صبااااحكم خير:)
اليوم بحكي لكم عن أخوي وزوجته وعلى فكره أنا أستأذنته أني بسدح سالفته في عالم حواء وركز على بعض النقاط والنصائح يقول قولي لهم وقولي لهم هههههه..الله يرحم أيام أول كان يمزح معاي ويقول ياعيونه ماضيع وقتك إلا حواء:09:
هذا سلمكم الله واحد من أخواني الأعزاء طيوب وحنون بدرجة كبيره لدرجة السلبيه..وظيفته ممتازة وسيم معروف بأخلاقه الطيبه وكرمه ومرح والناس تحبه..يهتم بمظهره ويحب النظافه والزين والكشخه وذوقه حلووو بكل شئ نعتمد عليه بأثاث البيت وبأي شئ نشريه حتى إذا عندنا مناسبه ماأرضى إلا إذا شفت رأيه بملابسي
والعطورات أيام زواجي رحت معه أشري لأنه يفهم بالماركات والأشياء الحلوة المهم الكل ناشب لنا من بتخطبون له!!
واللي تقول والله لويجي أعطيه بنتي..واللي تدق تقول انا بدور له
والأنظار دايم عليه..حنا أصلنا بدو..واخوي هذا متحضر كثير غير عن اخواني الباقين..المهم فكر بالزواج
قلت له عن بنات عمي ثنتين..وعماتي كل وحده عندها 5 بنات و6
وخالتي عندها بنت..وكلهم كشخه وأخلاقهم نص ونص والجمال ماعليهم..قال لا مابيهم ..وفيه وحده من جماعتنا جميله ماشاءالله تميل للسمنه وسنعه وأخلاق بس بدوو مررره ..قال لامابيها انا ماقدر أتأقلم مع وحده بدويه ماراح نتفق..انا ابي وحده جميله اخلاقها طيبه وتكون متحضره..المهم جاااري البحث ماحصلنا اللي يبي
قال خلاص أهم شئ جميله واخلاقها طيبه وعندي تتعلم على الكشخه وووو:09:
واللي من جماعتنا مايبيها يبي نحيفه أو وسط ومايبي القصيره
ياشين التعقيد بسس
وتدلنا جارت خالتي على بنت اختها خارج الرياض
وتروح أمي وخالتي يشوفونها
وأنا كنت مسافره أيام زواجي نايمه بالعسل ودق علي
قال أمي وخالتي يقولون البنت جميله وبروح أخطبها
قلت طيب وأخلاقها
قال مدري بس شكلهم ماعليهم
وبسرعه الأسبوع اللي بعده راحوا يخطبون
وبعد اسبوعين كانت ملكته ورحت مع أهلي
شفتها وباركت لها وكان أخوي شاري شبكه ومجهزين الكاميرا الفديو والقاتوه ورفض خالها أن اخوي يدخل يشوفها هههه وبعد حب الخشوم والواسطات وبعد مانشف ريق أخوي وافق خالها
طبعا أنا مادري عن البنت لاجلست معها ولاأخذت وعطيت معها..وبيتهم كان صغيير وشعبي وفيه 7 بنات ومصدر رزقهم الضمان الله يوسع لهم أن شاءالله وأمها طيبه ومظهرهم يدل أنهم فعلا على قد حالهم وهذا الشئ موعيب لأنها أرزاق من الله
بس وش كان تفكير أخوي العزيز؟!
أن بنت عاشت بقل الحال ولاطلعت من قريتهم أبد ولاعمرها ذاقت أكل مطعم حتى البقاله بقريتهم مااافيه..ولاتشري ملابس إلا نادرا ومن محل تخفيض..فأكيد يوم تجرب العيشه عندي بتكون من اسعد الناس وأنا بسعد معها وبتطيييير فيني البنت
عاد هوحنووون وطيب ويجلس يخطط أنه يعوضها عن كل شئ وأنه يعيشها أميرة مدللهـ عنده
وبعد الملكه بأسبوع رحت مع أبوي لأني باخذ منها صور عشان أخوي بيطلع لها جواز سفر..جلست عندهم ساعه كانوا مجهزين لي قهوة وحلا وشاهي وجلست مع امها وخواتها وجات العروس وجلست..خلال هالساعه صراحه أنا نقدت عليها وبعدين قلت في نفسي حرام يمكن عشانها صغيره هي كان عمرها 21 سنه
وحسيت خلال هالساعه أن أختها اللي أصغر منها هي المسؤوله عن البيت وعن أخوانها الصغار واااضح جدا
وأول ماركبت السيارة قلت لأبوي والله واضح ان اللي أصغر منها هي راعية البيت ومدري صراحه عن زوجة أخوي مدري عن حظه
المهم جهز الدور اللي فوق أهلي بأفخم الأثاث كل شئ كان روعه ماشاءالله من رخام وتعتيق وغرفه ومجالس..
