الله يطمن بالك ويكتبلك الخير ويلبسك لباس الصحه والعافيه

اختي نور اي حبيبتي
يرافقها الم عموما الام الثدي لعا اسباب
احيانا يكون تجمع هواء في الثدي وهالشي صار لاختي كانت تشكي من الام في الصدر وقال الدكتور عادي تجمع هواء في الثدي بس طبعا ماكانت تحس بكتلة

اما بالنسبة للورم الحميد اي فيه الم والم شديد بيكون
وهالشي يطمن لانه انا الوالده عندها اكياس ليفية بالثدي واول الاسئلة اللي كانت يسالونها
هل فيه الم ؟؟

الدكتور يقول الاورام الخبيثة تطلع فجاه وبدون الام لهالسبب يسمونه المرض الصامت لانه ماله شي يدل على وجوده الا لو لاحظتي الكتلة

ثاني سؤال في دم ينزل من الحلمة او لاحظتي تغيييير شديد في شكل الثدي

هالاسئلة دااائما يسالونها

والوالدة تجيها الالام وهي تشبه الام الثدي قرب الدورة الشهرية وتحس الثدي ثقيل لدرجه احيانا لو ركعت لازم تمسك صدرها من الوجع
الدكتور نصحهااا انها لازم تلبس حمالات طبية علشان تخفف من الالم
وسمعت انها كمادات الماي الدافي مفيده

انا حبيت اطمنك واشجعك تروحين تعملي كشف عند دكتور واحيانا الدكتور مجرد مايحط ايده على الورم يعرف ان كان حميد ولا خبيث بس الظاهر انه حميد ان شاء الله

لانه حنا اول مايجي ببالنا يجي الشي السيئ مانتفائل ابدا

انتي دورتك الشهرية متلخبطه ولا منتظمه ؟؟؟ عندك هرمون الحليب زايد او مشكلة في الهرمونات الثانية ؟؟؟؟

الشي المطمئن ان السرطان مايألم ,,بس لازم تروحي للدكتوره ياختي ليش جالسه!!! روحي وتطمني لان نفسيتك بتتعب من التفكير وان كان ورم حميد لازم تشيلنه لامه لو انترك يتحول لخبيث الله يحفظنا من كل شر

روحي لدكتورة ثقة ومستشفى يكون مجهز

واذا انتي بالرياض شوفي مستشفى فيصل التخصصي

تفائلي يالغالية ***** الله ما قدامك الى العافية :27:

تحصل بسبب الهرمونات او اكياس طبيعية ودامك رحتى وقالوا طبيعية فاحياناً لخبطه هرمونات

الله يصبغ عليك الصحه والعافية