد كني بحلم شعوررررررررررره حلو مره
فهد: يابعد عمري السفريه كلها بتكون مثل الاحلام وقصص الف ليله وليله ابيك تنبسطين ابيك تتدلعين بعيشك اميره انتي اميرتي وانا خدام بين يدييك امري تدللي ماابي شيء ينقصك
وقفت سحر وادارت ظهرها لفهد واحست بغرور وكبرياء التفتت لفهد وابتسمت وادارت راسها وهي تضحك وشعرها يلعب به الهواء
فهد: سحوره اخلييك بروح اجهز عدة الشوي وش راييك؟؟
سحر: خلاص اوك استناك ولاتبي مساعده؟؟
فهد: لاياقلبي ابيك بس نبسطين انا بسوي كل شيء لحالي
نزل فهد للمطبخ بالبوت وبدأ يجمع عدة الشواء وشوي يسمع صوت سحر: فهودي ممكن اتصل بجوالك على ماما؟؟
فهد: اييييييييييييييه نسيت اقول لك جوالك عممته خلاص تقدرين تكلمين به بس اذا تبين تكلمين بجوالي تحت امرك
سحر: لاخلاص اشوف جوالي من جييت مافتحته يمكن مافيه بطاريه
دخلت سحر وفتحت شنطتها وخذت الجوال : حلو الحمدلله مازال يشتغل واول مافتحت جوالها وصلها مسج فرحت ابتسمت توقعتها من امها ابوها لكن الصدمه كان المسج
سحر غصب عني ارسلت لك ماقدرت اتحمل اشوفك مع فهد بقول لها لك كلمه أحبك والله أحبك والى اليوم وانا افكر فيك عجزت انساك
سحر انصدمت وعرفت ان المسج من عبدالعزيز حست الدنيا تدور فيها امتلت عينها بالدموع : لييييييييييش كذا عبدالعزيز حرام عليك فهد صديقك وانا تزوجت خلاص ياربي وش اللي قاعد يصير
دخل فهد على سحر وهي ممسكه بالجوال وتتمتم بكلام مافهمه
فهد: سحر حبيبتي وش تقولين تكلميني ؟؟
سحر كانت معطيه فهد ظهرها :لا فهد بس اعتقد جوالي بطاريته فاضيه
فهد: اوك هاتيه انا راعي رحلات وجايب عدتي كامله هاتيه اشحنه لك
سحر: لالالا خلاص اكلمهم بعدين
فهد: وليش بعدين طيب كلمي بجوالي من وصلنا ماكلمتيهم الامره طمنيهم
سحر قفلت جوالها بسرعه: خلاص فهد خلنطلع على ظهر البوت كتمه هنا مع الرطوبه
فهد"اوك حبيبتي اللي يريحك مسكها بيدها وطلع وياها
سحر بان بتصرفاتها وحس فهد انه فيه شيء وبان عليها انها متضايقه
بدأ فهد بالشوي وفي حين كانت سحر بعالم اخر وجالسه ووجهها عالبحر
فهد: سحورتي تعالي شاركيني تذوقي حلو التتبيله اللي حطيتها ولاتحتاج ملح
سحر: فهد ذوقك فيه الكفايه حاسه بدوار يمكن مع البحر
فهد: سلامتك طيب انزلي ريحي
سحر: اوك حاسه بغثيان مااقدر اكمل جلسه هنا
فهد: اخلص وانزل لك الغداء قلبو روحي ريحي
سحر: اوك
نزلت سحر واستلقت عالسرير حاسه بغصه مكتومه وودها تبكي وفي معمعة تفكيرها خذت لها غفوه
خلص فهد شوي ونزل بالاكل عند سحر: سحورتي نمتي؟؟
سحر: ياربي ماحسيت بنفسي مشاءالله عليك خلصت
فهد: خلصت يالله قلبي تعالي وشوفي الشيف فهد وش مسوي لك
نهضت سحر من السرير وغسلت وجهها تطلعت بوجهها بالمرايه زفرت وحست ان رئتيها نفضت كل الهواء اللي بداخلها
قربت من فهد وجلست لجواره
سحر: بسم الله مشاءالله كل هذا متى سويته؟؟
فهد: صراحه كانت نزلتك رحمه من ربي حبيت افاجأك بالاشكال اللي بسويها والحمدلله جت نومتك بصالحي ههههه
كانت سفره رائعه مقبلات مشاوي مشكله
اضغطي هنا لمشاهدة الصورة بحجمها الأصلي