وأذكر انه أخذ قرض مع أن كل شئ على الوالد الله يحفظه
وسألته قلت ليش وابوي عطاك ليش تحط على نفسك ديون
قال غرفة النوم شريتها بي 15 ألف والمطبخ بي 10 ألاف
فما كفت فلوس الأثاث ..قلت ليش الله يهديك كان دورت أرخص ومشيت أمورك قال لا أبي كل شئ حلو
وشرى تحف وشموع ولوحات ..وجاء زواجه وكان فيه كذا لوحه وساعه ماعلقهم يعني على الأرض..المهم تم زواجه الحمدلله واليوم الثاني عزمنا اهل العروس وبعد العصر أمي وأمها قالوا لي روحي لهم بالفندق وعطوني قهوة وحلا وفعلا رحت لهم
طلع أخوي وتركني معها وكانت الغرفه مرره حوسه الطاوله عليها الأكل اللي في الليل وفستانها طايح يمين والشنط يسار
أنا جلست أرتب وأشيل الأكل ووو..وتركتهم
وفي الليل دق علي أخوي قال تعالي جيبي لي بندول انا تعبان ماقدر اتحرك من فراشي وقلت لأبوي ورحت له وأخذ أبوي لهم عشى
قال تلاقين عنده انفلونزا يمكن مكيف الفندق بارد
دخلت وعطيته البندول وجبت له كاس وماء
وعطاني أبوي العشى وحطيته لهم..والعروس أحسها غشيمه وأقول لاحرام يمكن مستحيه..
سافروا وبعد اسبوعين رجعوا..كنت انا عند اهلي فترة مشاكلي مع طليقي..رتبت معها مطبخها وحسيتها فعلا ماتعرف شئ أبد وقلت لها قولي لفلان يعلق اللوحات والساعه وكنت أسولف معها عادي ووالله ماأعتبرتها إلا اخت لي لأني رحمتها وكنت اعاملها مثل ماأحب أن الناس تعاملني خاصة أني أنقرصت من أخت الزوج المهم لاحظت عليها
من سوالفها أنسانه حقوده مررره وناكره للجميل وكنت أقول بنفسي والله لوأحد يطلع عيونه ويقدمها لها مايثمر فيها وكنت أقول الأيام راح تثبت هذا الشئ
فيها حماااقه وجهل..تحب الهوشات والمشاكل
كل يومين تدق تهاوش مع خالاتها تخيلووو خالتها كبار بمقام أمها
تهاوش مع عماتها..دقيت عليها وقلت وقلت وقلت
دقيت على عمتي فلانه قلت ليش يوم أنك تقولين وتقولين ووو
صديقات ماعندها كلهم متهاوشه معهم أيام الثانوي
تتكلم بكلام شين عن أقرب الناس لها
مره وأنا جالسه معها جاها مسج من بنت عمها حاطه صورة بنوتتها وكاتبه تحتها ليش ياخاله ماتتصلين على أمي امي مشتاقتلك مررره
قلت ياحليلها دقي عليها
قالت قطع مابيها
ليش
كذا ماحبها
مره سمعتها تهاوش أمها عشان شئ تافه وربي حزززنت:44:
مومهتمه بصلاتها أبدا اذكر مره طلعت لسوق وكانت حامل
ورجعت الساعه 10 بالليل قالت لها أختي صليتي المغرب والعشاء
قالت لا ..قالت قومي صلي.قالت طيب طيب
وطنشت سهرت عندنا إلى 2
مره أبوها دخل المستشفى عنده القلب تعبان وتحش فيه هي وأختها تقول هالشايب مافيه بلاء بس يتسدح عشان مايمشي أختي!!
