بقدم لكم النهاردة وجبة كاملة من كنتاكي مضبوطة ومجربة وان شاء الله تعجبكم يللا بينا
بسم الله الرحمن الرحيم
نحضر فرخة مقطعة 8 اجزاء ونتبلها : التتبيلة : ملح -ملعقة صغيرة من كل :فلفل-كمون كسبرة-بابريكا-كركم
ملعقة كبيرة بهارات فراخ اعمل ش قوق بحرف السكينة في الفرخة واقلبها مع التتبيلة مع اضافة كوب زبادي او نصفكوب لبن رايب وتترك علي الاقل ساعتين ولو اكتر افضل
نيجي للسر الكل بيعتقد ان البصل والثوم في التتبيلة علشان كدة الطعم بيختلف
السر : نجيب طبق كبيرفيه حوالي 2كوب دقيق واضيف ملعقة كبيرة ممسوحة ثوم بودرة ومثلها بصلة بودرة
واغطس فيها كل قطعة من الفراخ بحيث تغطيها تماما
نقليها في زيت عميق لحد لما تبقي لونها ذهبي طبعا حتكون نية من جوة
اجيب صاج فرن واغطيه بالورق الفويل علشان ما يلزقش وارص الفراخ وادخلها الفرن لمدة حوالي ربع ساعة
نيجي للرز قطعي بصلة متوسطة مكعبات وتقلب مع الرز في زيت ومعها ملعقة بابريكا
تضيفي الماء والملح وتكملي السواء بالطريقة المعتادة -اثناء سواء الرز تقلي قطع صغيرة من فيليه الفراخ بالبيض والبقسماط وبمجرد ما يتقلي تضيفيها للرز قبل ما يكمل سواه وبعد اكمال سواء الرزاضيفي ملعقة اخري بابريكا وقلبي واطفي النار
السلطة : قطعي بطاطس مكعبات واسلقيها ثلاث اربع سواء وليس سواء كامل واضيفي فص ثوم مفروم علي البطاطس ساخنة بعد لما تبرد تماما اضيفي مايونيز وملح خفيف
وكدة عندك وجبة كاملة دجاج مقلي وسلطة بطاطس ورز بقطع فراخ ومن بيتك يعني انظف واضمن باقل تكاليف واتفضلو الوجبة وقولولي رايكم
اشوف ردودكم الحلوة
والي القاء مع تكا والطازج ح ابدا باللي تختاروه الاول وده لوطبعا كنتاكي عجبكم سلام يااحبابي