سحر: فهد مااصدق كل هذا اعدادك ؟؟
فهد: اعداد واخراج وسيناريو بعد ههههههههه
سحر:ههههههههههههههههه مشاءالله عليك
اخذ فهد قطعه من الربيا وغمسها بالطحينه وقربها لفم سحر التقت نظرات سحر بفهد احست سحر بغصه الم احساس غريب وتأنيب ضمير التقمت من يده اللقمه وابعدت نظرها سريعا عنه
فهد كان يحاول جاهدا اضحاكها ادخال الفرحه لقلبها وسحر لم تكن بعالمه تحس بتأنيب الضمير رغم ان ليس لها يد بماحصل
اقتربت الشمس من الغروب الجو اصبح شبه بارد
اضغطي هنا لمشاهدة الصورة بحجمها الأصلي
نزل فهد لوسط البوت احضر كوبين من الكفي الساخن واحضر وشاح من الصوف غطى به جسد سحر اقترب منها وجلس بداخل الوشاح واخذا يحتسيا القهوه ويتأملان فالغروب كان الجو يعلق النفس بالتأمل هبت نسمه بارد انهت جلوسهم على ظهر البوت
فهد: سحوره تبين ننوم هنا ولانرجع
سحر: لااخاف ننوم هنا اخاف يصير لنا شيء
فهد:اللي يريحك تبين ننوم علشان نعطي الخفر خبر
سحر: يوافقون يعني
فهد: عادي جدا اهم شيء عندهم الحساب مايهمهم
سحر: مدري ودي احسها مغامره بس بنفس الوق حلو النوم هنا مااحس انها بتتكرر
فهد: دامك معي بتتكرر كل شيء لعيونك سحورتي
سحر كانها صفعت على وجهها وكل مازداد فهد تدليل لها ودلع ازداد تأنيب الضمير لديها
قررو فهد وسحر النوم على ظهر البوت كانت تجربه جميله رائعه لسحر استمتع كثيرا فيها وكانت حين تذكر رسالة عبدالعزيز تحس بغصه الم
استيقظت سحر فالصباح ولم تجد فهد بجوراها خرجت لظهر البوت وجدته وقد اعد سفره جميله
اضغطي هنا لمشاهدة الصورة بحجمها الأصلي
فهد: صباحو يااحلى عروسه
سحر: صباح الخيرات حبيبي مشاءالله متى صاحي
فهد: والله ماصار لي كثير بس استعجلتي برتب للفطور بس انتي الله يهديك قمتي بسرعه
سحر: حلو خلني اصلي واجي اساعدك
صلت سحر الفجر ولبست فستان ابيض ووضعت الوشاح على كتفيها
كان فطور رومنسي حالم شاعري على ظهر البوت مع نسمات بارده وجو ندي
الحلقة السابعة
تبادلا فهد وسحر اللقمات والكلمات والضحكات
فهد يستمتع بكل دقيقه يقضيها مع سحر واحس انها اصبحت روحه ولايستطيع البعد عنها
سحر تشعر بالدفء بالحب قريبا من فهد وفي كل يوم تزداد تعلقا به
الساعه تشير الان للعاشره صباحا
فهد وسحر اصبحو قريبين من المرسى
دخلت سحر سريعا ارتدت حجابها غطت شعرها وبدات تلملم اغراضها الخاصه في حين فهد كان على اهبة الاستعداد للنزول
وفي بهو الفندق سحر: يوووه فهد هالطلعه ماراح انساها ابد جد انبسطت
قرب منها فهد واحتضنها بيده على كتفيها : كل الروحه لعيونك ابيك تنبسطين
تطلعت سحر لفهد بحياء ابتسمت ابتسامه خجلاء: فهد قرب شوي بقول لك شيء
فهد: قرب سريعا منها: سمي؟؟
سحر: احبك
التفت فهد حوله ثم اعاد النظر الى سحر وبصوت خافت: امووووووت فيك امورتي
ضحكت سحر وخالجها شعور جميل ولولاالحياء لاحتضنته امام اعين الناس
دخلو المصعد واختارو الطابق الذي به جناحهم الخاص
فتح فهد الباب ووقف خارجا يتيح لسحر الدخول دخلت سحر والق فهد الباب خلفه وجرى خلف سحر واحتضنهاورمى بنفسيهما على السرير وبوسط الضحكات فهد: صوت مسج يمكن على جوالك سحورتي
