وجبة الاكل في المدرسة

بنتي أول سنه بالمدرسه......
إشتريت لها حافضه صغيره للأكل........ومناديل ملونه أغلف فيها الساندويتش
والساندوتش الصغبر أو بريد مقطع الحواف....
وأسوي لها....سندويتشات محشيه
يوم بيض مقلي وجبن سائل
ويوم جبن ومربى
يوم لبنه وخيار وزعتر
يوم مرتديلا وخس جبن سايل
يوم جبن شرائح وكاتشب وطماطم وخس وزيتون
وشريت كرتون حليب بالنكهات بالفراوله والفانليا والشكولاته
وعصير كي دي دي لأنه صحي أخت برتقال وتفاح وفواكه مشكله
كل يوم تاخذ نوع جديد
وأعطيها مصروف زياده إذا حبت تشتري بطاطس أو شكولاته

أما من السوبرماركت
مرات أشتري لها كيك بالشكولاته من لوزين
أو فطيره لوزين بالجبن أو الزعتر أو الشكولاته.........في حشوات مختلفه

وياليت البنات يفيدونا بأفكارهم..............

انا فكرت اقطع له الفواكه بس هو مايحب الا التفاح واخاف اذا قشرته وقطعته بيسود لونه ومابياكله بيفتكره خربان .. مره حطيت له عنب وفراولة بس ولااكلهم ,, وعلى السندويش هو مايحب الا سندويش الزعتر ومايطلب الا الزعتر شاسوي فيه ؟ واخاف احط له شي ثاني ماياكله وهو يومه طويل في المدرسة ماابيه يجوع ويتعب

هو المشكلة اكله صعب ادري انه الخيارات وايد .. بس معليه بجرب ومنكم نستفيد ..
حتى الكيك شريت له كيك الفانيلا لانه مايحب الشوكليت ولااكله .. اففف يطلع مخي هالولد

مشكورين وماقصرتوا
مشكورة ام حصوصي الحلوه على هالاكلات الحلوه

سوي توست مغمس في بيض وحليب واقليه في شويه زيت مره لذيذ يحبوه الصغار
كمان سويله توست بشكولاته النوتيلا
او بينت وعسل او توست مع جبنه المراعي الشرائح
كمان تسوين فطاير بالجبنه او بتزا دوائر انا والله احيان اقوم اسوي فبل لانام واحطها في الفرن لان بنتي تحب الفطاير والبتزا اللي اسويها واحطها لها في الصباح في الحافظه حقتها مع عصير الربيع