اكيد كل وحده فينا تحتار وش تسوي عالغدا مره تبي شي سهل ومره سريع ومره شي جديد
وهذي الوجبه ان شاء الله ترضيكم جميع
لانها لذيذه ومميزه بصراحه
هي عباره عن تشكيله بصحن واحد
الوجبه عباره عن
رز ابو بنت ابيض وبالزعفران
بطاطس محشي بالباشميل
سلطه خضراء
بصل محمر
طريقة الرز
كمية الرز حسب عدد الاشخاص
بصل وزيت عالنار وهيل وعود قرفه
وبعدها تضيفين الرز طبعا يكون مغسول ومنقوع
وملح وفلفل رومي او حار حسب ذوقك
واذا استوى الرز حطي زعفران اوبودرة الزعفران
على جزء منه والباقي يكون ابيض
والبطاطس بالباشاميل
الكميه اختياريه غير محدده
تغسل وتقشر وتجوف بحفارة الخضار
ثم تقلى بزيت غزير وتجفف من الزيت
وتحشينها بحشوة دجاج مفروم ومحموس مع
بصل وثوم وجزر وكركم وكاري وبهارات مشكله
بعد ماتستوي تضيفين لها بصل اخضر
وبقدونس وكزبره
وتحشين بالحشوه هذي البطاطس
وترصينها بصينيه وتضيفين عليها باشاميل
هذي طريقة الباشميل اللي اسويه
زبده 3 ملاعق كبيره
و5ملاعق دقيق
ونصف كوب حليب ونصف كوب كريمه
وممكن تستغنين عن الكريمه ويكون
حليب بس
وقليل من الملح الفلفل الاسود وثوم باودر
رشه بسيطه بس عشان النكهه
يضاف الباشميل عالبطاطس وتحمر
بالفرن بالعافيه
السلطه والبصل طريقتها معروفه للكل
آخر شي حطي الرز بقالب شكله مرتب
واقلبيه بصحن التقديم وجنبه البصل
والسلطه وكم حبه من البطاطس
اللذييييييييييييييييييذه
هني وعافيه عالجميع وان شاء الله
تكون وجبتي الصغيره عجبتكم