التفتت سحر وادارت ظهرها لفهد: يوه خله اشوفه بعدين حاسه نفسي ابي ارتاح
فهد: طيب يمكن اهلك
سحر: لااااحقه بعدين اشوفه مااعتقد فيه شيء مهم
خفق قلب سحر احست ببروده في اطرافها
سحب فهد نفسه من الفراش ودخل دورة المياه: سحوره ولاعليك امر جهزي لي بجامه ابي انام بعد مااخذ دش
سحر: ابشر
كانت الرساله من عبدالعزيز كما توقعت سحر كان محتواها(أنا لاقلت لي شلونك
وأنا ضايق أقول: بخير
دامك سألت عني
أكيد ضيقتي راحت
أنا من كثر ما أحبك
أحسك في عيوني غير
تضيق النفس من دونك
وإذا شافتك أكيد ترتاح
وبنهاية الرساله : سحوره ابي منك مسج تطمنيني عنك وابيك تسالين عني صدقيني ماراح اخرب حياتك بس ابي منك تتواصلين معي)
سحر صدمت بكلام عبدالعزيز وضاقت فيها الوسيعه وبسرعه وقبل يطلع فهد من التواليت قفلت جوالها ورمته بشنطتها
فتح فهد باب دورة المياه وحس بربكة في تصرفت سحر : جهزتي ملابسي؟؟
سحر: اييه الحين بجهزها
فهد: ماكلمتي اهلك؟؟
سحر: بكلمهم اليوم ان شاءالله ودي انوووم ملي خلق شيء الحين
لبس فهد بجامته ورمى نفسه علفراش وسرح يفكر بسحر وسر ربكتها
خذت سحر منشفتها ودخلت تاخذ دش
سحب فهد نفسه بخفه من الفراش وفتح شنطة سحر خذ الجوال وحصل الجهاز مقفل
وبسرعه رجع الجوال بالشنطه ورجع لفراشه
طلعت سحر وبدلت ملابسها واستلقت على فراشها في حين كان فهد يتظاهر بالنوم
وفي بيت ام عبدالعزيز
رن هاتف المنزل
ام عبالعزيز: اهلين
،،،،،،،
هلا بك حياك الله
،،،،،،،،،
والله يالغاليه للان ماكلمته والله تفشلنا بالناس بس اليوم بااذن الله ارد لك
انهت ام عبدالعزيز المكالمه
دخلت المطبخ سوت كوبين نعناع وطلعت لغرفة عبدالعزيز
عبدالعزيز: الله حييها
ام عبدالعزيز: سكر لابك وتعال ابيك بموضوع
عبدالعزيز :حس ان موضوع امه هو موضوع الزواج
ام عبدالعزيز: ياوليدي لناس بتهم جايها خطاب ويبون ردنا النهائي عيب تركنا البنت معلقه لها شهر
عبدالعزيز: يمه خلاص انا اجلت فكرة الزواج خلااااص لاتفاتحيني بالموضوع ليين اكلمك انا
الام: ياابوي البنت عاجبتك وفرحت لما وافقت عليها وش تغير؟؟
عبدالعزيز: وغيرت راايي خلاص ماابيها
الام: بنت الناس تزوجت وتعلقك فيها ماله معنى الان فلاتضيع هالبنت من يدك كامله والكامل وجهه
عبدالعزيز: يمه قلت لك غيرت رايي وفز وبسرعه خذ شماغه وطلع من البيت
ام عبدالعزيزتضايقت وكانت تتمنى تفرح بولدها الوحيد قامت واتصلت فااختها تتعذر لها من الناس
وبتركيا سحر جفى عينها النوم قامت وبدلت ملابسها
اضغطي هنا لمشاهدة الصورة بحجمها الأصلي
ولمت شعرها وحطت ميك اب خفيف صلت المغرب وجلست عالتلفزيون تتنقل بين المحطات
فهد صحى ومالقى سحر جنبه : سحر ليش ماصحيتيني ؟؟
سحر: حسيتك تعبان قلت ترتاح
فهد حاس بربكة سحر وحاس بتوترها وقلبه ماكله عليها لايكون مخبيه عنه شيء قام ودخل دورة المياه توضى وصلى : قلبي سحوره جهزي نفسك ننزل نتغدى
سحر: اوك
البارت الثامن
اختار فهد طاوله تطل عالبحر يكون غداهم عليها