ألاحظ أخوي دايم غداه من برا يمكن بس يومين بالأسبوع اللي ياكل من طبخها
تنزل كل مغرب عندنا بقميصها بدون ماتحط حتى الكحل
تجلس في مكانها ماتتحرك تقهوى ثم تنتظر العشى ..تعشى وتجلس إلى 12 ثم تروح لبيتها
سنة كامله على هذا الوضع إلا إذا طلعوا يتعشون برا
لاتهتم فيه ولاتسأل فيه إذا بيتعشى أو لا
دايم أقولها أتصلي على فلان شوفي بيتعشى معنا او لا..أترك له عشى أو لا
كل ليلة أقولها وإذا ماقلت لها ماتتصل مااااتفكر
هوكان ينزل يحصلها جالسه عندنا يمل ويطلع
نصحها جلست ليلتين ثم رجعت على عادتها
حنا صراحه كنا نتضايق من نزولها عندنا ليليا" وجلوسها لوقت متأخر..كنا نجامل ونجلس بعدين صرنا نجلس شوي وكل وحده تروح تشوف شغلها من مذاكره وتغسيل ملابس وأنا أدخل المطبخ اجهز عشى لأهلي..وأمي تجلس عندها..أنا كنت أتضايق لأني كنت أحط سفرة وحده وبعد زواج أخوي صرت أطبخ وأكرف وأحط سفرتين وحده لأبوي وأخواني ووحده لنا لأنها معنا والأواني تكثر علي والشغل كثير
وأحيانا تاكل أي شئ وتترك صحنها وملعقتها في مكانها بالصاله
وكذلك إذا أستخدمت مناديل تتركهم في مكانها يعني مااترفع ولاشئ
ولاتلمس شئ..وأنا أصبر نفسي وأقول يفرجها الله ولأجل عين تكرم مدينه..ألاحظ على أخوي إذا بغى شئ يعتمد علي ولاكأنه متزوج
طبعا أنا أسكت وألبي طلباته
كنت دايم أحسه مومبسوط ولامرتاح واضح من وجهه
حملت وتعبت بحملها وجلست على ظهرها تحت عندنا شهرين
وطلباتها مجابه وأمي تنام عندها وفرحانين وننتظر الطفل على أحر من الجمر وأخوي فرحان ينتظر البيبي
انا ولامره تكلمت عند أحد فيها ولاحتى عند أمي لكن عرفت طينتها
وكنت أي شئ أسويه لها أحتسب الأجر لأني أدري ان بأي لحظه ممكن تقلب علي..وكنت عارفه ان أخوي أكيد عارف طينتها
مره سألني قال ياعيونه هي تقول انك ماتجلسين معها كثير
قلت انا أنشغل بالمذاكره وشغل البيت ماقدر أقوله والله زوجتك العاقل مايستحمل الجلسه معها ولايسمع سوالفها
جابت البيبي وسوينا لهم حفله كبيره وفرحنا فيه
طبعا ايش سوت..شوي شوي رمت مسؤوليته علي لأنها أساسا موراعية مسؤولية أبدا ولاهي من الحريم الحنونات
وأنا ماصدقت خبر أموت بالأطفال وكان هالطفل نعمه من ربي
والله يابنات كنت اعيش بهموم مهما قاومت أكيد انتم حاسين فيني
مطلقه مرتين ومظلومه لكن وجود هالطفل بعد الله سبحانه طلعني وأخذني لجو السعاده ...لأول مره أحس ان الحياة جميييييييييلة جميييييييييييلة جدا..صار كل شئ في حياتي له طعم
بكل وقت تتصل علي تقول أخذيه..الفجر ..نص الليل..الصباح ..
أول مايفتح عينه ويصحى تدق علي تخيلوا تحطه لي عند باب الشقه
ومعه اغراضه..وأحيانا إذا كنت نايمه مارديت على جوالي تنزل وتحطه علي وانا نايمه وأصحى آخذه صار يبكي ولايسكت إلا بحضني صرت اعرف إذا هوجوعان اوتعبان اونعسان أوزعلان
تعلقت فيه بشكل كبييييير..وأخوي أبوالطفل يمووووت فيه
ونفس الحال صار بس يسألني عنه وإذا بكى جابه لي شوفيه ياعيونه تكفين وش فيه..
كبر النونو وصار عمره شهور تخيلوا مره أمه تقوله أضرب ياعيونه.. ويناظر فيني ويناظر بأمه ويرفع يده يضرب أمه ويحط راسه على صدري..
