بنات اعذروني وانا نسق النص سوى ولدي تراجع للخلف تهي تهي
ومقهوره بس ماحبيت اردها بخواطركم ياغاليات وحلفت اكتبها ثانيه
الصفحة الأخيرة
الحلقة الثانيه عشر
ابو وليد بعد صلاة الظهر: ام وليد وش ناويه تسوين لنا غداء؟؟
ام وليد : اليوم بغدييكم علذوق سحر
سحر: يالبيه ياماما انا لو بتسوين خبزه وتونه بتطعم فيها شهر خصوصا اني كرهت اكل المطاعم
اريج: خلاص نعتمد الغداء خبز وتونه ياسحر
سحر: ههههههههههههههه قلت لك عادي
ابو وليد: طيب عند رأي بيعجبكم
الكل وبصوت واحد: وشو
ابو وليد: انا بغديكم اليوم بالمطعم عازم سحورتي
اريج: يعني مدعوين احنا ولالا
ابو وليد: لامدعوين لاتخافين
اريج: اجل اوكي
الكل فرح بعزيمة ابو وليد واجمعت الاراء كلها على نفس المطعم
ابو وليد" طيب خلونا نتقهوى وتجهزو نطلع
اريج: ابوي الاحسن ناخذ قهوتنا معنا والله فكره حلوه وش راييكم
سحر: حلو انا اوافقك الرأي
ام وليد: طيب ويين نتقهوى اانا افقول نتقهوى هنا وبعدها نطلع نتغدى برى
ابو وليد: وانا بعد اقول نتقهوى هنا
سحر: اوك انا بحضر لكم القهوه اجل
اريج: لاريحي روحي اكشخي العزيمه لك
سحر: هههههههههههههه لاقومي معي نجهزها سوى
اريج فرحت وفزت ودخلت مع سحر للمطبخ ولقتها فرصه تستجوبها
سحر تفر فالمطبخ وتفتح الدواليب : ياربي وين دلة القهوه
اريج: مسرع نسيتي ماتغير شيء عقبك ترى كل شيء على حطة يدك
سحر: والله مدري وش فيني احس اني فاقده الذاكره
اريج تطلعت فيها والتقت النظرات: ولافيه شيء مشغل بالك؟؟
سحر من نبرت صوت اريج ونظراتها حست انها حاسه بخاطرها: تلعثمت والتفتت : شيء مثل وشو ههههههههه
اريج: سحر لاتستغبين انا اكثر وحده اعرفك صح فيكم شيء
سحر وبسرعه وودها تتدارك الموقف: شيء مثل وشو اقول لك هههههههههههههههههههه ياشيخه فال الله ولافالك
اريج: يارب انك مرتاحه واتمنى بس قلبي يقول لي غير
سحر: اريح وش فيه حاجه نقدمها مع القهوه نبي حلو
اريج حاسه ان سحر تغير الموضوع وماحبت تثقل عليها وماودها تنكد جوها:فيه جواهر جالكسي عندي بالغرفه وفيه هنا بقلاوه عقب امس يوم كانو بيت ابو عبدالعزيز زايرينا
سحر: حلو يله حضرييهم وشوي تجهز القهوه
ام وليد كانت تصلي وابو وليد بالصاله ينتظرهم
سحر وهي طالعه من المطبخ : واحلىىىىىىىى قهوه وصلحو وينكم تعالو
ابو وليد: ننتظر انتم اللي وينكم تأخرتو علينا
اريج: يله جينا
التمت العائله عالقهوه
كانت جلسه حلوه مشاعر ماتزصف فيها وسحر تحاول تخرج من حزنها وتنسى
ابووليد: سحر الا فهد وينه اقدر اكلمه الحين؟؟
ارتبكت سحر واختل توازن الفنجال بيدها
سحر: هلايبه وش قلت
ابو وليد: اقدر اكلم فهد يعني ببيتكم هو ولارايح اهله ودي اعزمه معنا عالمطعم واخاف يكون مرتبط باهله واحرجه
سحر تغير لونها : امممم ايه نايم بالبيت لالاتتصل فيه هو قال لي بينوم وماادق علييه لاازعجه يوم ثاني احسن تعرف تعبان عقب الطياره
ام وليد: الاماقلتي متى وصلتو هنا
سحر: وصلنا الفجر
ام وليد: الفجر مشاءالله عليكم ماتوقعنا رجعتكم ابد بس الحمدلله اهم شيء انبسطتو
سحر: يوووووه يمه الحمدلله على كل شيء حلوه الاجواء هناك ابوي يبي لنا رحله عائليه
ابووليد: بااذن الله اذا ناسب رحنا
اريج كانت صامته وتترقب تصرفات سحر <<< ااااااخ ليت بيدي اعرف اللي فيك سحوره والله فيها شيء هالبنت مي خاليه
ابو وليد: هاه ماتبون نمشي
ام وليد: انا جاهزه
سحر: وانا بعد جاهزه
ابو وليد: انتظركم بالسياره
طلعو العائله للمطعم
وانبسطو هناك الجو كان هادئ ورومنسي
ولكل شخص طلب الطبق اللي يحبه
وجلسو ياكلون ويستمتعون بالسوالف والضحكات
اريج: سحر معليش ممكن جوالك نسيت جوالي وابي اكلم اصايل تسجل لي برنامج بيجي الحين لولا انك معان كان ماطلعت
سحر: ابشري
عطتها الجوال ونست ان فيه رمز قفل
اريج: سحر افتحي لي الرمز
خذت سحر الجوال وفتحت الرمز وانتبهت لوجود مسج فهد قرته وتغيرت ملامحها واريج اللي كانت ماده يدها لها وتتطلع فيها حست بسحر فورا قفلت المسجات وعطت اريج الجول
ومن بعد المسج وسحر سرحانه وبس تفكر
خلصو اكل وطلعو للبيت
نزلهم ابو وليد فالبيت : انا بروح لزميل لي فالعمل بزوره متنوم بالمستشفى عالمغرب ان شاءالله بكون عندكم
ام وليد: اوك الله يحفظك
ام وليد فور مادخلو البيت : اريج اسعفيني بشاي اخضر خربت الدايت اليوم
اريج: ان شاءالله
دخلت اريج وحضرت كاستين شاي اخضر
ام وليد تطالع بسحر وهي تنزل عبايتها: سحر اخبار فهد معك
سحر تحاول تتحاشى نظرات امها : الحمدلله زين
ام وليد: مااظن بس ماحبيت اتكلم بحضرت ابوك فيكم شيء ومتاكده بس كلمه خليه حلق بااذنك فهد مامنه انتبهي تضيعينه من يدك ومهما كان اللي بينكم لاتفكرين فالانفصال ماراح تلقين مثله مال وجاه
سحر تبلع ريقها وحاسه بغصه وامها الي كانت تمنى انها تفتح لها قلبها وتضمها وتشكي لها سكرت الدنيا بوجهها : يمه مابينا الاكل خير
ام وليد: هذا العشم فيك يابنتي
اريج كانت بهاللحظه واقفه خلف امها وسمعت الكلام اللي دار بينهم << وبخاطرها تقول الله يهديك يمه بدال ماتحضنينها وتسالينها وش فخاطرها تسكرينها بوجها من دون ماتعرفين اللي بينهم
بهالوقت دق جوال سحر