جلس فهد وخذ من القرسون المنيو ومده لسحر بس سحر كنت بعالم ثاني
فهد: اللي ماخذ عقلك يتهنى به
سحر خافت من كلام فهد وبدون شعور رفعت صوتها: وش تقصــــــــد فهد من يعني بيكون اللي ماخذ عقلي انت تقصد شيء وانا ماسمح لك
فهد تفاجأ من رد سحر وصار يتلفت عالناس بالمطعم لايكون احد حس فيهم : سحر وش فيك وش قلت !!؟؟
سحر انهارت وجلست تبكي وحست انها تصرفت خطأ وكبرت السالفه : فهد معليش بس انا متضايقه
قرب منها فهد وهومتضايق جدا من موقفها وجلس بجنبها وسحب منديل يمسح دمعتها: سحوره قلبي وش فيك انا متأكد ان فيك شيء صدقيني مهما كنتي متضايقه مابتلقين احد يسمعك مثلي, سحورتي حياتي انتي, قولي لي وش فيك انتي متغيره
سحر: فهد خلني بليز ماابي اتكلم متضايقه وومحتاجه ابكي
فهد: طيب خلينا نتغدى مدري نتعشى وبعدها بينا كلام
سحر تحاول تتماسك ودموعها ماتوقف
خذ فهد المنيو وطلب على ذوقه التفت صوب البحر وجلس يتأمل وحاس بشيء كاتم على صدره
سحر جلست تفكر وش تقول لفهد بعد مايخلصون متغدين وجالسه تدور لها على حيله علشان ماينفضح امر عبدالعزيز
وصل الغداء وجلسو يتغدون
فهد كان يأكل مجامله ولايحس في أي طعم للاكل اللي ياكله
وسحر تأكل لقمه وتسرح
انتهو من الغداء ودخلت سحر تغسل يدها
طلعت جوالها من حقيبتها وبسرعه دخلت الوارد ومسحت الرسايل ظبطت نفسها وعدلت حجابها وطلعت لفهد
فهد كان جالس بانتظارها ولما طلعت مسكها بيدها وطلع معها عالشاطئ القريب من المطعم يتمشون عليه
ظلو ساعه كامله فهد مايدري من وين يبدأ وسحر تنتظر فهد يتكلم
فهد: سحر صرتي احسن؟؟
سحر: الحمدلله مافيني شيء
فهد: على مين مافيك شيء علي انا حبيبك وروحك
سحر: قلت لك مافيني شيء خلاص انسى اللي صار
التفت فهد لسحر:انسى؟؟؟!!! فرضا قلت لك اوك وبنسى كلتي قلبي انتي ماراح انسى وبينشغل تفكيري فيك
سحر: فهد خلاص حبيبي دامك معي صدقني مبسوطه وراح انسى اللي صار
فهد: طيب وانا ماهميتك ,, سحوره من اليوم وودي افتح معك الموضوع متغيره كثير وضايقه وحاس فيك ياتعلميني يابزعل منك
سحر: وانت ليش مكبر الموضوع خلاص بقول لك
فهد صار قلبه يخفق وبين هالشيء على وجهه : اسمعك قولي
سحر: فهد اختي اريج متقدم لها واحد وابوي احتمال يجبرها عليه ومتضايقيين لانها ابد ماتبيه
فهد حس ان سحر اختلقت هالكلام علشان يسكت وينسى
فهد: طيب وانتي هذا اللي مضايقك
سحر: ايه لانه ماتبيه المسكينه وابوي لانه ولد صديقه يبيها غصب توافق
فهد: اوك ماعلينا من الناس نبي نعيش شهر عسلنا بدون نكد << فهد قرر انه يظهر لها انه مصدقها ويكتشف الشيء اللي مضايقها من نفسه
جاء الليل وحل الظلام وسحر وفهد عالبحر جالسين : سحورتي ماودك نرجع نتعشى بالفندق وننام مرررره حاس نفسي هلكان
سحر: اوك حبي براحتك
رجعو للفندق وعاشو يومهم
فهد : بنووم تعالي ننوم علشان نصحى بدري
سحر: فهد مافيني نوم بجلس اتابع لي فيلم واذا جاني النوم بدخل انوم
