وجهة نظر حول لقاح الانفلونزا

السلام عليكم...

كلنا شايلين هم هالمرض الله يبعده عنا ..وكنا ننتظر التطعيمات وهالحين صرنا نسمع بالتحذير عنها..طيب انا بقول وجهة نظري وانتو بكيفكم ..انامعلمه ولله الحمد وما عندي اطفال يدرسون بس لو كان عندي اعتقد اني مابخليهم يدرسون او ياخذون هالتطعيمات لاسباب انااشوفها مقنعه..
اولا..اذا بتضيع عليهم سنه ماراح يروح عليهم شي بالنهايه بيتخرجون وبيتوظفون اذا كاتبلهم ربي وحنا عندنا التعليم يمشي ببطء شديد ولايتطور بسرعه يعني الي تخرج قبل عشر سنين مثل الي تخرج قبل سنه نفس المواد ونفس آلية التدريس ونفس معاناة التوظيف ماتغير شي..فليه نستعجل..
ثانيا..التطعيمات هذي شلون طلعت بسرعه ووصلتنا ومن متى صارو يهتمون فينا بلدان العالم الاول ويرسلون لنا التطعيمات الا اذا بيعتبرونا فئران تجارب لهم..ومسرع اخذو كفايتهم من التطعيمات حتى يرسلون الباقي لنا؟؟
وهالمرض اذا خطير مررره شلون قدرو يلقون له لقاح بهالسرعه..اجل على كذا المرض موخطير بس لقوه حجه حتى ناخذ هالتطعيمات الي من زمان يبونا ناخذها ومالقو الاهالطريق..
ثالثا..المرض اذا اصيب فيه شخص مايعاني من امراض مستعصيه فشفاؤه ممكن جدا بالمضادات او بشرب السوائل المقاومه له مثل اليانسون والزنجبيل ونبعد عن مسببات الانفلونزا مثل المشروبات البارده والمكيفات البارده بزياده خاصه بوقتنا هذا وبرضه نبعد قد مانقدر عن الزحام حتى ماتختلط الانفاس وتجي العدوى..
رابعا..اذا التطعيمه لها اضرار مثل الشلل او العقم او الوفاه اوغيره اجل مالها فايده ومن الغباء اني اخذها وهي بتحميني من الانفلونزا لكن بتسببلي مرض ثاني ماله علاج وكأني جبت المرض لنفسي بينما لو مااخذتها يمكن ماانصاب بالمرض ويمكن اذا انصبت اتعالج واشفى والاحتمال الاخير انصاب واموت.يعني اذا اخذتها اومااخذتها فيه احتمالات للوفاه بمرض معين..بس اذا مااخذتها يمكن ماانصاب وفيه فرصه اكبر للحياه..وعندي اموت من الانفلونزا على طول ولا اني انشل واعاني سنين وفي الاخير بموت وكله بيد رب العالمين.

اخواتي هذي وجهة نظري تجاه التطعيمات والدوامات..فالافضل لايروحون عيالكم للدوام ولايطعمون بيرتاح بالكم ويكونون تحت عينكم ومايجيهم شي واذا حسيتو ببوادر انفلونزا كثرو من اليانسون والكمون والزنجبيل وربي بيحفظهم..لكن اذا داومو بتكونون شايلين هم يوميا انهم يمرضون وبتضطرون تطعمونهم واذا اخذو التطعيمه وصارلهم شي بتندمون ع طول ...هذا رأيي وحبيت اشارككم فيه من باب النصيحه..واسفه عالاطاله..