وجباتكم بعد الدوام؟

كلنا نعرف أن المدارس ع الأبواب ونعرف أننا بعد إجازة طويلة عريضة مثل هذه الحمد الله بنكون تعودنا على نظام معين بالنوم والأكل والطلعات. تعودنا ع الدلع شوي. لكن خلاص قرب الوقت الجد وبيكون صعب شوي ندخل بجو الدوام والمدارس والجدول المنتظم على طول. نحتاج شوية وقت على ما نتعود. اللي بتكلم عنه اليوم هو وجبة ما بعد الدوام أياً كان واللي الأغلب يتأزمون وودهم يلغونها من الجدول J. الجميل الحمد الله انه مع الوقت صار فيه أجهزة تختصر علينا الوقت والجهد بعد صباح طويل سواءً كموظفات أو ربات بيوت. مريت ع سوق عالم حواء قبل أجيكم هنا قلت أخذ نظرة وش فيه بعد أجهزة بتريحني مستقبلاً. وقررت أتكلم عن الأجهزة اللي اقتنيتها سابقاً وأشوفها الصراحة مهمة وضرورية وبتكلم عن مميزاتها باختصار عشان تتضح الصورة. ومنها نتشارك خبرتنا بالأجهزة المماثلة واللي ما قد جربتها عشان نفيد بعض.
- أول جهاز واللي فعلياً أستخدمه لأغلب الأشياء قلاية فيلبسالخرافية القوا نظرة سريعة هنا.. بالنسبة لي كل المميزات الزينة فيها: تنظيفها سهل جداً. المهم أنك بعد كل استخدام تنظفينها عشان ما تتراكم فيها بقايا الأكل مع الوقت. غير أنى أشوفها طريقة حلوة لأكل صحي لأنها ما تحتاج كميات زيت كثيرة سواء للخضار، البطاطس، حتى الدجاجة أحمرها فيها.. وجربت البيتزا فيها خرافيييية! لا تفوتكم فعلاً ولو تبين تبلي دجاجتك الصباح وحطيها بالثلاجة وبس ترجعين حطيها تتحمر فيها واختصري الوقت والجهد. وطبعاً أحجامها مختلفة لذلك خذي الحجم اللي يناسب عائلتك.
- قدر الرز بالبخار.. يا الله أتعب وأنا أقول اختراع جبااار جميييل جدا جدا ومريح بشكل ما تتخيلون؟ مجرد أحط الرز قبل أطلع الدوام وأضبط الوقت يطبخ الرز فيه لين ما يخلص الوقت ويتحول ع التدفئة مرةبطل ويخلي الرز نثري ويفك عني أزمة شيء مريييح من الاخر. بعد حطيت لكم نموذج هنا عطوه نظرة. طبعاً يتوفر بأحجام وأشكال كثيرة فيه شيء يجي ثلاثة مع بعض تحطين رز وايدام ودجاج لو تبين تجين بس تحطين غداك وصلى الله وبارك أو تاخذين المنفرد زي هذا وتطبخين الرز فيه اللي يريحك صراحة.
- آلة فرم البطل والطماطم برضو ما استغني عنها هذي نفس حقتي بالضبط (من هنا)أنا أفرم كميات وأفرزن كل مقدار طبخة لحال سواء الطماطم أو البصل حق أسبوعين مو أكثر. ما أحبه يطول بالفريز وما أحبه مع بعض فاقسمه اريح وأرتب وعشان لا يخرب بالذات الصيف ما يتحمل أبد.
هذي أهم الأجهزة بالمطبخ بالنسبة لي ومساعدتني بعد الله بحياتي اليومية ومريحتني مرة في بعض الزجهزة شفتها بس الصراحة ما جربتها ونفسي أجربها بحط لكم روابط اللي نفسي أشتريها قريباً بس ودي أعرف عن تجاربكم أكثر اللي عندها أي جهاز من هالاجهزة تعطينا تجربتها لا هنتوا وعلى أي أساس انتوا تشترون الجهاز الكهربائي أساساً؟
هذي اللي خاطري فيهم بس للحين ما جزمت ولا قررت أشتريها ولا:
- الشواية المسطحة.
- آلة تحميص الخبز.
ولو كنتوا تستخدمون أجهزة ثانية ما جبت طاريها اذكروها نفيد ونستفيد :)