تركها فهد واستلقى عالسرير وبدأ موال الافكار يلعب براسه: (( سحر فيها شيء عندها شيء مخبيته جوالها دائم مقفل واذا بغت تكلم اهلها غالبا من جوالي وارتبكت لما وصلها مسج وفجأه بعده لقيت جوالها مقفل سرحانها كثر ااااااخ بس لو اعرف وش فيك وشو اللي مضايقك
سحر لما حست ان فهد نامفتحت شنطتها وخذت جوالها وبعد تردد قررت تكتب مسج لعبدالعزيز يكف عن ارسال مسجات لها( عبدالعزيز لو سمحت لاتخرب حياتي انا ارتبطت وانت عارف هالشيء وارتبطت بصديق لك فارجو انك تكف مسجاتك علشاني وعلشان ماتخسر صديقك ولو رجعت ترسل صدقني راح افاتح فهد بموضوع المسجات)
تتمة البار ت الثامن
صحى فهد وسحر مازالت نايمه << حلو نايمه افتح شنطتها اشوف جوالها اووو اخخخ مدري وش اسوي
سحب نفسه بخفه وقرب من شنطتها مسك الشنطه وحس يده ترجف وقلبه يخفق << يارب الهمني الصبر ماااقدر خايف اشوف شيء مااقدر رمى الشنطه ورجع للسرير وصار يتقلب واتعبه التفكير قرر انه يطلع حس انه مكتوم من جو الغرفه
بدل ملابسه وطلع يمشي عالبحر << يارب مايكون اللي ببالي هو اللي مخبيته سحر عني اااااخ بس من دق باب الناس دقو بابه صدقت ياعمر يوم تقول لي اترك عنك بنات النت ولاتنسى من دق باب الناس دقو بابه يخوفي كلامك ياعمر بمحله, ماحس بنفسه الاودموعه تنزل مشى وجلس بمكان بعيد نوعا ما عن الناس وعالبحر
اضغطي هنا لمشاهدة الصورة بحجمها الأصلي
وجلس متضايق ويبكي << يارب ياسحر ماتكونين من هالبنات يارب
صحت سحر وماحصلت فهد دخلت التواليت خذت دش واستشورت شعرها وسويت ميك اب ناعم تعطرت لبست سكيني اسود وبدي احمر وشبشب احمر وجلست تنتظر فهد<< اكيد فهد نازل يرتب لنا رحله حلوه
تذكرت سحر جوالها اكيد ماراح الاقي شي *****الله ان عبدالعزيز تفهم وماارسل وفتحت جوالها وتصدم بمسج منه اخر
مات الحكي وأحرجني
الموقف إحراج
وعجزت أعبر عن هواك
إعذريني
ما غير كلمة حطها الخوف
بسياج
(قلبي يحبك حيل لا تتركيني)
نطقتها أخشى أسبب لك إزعاج
ولولا الغلا ما قلتها صدقيني
سحر ضاقت وحست ان عبدالعزيز ماراح يتركها بحالها دخل فهد والجوال بيدها ارتبكت ورمت جوالها بشنطتها وركضت لفهد واحتضنته : وينك حبيبي اشتقت لك اكيد نازل ترتب لنا طلعه صح؟؟
فهد: صح ياقلبي < ابتسم بوجهها وبعيونه كلام كثير
سحر: وش فيك فهوي وجهك متغير
فهد: الظاهر خذت برد نمت وانا توي ماخذ دش ويمكن زكمت
سحر: ياقلبي ماتشوف شر
فهد خليناننزل نفطر بالبوفيه تحت نزلو وجلسو يفطرون حست سحر ان فهد مومعها ابد اول كان اول لقمه يحطها بفمها يسولف يضحك
وفهد كان سااارح ومتضايق << مااظن بقدر اكمل شهر العسل لاقادر ابت بالموضوع وافتح جوالها ولاقادر اجامل اكثر حاس نفسي مخنوق لازم ارجع
فهد: سحورتي يمكن نرجع للسعوديه
سحر:<< غصت بلقمتها: ليش فهد تونا ماكملنا ثلاث ايام على بعضها
فهد: مدري تعبان ومتضايق ولازم نرجع
سحر: خافت ان فهد كشف امرها: ليش طيب
فهد: دايم تصير معي هالضيقه معليش حبيبتي ادري مو وقتها بس محتاج اني ارجع
سحر خنقتها العبره وبداخلها تعي على عبدالعزيز<< حسبي الله عليك: اللي يريحك حبي
ماقدر فهد يكمل فطوره : انا بطلع للغرفه اذا خلصتي تعالي
