صبحكم/ مساكم الله بالخير والمسرات..
كيف حالكم ايهُ الحواءات.؟
أنا أول مره أشارك بهالقسم
ودائماً كل مامريت من الشارع اللي جنبكم (القسم التجاري) أشم ريحة طبخكم <<حطوا تحت اشم خطين وكملوا..:)
والله ياعندكم طبخ يشهيييييي
المهم قلت يعني أستحي يابنت كل شوي رازتن خشتك هنا ولا مره شاركتي خليك ذوق شوي<<تقطر ذرابه:laughing:
فقررت بعد عقد إجتماع مع أخواتي أني أنزل وجبة غدانا أنا وخواتي اللي هي جباتي بالدجاج والخضار يم يم يم
لأن كنا مسوين أرز بالدجاج لأهلي وحنا مانحب الرز<<قصة حياتها
فسوينا هالوجبه الخفيفة أتمنى تنال على إعجابكم<<مابغينا نخلص من قرقها:angry2:
أول شيء شوفوا الصور..
التنسيق لكم عليه شوي خليكم مؤدبات ولاتدققون:laughing:
مقادير العجينة:
4 كوب دقيق أبيض
4 ملعقة كبيرة سكر
4 ملعقة كبيرة زيت
1/4 ملعقة صغيرة ملح
1/3 1 كوب ماء
تنخل المواد الجافة ثم يضاف الزيت والماء ويعجن جيداً ثم تقسم العجينة إلى 12 كره متساوية
تفرد كل كره على حده على شكل دايره ويمسح سطحها بلعقة صغير زيت وتطوى على شكل إسطوانه
بشكل دائري أو حلزوني تترك في صينيه مرشوشه بدقيق ثم تكرر العملية على بقيه القطع
ونتركها ترتاح إلى عشر دقائق تقريباً
تفرد كل قطعه بعد رشها بالدقيق على شكل دائره رقيقه وتقلى في ملعقة فقط من الزيت ونقلبها حتى تنضج
بعد ماتخلص امسحيها بمقدار ملعقتين تقريباً من الصوص
والحشوه دجاج كالطريقة المعتاده سلقته ثم كشننته مع البصل والبهارات
والخضار ورقتين ملفوف_حبة خيار_2 طماطم
مقادير الصوص:
في الخلاط :
حبه فلفل رومي
2 فص ثوم
2 ملعقة مايونيز
3 ملعقة طحينة
عصير ليمونه
2 ملعقة زبادي
هالصوص طعمه مره لذييييييذ جربوه وأدعولي
وإذا تفضلوا تزيدوا شطه أو كتشب براحتكم
وبالهناء والعافيه على قلوبكم
...............
وتســــلم الأيـــااادي
ماشاء الله تبارك الرحمن