إذا بيودونه مستوصف أوعنده تطعيمه لازم ياخذوني معهم لأنه مايسكت إلا معي..
كان أخوي يحكي لي بعض الأوقات عن هوشاته مع زوجته بسبب طفله يعني مثلا ينزل معصب ويقول موصاحيه الولد طاقه الجوع عندها وإلا ملابس ولدها كلها وسخه وجالس بدون ملابس
وأنا اسكت ماأعلق وأحيانا أقول أنصحها ويقول ماتبي النصيحه وتعاند
ومره بأيام الشتاء نزلت الولد ماعليه إلا فانيله بس
قالت امي لبسيه برد
تخيلوا جلس الولد بنفس الفانيله يومين ..وتنزله عشان نشوفه
واخوي قال يمه تكفين الله يجزاك خير لاتنصحينها بولدها تراها تعاند وتسوي العكس لوتقولين ولدك جوعان بتتركه إلى بكره بدون ماترضعه
قالت امي ابشر والله ماعاد اقولها شئ
ومره قالي انه تهاوش معها عشانها ضربت الولد
كان تقريبا عمره 4 شهور
وبيوم وهي جالسه معنا قالت لي قدام أمي بكل شفقه يوووه يافلانه انتي ماتطفشين من حياتك انا عندي فلان وفلان وانتي بس جالسه كذا
تقصد عندها زوجها وولدها!!
المشكله مومهتمه فيهم بس كذا يقالها تجرحني
ابتسمت قلت عند امي الله يخليها لي تغنيني عن الناس كلهم
وانا من داخلي مجروحه رحت لغرفتي بكيييت من كلمتها
اخوي بعد زواجه بسنه ألتزم وكانت زعلانه عشانه ترك اللحيه وقصر الثوب
قبل ثلاث شهور بيوم خميس رجع بعد الظهر حصلها نايمه وكان جايب أغراض للمطبخ وصحاها قال رتبي أغراض مطبخك
وتطول لسانها عليه وتتهاوش معه قال يابنت الناس غيري طبعك واهتمي بنفسك وبيتك وولدك وإلا روحي لأهلك
قالت انا كذا عاجبك زين موعاجبك بكيفك أهلي موعايفيني
قال يالله اجمعي عفشك
وينزل معصب قال قبل يومين شاري لها ذهب بي 6 ألاف
والبارح طالعه ومتمشيه ومعشيها برا
واليوم عشاني صحيتها بعد الظهر تقوم الدنيا
واساسا انا مومرتاح معها هذي رفله والرفاله مالها علاج
وتجلس أمي تبكي وتطلبه يتركها قال لاأحد يتدخل
وابكي عنده قلت حرام عليك الولد بيضيع بينكم كيف تبي ولدك يتربى بعيد عنك
قال خلاص أنصحيها وإلا والله ماتستمرعندي
ملابسي كثيره لوتجلس 3 اسابيع ماغسلت ماخلصت ملابسي
وأكثر من مره أتسبح وأطلع تخيلي ماأحصل شئ نظيف والله أني مره أفتش الملابس الوسخه ألبس منها وغسالتها أوتوماتيك ماتتعب عمرها
تسهر وتنام إلى المغرب نادرا تطبخ غدا وإذا طبخت لقيتها طابخه رز فقط وعيونها متورمه من النوم وتقول ماأمداني..عشى ياتاكل عندكم يانطلع الطبخ من عرفتها ماشفت منها إلا طبختين
قهوة المغرب أقولها نفسي تجهزين لنا قهوة بعد المغرب لوأجيب حلا من برا نجلس مع بعض نتقهوى ولاتفهم
نظافه مافيه لابنفسها ولاتلبس ولاتحط حتى الكحل والعطورات ماعمري شميتها معها أنا أنسان ماعاد أتحمل أبي أعف نفسي لوأتزوج عليها
لسانها طويل ولاتبي النصيحه لوأقولها ليش ماغسلتي ثوبي تجلس 3 أيام ماده بوزها ولاتكلمني ولاتطبخ ولاتهتم بالولد تبي تقهرني فيه