طلع فهد وسحر تضايقت وبكت قامت وتركت الفطور وطلعت تغسل يدها بغرفتهم
حصلت فهد حاط راسه عالسرير ومغطي راسه بالمخده ويبكي << فهد ماكان متوقع ان سحر بتلحقه على طول
سحر انصدمت لما شافته يبكي صارت ترجف وتبكي معه قربت منه : فهد وش فييييك؟؟
فهد تضايق ان سحر شافته وهو يبكي وقف بوجهها : سحر انتي مخبيه عني شيء هو واحد من اثنين ياانك الان تصارحيني ولا انتي بطريق يابنت الناس وانا بطريق مااقدر اتحمل ولاتحسبني سالفة اختك اريج مشت علي
سحر: فهد صدقني مافيه شيء
فهد ماقدر يمسك نفسه: وتقولين بعد مافيه شيء !!؟؟ طلع فورا من الغرفه ودفع الباب وراه بقوة وسحر جلست تبكي
قررت سحر انها تكلم امها بالموضوع اتصلت وللاسف حصلت امها نايمه سكرت وجلست تبكي وخايفه والدنيا متسكره بوجهها
صارت الدنيا عصر وفهد لاحس ولاخبر وجواله مقفل
سحر حاطه راسها عالمخده وتبكي وماحست بنفسها ونامت
دخل فهد منظر سحر وجع قلبه خايف يكون ظلمها حس انه تسرع وبنفس الوقت عارف انها مخبيه شيء واكيد انه شيء قوي علشان كذا حتى بعد الموقف اللي صار مافاتحته
سحر حست بفهد فتحت عينها وقدامها رمى التذاكر عالسرير: جهزي نفسك رحلتنا الساعه ثنتين بالليل
سحر رجعت وانهارت وجلست تبكي : فهد اقسم لك بالله اني احبك حرم عليك تسوي فيني كذا
فهد: عندك غير هالكلام لاني محتاج اجلس لحاللي ليين وقت الرحله قبل انزل تبين شيء عندك كلام قوليه
سحر: فهد من خوفي عليك ماقلت لك
فهد: اها خايفه علي طيب قولي لاني معد اتحمل شيء
سحر: فهد انا كان خاطبني واحد قبلك وبعد ماانتهى كل شيء وخلاص مابقى الاعقد القران صرفنا نظر جا واحد لاابوي وقال انه مدخن وانا كان شرطي الوحيد انه مايكون يدخن وخلاص تفركش الموضوع
فهد ماكان يطالع بوجه سحر ويسمع وحاس ان قلبه بيوقف
سحر: الرجال هذا صار
فهد: وش صار؟؟
سحر: صديقك عبدالعزيز ومن جيت هنا وهو يرسل لي مسجات اربكني ونكد علي حياتي معك
فهد طالع سحر وعيونه كله شرار عبدالعزيز مين؟
سحر: صديقك اللي شفناه بالمطار
فهد: ومن وين جاب رقمك؟؟
سحر: مدري اقسم بالله مدري
فهد: طيب وريني جوالك
سحر ركضت لشنطتها ورمت الجوال على فهد فتش فهد وماحصل مسجاته وفتح السجل وحصل مسج رايح له وممسوح ومسجين منه
فهد صار يبلع ريقه ويرجف وضاااقت فيه الدنيا: طيب وش يبي منك شافك كلمك قعد معك؟؟
سحر بكون صريحه معك شافني مرتين وجلسنا بوجود ابوي نظره شرعيه فقط لاغير ولاكلمته ولاكلمني ولاقد سمعت صوته
فهد يحس الدنيا تلف فيه : عموما انا حجزت عالسعوديه وهناك الله يفرجها من عنده
سحر بدأت تلم شنط السفر وهي دموعها تنهمر على وجنتيها وفهد جالس في بهو الفندق ويفكر بالرساله اللي وصلت لعبدلعزيز من سحر ومحتواها << لو كان مافيها شيء ماكان مسحتها
صارت الساعه 12 طلع فهد لغرفتهم بالفندق ومعه مساعد لانزال الحقائب وعمل شيك اوت وخرجو للمطار
كانت الرحله جدا ممله بنظر فهد عكس رحلة الذهاب اعيا فهد التفكير وغير مقعده اللي كان بجانب سحر وذهب لمقعد شاغر فالامام وخذ له غفوه
449
109K
يلزم عليك تسجيل الدخول أولًا لكتابة تعليق.
