مراااااااااااااحب
كيفكم يالغاليات .....
هذا الجزء الثاني من وجبات الأطفال من 6 اشهر
اشكر كل من مر على موضوعي الأول
وبجد خفت لما قالو الماجي خطيرة والأخت اللي نزلت وش تتكون منه ومخاطرها وربي :06: ضاق صدري ...
لكن هالمرة قلت خلك سنافية وبطلي شوربات الماجي وسوي شي
سنع للكتكوت ميشو ... الله يرزقني بره يارب ويصلحه
اولا ... وجبة الأرز مع الدجاج ...
رز مصري وادي النيل مغسل منظف
مع 1 م ص زيت زيتون + ملح +لحم دجاج مفروم
اسلقي الدجاج والرز مع بعض وقبل ماينضج حطي شوي كمون
وفص صغير ثوم مهروس
بعدها اذا كان كاس الخلاط اللي عندك بلاستك انتظري لما يصير دافي واضربيه في الخلاط ... اما اذا كان قزاز عادي حطيه وهوه حار تعرفو البلاستك يتشطف مع الحرارة ...
طبعا اذا حسيتي بعد الخلط انه ثقيل على طفلك زودي شوي ماء دافي ...:p
ثانيا شوربة دجاج مع دجاج مفروم وتوست ...
طبعا كانك راح تسوي كبسه لأهل البيت
يعني كشنه بصل طماطم ثوم معجون طماطم بهاراتك بس مايكون فيها شي حار انتبهي ...:o
وحطي الدجاج والماء واضغطيها ربع ساعه
لما ينضج خذي شوي من صدر الدجاجه مع مرق الدجاج وحطيها بالفرامه وتكونين فاته توست في زبديه صبي اللي خلطتيه عليه
.....:p
وهذي الصور ...وبالعافية على كتاكيتنا
وقفه ... الى كل أم لاتتهاوني في وجبات طفلك:04: وتقدمي ماهو اسهل لك :time:... وتتناسين:35: صحة طفلك ومايحتاجه لبناء جسمه ونموه بدنيا وذهنيا ... وتأكدي انه آمانه ...
واشكري الله على هذا الطفل فكثير من الأمهات محرومات من هذي النعمه ...
اللهم ارزقنا برهم ... واهديهم لما تحبه وترضاه
برطومه @brtomh_1
عضوة نشيطة
يلزم عليك تسجيل الدخول أولًا لكتابة تعليق.
اولادي بالدنياء
•
مشكوره
الصفحة الأخيرة