لنا أكثر من سنتين ماعمرها قالت لأمي تفضلي على القهوة وإلا عشى ومره قلت لها أعزمي امي لاتخلين أمي تزعل عليك
قالت ماعلي من احد اللي يرضى يرضى واللي يزعل يزعل
الشموع اللي شريتها ايام زواجي ولامره تكرمت حطت شمعه للآن جديده ماأستخدمناها إلا مره انا طلعتها
أدخل وأطلع ألاقيها متسدحه قدام التلفزيون ولاتفز ولاتستقبلني
ولاتعرف الكلمه الحلوة كأني عايش مع واحد مافيها انوثه مررره
كلامها أن تكلمت حشت بخلق الله وبالحريم حقوده وحقدها للناس كرهني فيها لاترحم ولاتحن إذا ولدها اللي قطعه منها ماتحن عليه كيف بتحن علي
قلت عزايمها لأمي مانبي منها شئ اهم شئ تكون مرتاح معها
وان شاءالله تتغير
وطلعت لها فوق وكانت معصبه وقلت وش فيكم هدوا وضعكم قالت اخوك مافيه خير اخوك يقول اجمعي عفشك وانا ماني جالسه عنده ليله وحده
قلت الله يهديك أصلحي الامر وش اللي مزعله ولاتنسين بينكم طفل
وقالت لي عن السالفه انه مصحيها وقالت انه مايحبها وانها حاسه انه عايفها
قلت من ايش مايحبك الوحده لازم ووووو
وأبدا أنصحها قالت صح كلامك أن شاءالله أتغير
وتجلس شهرين ولاتغيرت أبد.. وتقوم الدنيا عليه بليله عشانه أنشغل مع أبوي وماطلعها تعشى برا وكان جايب لها عشى من برا..وهوأساسا مايقصر دايم طلعات
قال يابنت الناس بدال الليله بكره أن شاءالله أطلعك
وتطول لسانها قالت اساسا هالبيت مافيه وناسه حتى اغاني مافيه:09: وتتكلم عليه وتغلط عليه من انت عشان أحترمك!!
وتمسك الولد وتضربه عشان تقهر أخوي
الولد توه ماكمل سنه
وتاخذ مخدتها وتروح في المجلس
واليوم الثاني نامت إلى بعد المغرب يعني لافطور لاغدا لاشئ
يوم صحت من نومها مرت من عنده ماده بوزها لاسلام ولاكلام
وطفح الكيل قال اجمعي عفشك يابنت الناس ترى بكره مسافرين لأهلك وتجمع عفشها قالت اساسا انا صابره عليك عشان كلام الناس وعشان ولدي..قال إذا جالسه عشان كلام الناس لاتجلسين عندي وإذا على ولدك تراه لك إلين تدقين تقولين تعال خذ ولدك مابيه
طبعا هويقول هالكلام من ورى قلبه وهي عارفه وش كثر متعلق بولده سبحان الله من بعض الحريم تهمل الولد خاصة إذا شافت الرجال حنووون ومتعلق بولده وتلوي ذارعه بطفله تخليه ينفذ طلباتها ويصبر على اهمالها خوفا على ولده إذا طلقها بتهمل ولدي بيضيع ولدي..أخوي كان كذا لويوديها زياره اسبوعين يجلس على نار يقول أخاف يطيح يصير فيه شئ امه مهمله
المهم اليوم الثاني وداها اهلها وقال لي والله يافلانه لوأني يوم رجعت من الدوام شفتها مجهزة الغدا ولابسه ومرتبه بيتها أني ماأوديها وبسامحها حتى لوماأعتذرت عن قلة أدبها معي وبقول هذي تبي بيتها بس لقيت الحرمه مجهزة عفشها ماصدقت على الله وطول الطريق تقول طلقني..