فناتيل :
انتظر ردود متابعينيانتظر ردود متابعيني
يعطيكي العافية و جزاكي الله الجنة
و اهلا و سهلا فيكي مرة تانية والله اشتقنالك و قلقنا عليكي كتير بس الحمدلله انك منيحة
و حمدلله ع سلامتك
القصة روعة و انا من اشد المعجبات فيكي
ننتظر التكمله على احر من الجمر:26:
و اهلا و سهلا فيكي مرة تانية والله اشتقنالك و قلقنا عليكي كتير بس الحمدلله انك منيحة
و حمدلله ع سلامتك
القصة روعة و انا من اشد المعجبات فيكي
ننتظر التكمله على احر من الجمر:26:
الصفحة الأخيرة
الحلقه الثامنه
سحر اعياها التفكير ودموعها لم تجف
اعلن كابتن الطائره وصول الرحله
عاد فهد للمقعد بجانب سحر في انتظار هبوط الطائره
سحر تسترق النظر اليه تنتظر منه كلمة وفهد كان يشيح بوجهه عنها
نزل فهد من الطائره وسحر تمشي خلفه اخذ سيارة اجره ركب فالخلف لجوار سحر وايضا لم يطيب خاطرها بكلمه كما كانت سحر تنتظر منه
فهد اوجع قلبه صوت بكاء سحر الخافت
فهد بدون مايتطلع بوجه سحر: مااقدر ادخلك على اهلك ووضعك كذا بنرو للبيت تريحين والله يكتب اللي فيه الخير
سحر ارتاحت نوعا ما وصلو لمنزلهم فتح فهد الباب ادخل الحقائب صعد للطابق العلوي دخل غرفة النوم القى بجسده على السرير وجهه شاحب قلبه يخفق كرها لعبدالعزيز عطفا لحاله ولسحر
سحر دخلت في دوامه بكاء لم تكن تتوقع ان تدخل منزلها مع فهد وهما بهذا الحال
تقلب فهد يحاول ينام ليطرد شبح التفكير الذي اتعبه في حين سحر مازالت بالطابق السفلي نزعت عبائتها اغتسلت صلت وجلست على اريكه فالصاله غطت جسدها بشرشف الصلاة كانت تدعو تستغفر تبكي ولم تحس بنفسها انخرطت في نومه عميقه
فهد مازال النوم جافي له نزل للطابق السفلي ووجد سحر نائمه وقد ابتلى الجزء من الاريكه اللذي تحت رأسها
لم يستطع تحمل رؤيتها خرج مسرعا وقف قليلا خارج المنزل ثم عاد اخرى اخذ يدور حول نفسه لايعلم كيف يتصرف هل احسن التصرف !! خاف ان يكون ظلمها خاف ان يكون هو المظلوم اعياه التفكير تذكر صديقه عمر وعالفور اتصل به
عمر: حيا الله عريسنا
فهد: الله يحييك
عمر: افا الصوت مااعجبني لاتكون ماخذلك برد
فهد: عمر ابي اشوفك
عمر: تشوفني !! ليش وين انت فيه؟؟
فهد: انا ببيتي
عمر: عسى ماشر فهد جيت من تركيا؟؟
فهد: جيت ومحتاجك يااخوك
عمر: ابشر بسعدك وين اشوفك اجيك بالبيت؟؟
فهد: لا تعال في كوفي تايم القريب من بيتي
عمر:اوك ابدل ملابسي وطالع
فهد حاس بجوع شديد بس مو قادر ياكل شهيته مسدوده تماما
طلع وركب سيارته ومر اقرب سوبرماركت وقضى بعض الخفايف ورجع البيت دخل الصاله حصل سحر صاحيه ارتبك ماتوقع يلقاها صاحيه : انا طالع مشوار وراجع اذا احتجتي شيء اتصلي فيني وهذا اللي بالكيس عصيرات وخفايف كلي منها اكيد جعتي
سحر: ان شاءالله
طلع فهد وبسرعه رجع وكأنه تذكر شيء: لاتتصلين بااهلك وماابي احد يدري اننا هنا بالسعوديه
سحر: طيب
طلع فهد للكوفي وحصل عمر يحتريه على احر من الجمر اول مادخل فهد جاه عمر واستقبله سلم عليه
عمر: الحمدلله عالسلامه ,شكلك ابد منت رايق تعال نجلس وقعد راسك بكوب قهوه
طلب عمر كوبين قهوه : فهد انت مهموم وضايقه فيك الدنيا وانا ماراح اخليك تطلع من هالباب الا مفضفض لي بكل اللي بخاطرك
فهد: عمر محتاجك ابي ارتاح راسي بينفجر
عمر: اشرب قهوتك وسولف لي بتركيا وبعدها بينا حديث اخر
