وجهة نضري هي ((لا)) وزوجي ؟؟؟؟

بسم الله الرحمن الرحيم

السلاام عليكم ورحمة الله وبركاته
شخباركم وشحوالكم
انشالله بخير
انا الحمدلله بخير

اليوم حبيت اخذ رايكم بموضوع هامني وايد
انا ماعتبرها مشكلة بحد ذاتها لكن زوجي موبعاجبه هالشي مني
مادري شلون ابتدي
وايد تصادف مواقف مع زوجي انه يامرني بشي ونا ماقدر اسويه ليس كعجز مني او عصيان له لا سمح الله وانما وجهة نضري اتجاه امره هي((لا))
يعني بعض الاحيان يطلب مني شي ونا ماكون مقتنعة بهذا الشي اقعد اناقشه في الموضوع ما اقول له(( لا ))بصريح العبارة ولكن اناقشه بما يفيد اني مو موافقة وماقدر البي امرك
وهو يتضايق ويزعل ويقول اني ما اطيعه وان اذا انا ابي شي يصير واذا اهوا يبي شي لا
حاولت وايد اغير هالشي
بس بداخلي ماقدر اسمعه يقول لي لا تسوين الشي الفلاني او سويه ونا مو مقتنعة فيه واقول له حاضر
طبعا انا ما انكر اني اطيعه في معضم الاحيان بس في الاشياء الحساسة اللي تخصني هني احس ان ماقدر اغير وجهة نظري
وانا لما تصير مثل هالمواقف اكون عادية واحس الموقف عادي لان كل واحد له وجهة نظر بس زوجي وايد ياخذ الموضوع على انه ما يحس برجولته لما اعارض امره
مثل ما قلت لكم انا ماعتبرها مشكلة وانما استفسر هل انا على صواب ام على خطأ
افيدوني....