****وجهك تعبان عندك مناسبه لازم اتحطين مكياج واتروحين مناسبه شالحل؟؟ عندي ***

مرحبا بنات :)
اشلونكم انا ناويه أكتب هالموضوع من زمان عشان افيدكم مثل ما أنا استفدت
اذكر يوم زواج أختي :icon28: انا كنت تعبانه ومضغوطه العرس كان علي وزوجي مرض واعيالي :06: ووايد ظروف بحيث اني ما قدرت حتى اروح الصالون؟

وشفت وجهي بالمنظره قبل العرس بيوم لأني من زمان ماشفته وولهت عليه (لا يا شيخه) لاتضحكون وكان الوضع مزري :icon33: من التعب والسهر والدواره في السوق هالات سودا ووجه تعبان

كلنا انعرف اذا كان وجهك تعبان وحطيتي اروع مكياج ما راح يضبط :09: ولو كنتي مرتاحه وحطيتي كحل وماسكره بتطلعين حلوه :27: هذي حقيقه كلنا متفقين عليها (لا والله صج طولتيها وهي قصيره ) :024: أدري والله

المهم ذكرت عندي ورقه طابعتها لللأخت شوكلاته الله يجزيها الخير والجنه قولوا آمين كانت أسبوعيا تنزل مواضيع عن كيفيه وضع المكياج بالصور قمه في الروعه والذوق وكانت كاتبه ان قبل لاتحطين المكياج في أمبولات ماركه بايوت تكسرين أمبوله واتحطينا على وجهك لما تنشف اتحطين المرطب وتتمكيجين

طرت وشريتهم :05: علبه فيها 12 امبوله اهي تنباع على اساس انها علاج للوجه يعني لو انتي عروس ممكن تكسرين كل يوم انبوبه على وجهك لحد ما ايي يوم المناسبه ويكون وجهك مثل الورد

النتيجه كانت وجه مشدود توزع كريم الاساس وثبت المكياج والأهم من هذا كله مابين ان وجهي تعبان واني كنت هلكانه

الامبولات هذي معتمده عندي الحين ولما تستعملينها واتروحين اي مناسبه راح تسمعين تعليقات حلوه تحتاجين تسمعينها وانتي تعبانه وباذله مجهود :2thmup:
جربوها وادعولي والاهم تدعون لللأخت الفاضله شوكلاته لأنها صاحبه الفكره جزاها الله ألف خير