فهد: صدقني ريحة القهوه اتعبتني يمكن لاني جايع تخيل من ركبت الطياره للان مابعد كلت شيء
عمر: هههههههههههه مو مشكله لاتتعذر اجيب لك شيء خفيف
طلب عمر لفهد قاتوه مع القهوه وجلس قدامه كان فهد شارد الذهن يحتسي كوب القهوه ويسرح
عمر ضاق من حال صاحبه وبنفسه يقول : الله يعينك يافهد باين ان اللي فيك مو قليل الموضوع كبير اللي جابك من السفر وشكلك ابد موع اجبني
فهد بوقتها كان يلتهم صحن القاتوه وبس خلص: الحين بقدر اشرب القهوه
عمر: وانا ماراح اناقشك بشيء ليين تتقهوى وتروق
فهد: وين اروووووق يااخوك
عمر: فهد عند ربك فرج،، ضاقت ولمااستحكمت حلقاتها فرجت وكنت اظنها لاتفرج
فهد: ونعم بالله
خلص فهد من القهوه ومع اخر رشفه كان يفكر من وين يبدأ
عمر: فهد حاس فيك وماراح اتركك الامساعدك باللي اقدر عليه
فهد: هذا العشم فيك يااخوي
عمر: قاتوه وكلت وقهوه وتقهويت الحين ابيك تفضفض وتأكد سرك ببير
فهد نزل راسه
عمر:فهد خذ راحتك بالكلام ومثل ماقلت لك سرك ببير
فهد: عمر مدري وش اقول لك
عمر: زوجتك صح الموضوع يتعلق بالعروس
فهد: أي نعم
عمر: اسمعك وبااذن الله بتلقى عندي سعدك
فهد: ان شاءالله مالجأت اليك بعد الله الاعارف ان كلامك حكم وبتساعدني
عمر: شكرا لك اسمعك تكلم
فهد: سحر بنت ناس واخلاق ووحده محافظه على صلاتها بس صار موضوع ضايقني وخلانا نقطع شهر العسل بسبته ونرجع البنت بالبيت واهلها مايدرون اننا راجعين قلت ماابي افجعهم وبتريث
عمر: الحمدلله وهذا العشم طيب ويين المشكله
فهد: المشكله تزوجنا قضينا احلى ايامنا انا وياها هنا وسافرنا وكمان اول يومين انبسطنا بعدها البنت تغير جوها وصارت متضايقه وسرحانه وتخبي جوالها عني
عمر: لاحول ولاقوة الابالله لاتظلمها طيب يمكن
قطع فهد كلامه: جايك بالكلام ماظلمتها هي اعترفت لي
عمر: اعترفت باايش؟؟
فهد" اعترفت ان واحد خاطبها قبلي ويراسلها يوم كنا هناك
عمر: مافهمت وضح اكثر
فهد: تعرف عبدالعزيز خوينا اللي بالمطار
عمر: ايه عبدالعزيز ماغيره
فهد: ايه عبدالعزيز صالح هو اللي خاطبها قبلي شف الصدفه
عمر: لاتقول هو اللي يراسلها
فهد: أي نعم
عمر: لاه يالخسيس طيب وهي وشلون رضت بهالعلاقه
فهد: اصبر علي خلني اكمل كلامي
عمر: معك بس قهرني عزيز ماهقيتها منه وشلون يتواصل مع البنت واللي كان بينهم مجرد خطبه وتفركشت
فهد: بقول لك شيء اانا للان اسمع منها ولاادري الصدق من الكذب
هي تقول ماصار بينهم أي مكالمات او مسجات مجرد جلست معه مرتين بحضرت والدها وصار موضوع فركش خطبتهم
عمر: طيب ليش تخبي جوالها اذا انت تقول مابينهم مسجات او مكالمات طيب وتخبي جوالها ليش و.... صراحه مافهمت شيء فهد شوي شوي علي
فهد: افكاري ملخبطه ومثلك مافهمت شيء بس اللي قهرني مرسل له مسجين وهي دازه مسج له وكلهم ممسوحين بعرف مجتواهم بس للاسف يعني ماعندي دليل معها او ضدها
عمر: يااخوك هونها وتهون وبقول لك شيء انت رح اجلس مع عروسك وعاملها زين المعامله لاتقصر عليها بشيء بنفس الوقت لااحد يدري من اهلك او اهلها انكم هنا وخل الموضوع بيدي يومين بس كحد اعلى
فهد: ليش وش بتسوي
عمر: ماعليك قلت لك خل الموضوع بيدي
انتهت الحلقه
اريد منكم تكتبون لي توقعاتكم في الشيء اللي بيسويه عمر ؟؟
انتظروني في حلقه اخرى قبل الفجر ان شاءالله