مدام وائل :

يمكن اخر كلمة فى مشاركتى السابقة تجرنى اقول التغيير الجاى ........ قلت انى تعبت اوى اوى علشان اوصل فقلت لنفسى ياااااااه تعبت كل دة وسهر فى البرد والحر وسفر وتعب ومذاكرة وتكاليف وكل دة علشان شهادة صحيح انا من اشد الناس اقتناعا بالتعليم والوصول فية لأعلى المستويات بس هل انا علمت كدا ف أخرتى؟؟ بنفس الاهتمام ؟؟ طيب بنصف التعب ؟؟ واهدشتنى النتيجة ان ولا اقل من ربع المجهود بذلتة علشان الامور الاخروية الباقية ومليون خط تحت الباقية لانى اكتشفت – عفوا هو مش اكتشاف هو حيقيقة بس الكل فى غفلة عنها- ان الكل تحت التراب سواسية فية قبر مكيف ولا من الرخام ولا فية القاب ومحدش هناك هيقولى يا دكتورة ولا يباشمنهدسة ولا هيعملوا صفوف ويقولوا هنا المهندسين وهنا الدكاترة ولا الكفن فية موديلات وشياكة وماركات فقلت لنفسي فوقى بقا واصحى اعملى للمهم وقررت والله المستعان انى احفظ كتاب الله كاملا وربنا يحيينى واختمة يارب قولوا آمين لعل دعوة صادقة منكم تصبنى وانال ما اتمنى وقررت يكون لى هدف من حياتى ومن اسرتى مش بس انظف البيت واطبخ واربى ابنى او بمعنى ادق ااكلة واشربة لانى بصيت فى معظم اللى الناس بتعملة واللى اتمنى مكنش ذيهم فية ان الاهتمام بالولاد واللى بيسموه تربية هو بس الاكل والشرب واشيك اللبس والمدارس اللى على مستوى والفسح وطبعا التعليم وبس والطفل صغير شوية نقول بيحفظ القرآن وبسسسسسسسسس على كدا وربينا ولادنا لكن بجد هلى خفنا عليهم هل حافظنا عليهم من النار عل الاقل ذى ما خفنا عليهم من البرد والحر والجو والوحش ووووووو كل الحاجات اللى بتقلق الامهات!!!!!!!!!!! علشان نقول آة ولا لاء مين مثلا بيصحى ابنة فى يوم شديد البرودة من تحت الغطاء الدافىء علشان يتوضى ويصلى الفجر؟؟ سؤال صعب مش كدة انا ابنى لسة صغير بس لو فضلت اقول صغير صغير مش هاعمل حاجة فحطيت هدف لنفسى اانا ببى ابنى للجنة اولا ولينفع المسلمين ثانيا قرأت ومازلت بأقرأ فى علم نفس الطفل علشان اعرف اتعامل معاه واوصل للعالم بتاعه اعطيته من وقتى لتعليمة باللعب كل الامور وعلمت الحمدلله شهادة التوحيد صحيح هو مش بيعرف يتكلم لكن بيأشر بصباعه بقرأ كل ما يقع تحت ايدى وببحث عن كل شىء ممكن يفيدنى فى مشروع عمرى باربية علشان يكون صلاح الدين دا بقى هدفى فى الحياة ربنا يعننى علية انا اتكلمت كثير بس هدفى ان الكل يستفيد ونتغير كلنا من جوا مش بس بيوتنا لا نفوسنا تتحول هنكون ناس تانيين خالص والله **** المستعان

يمكن اخر كلمة فى مشاركتى السابقة تجرنى اقول التغيير الجاى ........ قلت انى تعبت اوى اوى علشان...

مدام وائل :

طيب يا بنات انا قلت لكم انى قرات كتاب روعة جدااااااااا فى حفظ القآن علشان نحفظة كلة بأذن الله فى سنيتن بس تخيلوا؟؟؟؟ يعنى احنا اتعلمنا علشان شهداتنا 16 سنة واللى خد ماجستير ذى حالتى 20 سنة وفى الاخر فى البيت لكن سنتين وبأذن الله ينور قبورنا ويكون شفيع لينا يوم القيامة بس بجد متكسلوش اقرأوه بس والله مفيد فوق ما تتخيلوا ربنا يفتح علينا كلنا يارب

طيب يا بنات انا قلت لكم انى قرات كتاب روعة جدااااااااا فى حفظ القآن علشان نحفظة كلة بأذن الله فى...

وردة بيضـــــاء :

و عليكم السلام يا حبيبتي انا و الله و انا بقرأ موضوعك .... اتأثرت كتير ... عارفة ليه ... لأني اخيرا لقيت حد يثبتني على الي انا بخطط ليه و نفسي اوصله و هو حفظ القرآن و التفقه في الدين و العلوم الشرعية لأن الواحد زي ما انت قلتيه قضى سنين طويلة من عمره في الدراسة و الاجازة و الفسح ... الخ ..... و اكتشف ان معلوماته البسيطة و المبدئية عن دينه قليلة جدااااا..... و فعلا تحت التراب كلنا واحد مفيش دكتور و لا دكتورة (دي مش دعوة لعدم التعلم ) و لكن اعطي لكل حاجة حقها .... بس انت عارفة ايه المشكلة ... ان في الايام دي صعب تشاركي الفكر ده مع الي حواليك .... بيعتبروا ده زهد و تشدد و غلو !!!!!!!! سبحان الله .... كأن شئ غريب ان الواحد يقول انا عايز اتفقه في العلوم الشرعية او اتفرغ لحفظ القرآن ... و كأن معلوماتنا الدينية المحدودة دي كفاية علينا مادام بنصلي و بنصوم و خلااااص على فكرة انا مش بستهزأ بيهم لأني يوم من الايام كنت زيهم بس جه الوقت الي الواحد لازم يوقف وقفة مع نفسه و يشوف هو فعلا عايش ليــــــه ؟؟؟؟ فعلا الدعاء ثم الدعاء ثم الدعاء .... و الله لو الواحد اخلص في الدعاء من قلبه ربنا بيوفقه جدااااا و دي عن تجربة .... اللهم اهدينا و وفقنا و اعيننا على حفظ كتابك و العمل به , اللهم حببه الى قلوبنا , و اعنا على تلاوته و تدبره و العمل به , اللهم اجعله حجة لنا لا علينا ....آميـــــــــــن

و عليكم السلام يا حبيبتي انا و الله و انا بقرأ موضوعك .... اتأثرت كتير ... عارفة ليه ... لأني...