بعد اسبوع قال انا استخرت وبرسل ورقتها مابي أعلق بنت الناس
والعوض على الله
وابوي عصب وامي زعلت وقال والله هذي انسانه خبله ولاتبي النصيحه ماقدر اعيش معها ولاأبي أرجعها عشان ولدي وأنا مابيها وأظلمها معي..نفسيتي تعبت معها كل اسبوع تزعل وتاخذ مخدتها وتروج للمجلس وتجلس اسبوع أو 3 ايام ماده بوزها ولاتسوي لي شئ وتهمل ولدها وإذا طفشت جات تتكلم معي عشان أطلعها
وغير كذا خلاص انتم صرتوا بالقائمه السوداء عندها
صارت كل يوم أمك وأمك واهلك وأهلك بدون شئ تخلق المشاكل تحب المشاكل بس أبراء لذمتي بكلمها وإذا شفت منها تحسن برجعها وأعطيها فرصه
دق عليها سلام وسؤال عن الحال قال هاه يافلانه بتغيرين وتعدلين من وضعك كان بها بجي آخذك ...رفعت صوتها عليه وقالت ماني مغيره من نفسي انت اللي تغير وانت سببت لي حاله نفسيه عشان لي اسبوعين ماطلعت..قال الأسبوع اللي قبله كنت مريض
والأسبوع الثاني أنشغلت وقلت لك بكره
وسكرت الخط في وجهه
قال خلاص مالها رجعه لي
ويجلس اسبوعين تعبانه نفسيته يقول والله ماأنام كل ليله إلا ودمعتي على خدي بسبب ولدي والغلطان اللي مايأجل الأطفال إلا إلين يعرف زوجته زين وووو...
يوم شفته هدأ قلت تكفى بطلب منك طلب أبي أكلمها لعل وعسى
قال لاتتعبين عمرك انا بكره بروح للمحكمه بطلقها
قلت بدال بكره بعد بكره ..وإذا موهذا الأسبوع فاللي بعده
ليش الإستعجال
وأتصل فيها قالت مالك دخل مابي أحد يتدخل بيني وبين زوجي
ماتدري انه بيطلقها
قلت طيب إذا أنتي راضيه بحاول أصلح بينكم أنا سمعت منه أبي أسمع منك
والله كنت أتمنى تشكي من شئ أبي أوقف معها لكن للآسف
كلامها ماله معنى
تقول ليش ماطلعني..لييييش ماطلعني ذاك اليوم واللي يشوفكم يقول أخوك معيشني ملكه مدللهـ وهوالمسكين الضعيف!!
وتتصل أمي بأمها قالت ليش ولدك بيحبس بنتي!!
قالت أمي انا اشوفهم يطلعون ويدخلون مومقصر معها
ولاعمرها شكت لي بشئ..
وتتكلم أمها كلام كثير وتدعي على اخوي كله عشان ماطلعها وكسر كلمتها ذاك اليوم..وتقول اهم شئ الراحه النفسيه وبنتي ماهي مرتاحه معه تقول إذا دخل عندي منزل راسه مايحب يناظر فيني
ودايم يتقهوى المغرب تحت عند اهله!!
قالت امي لأخوي انت كلم امها وعلمها عن بنتها.. أمها واضح ماتعرف كل شئ ..البنت مألفه الدنيا على كيفها
قال ليش أكلمها مابي أرجعها ولاأبي اتعب راسي معهم لاتحاولون هذي ماتتغير
سألت أخوي هي ليش أحسها حاقده علي قال تقول انك نجسه تبين تعلقين الولد فيك عشان إذا كبر يسمع كلامك ياالله العافيه
تصدقون هي من بعد ماجابت ولدها صارت تنزل تقهوى وترجع لبيتها طبعا بعد ماتهاوش معها على وضعها ووالله أني كنت إذا طبخت أحط لها بصحن وأوديه لها بدون حتى ماأقول لأحد لاأمي ولاغيرها كنت اعطف عليها وأحتسب الأجر فيها..
وآخر شكوى لها من أمي ..ان مرة هي واختي يناظرون في طفله حلووووة ويقولون ياحلوها شوفي عيونها ووو..قالت لهم أمي قولوا ماشاءالله...أختي قالت ماشاءالله وهي سكتت
ونسينا السالفه وأثاريها قومت الدنيا على أخوي ليش أمك تقول قولي ماشاءالله
وقبل اسبوع في الصباح دق على أمي قال يمه ترى فلانه طالق طالق طالق طالق بالثلاث ..وتجلس أمي تبكي
وكان رايح للمحكمه وقال للقاضي انا طلقتها وعطاه موعد بعد 4 ايام يستخرج الصك
ورجع للبيت وحصل أمي تبكي وحب راسها قال لاتبكين ولدي موضايع مصيره يرجع لي وهي ماتستاهل دمعه منك
وانا يوم عرفت والله انهرت لأنها هي خربت بيتها بنفسها
وعشان الطفل اللي تعلقت فيه وراح عني
وعشان اخوي ونفسيته أدري أنه متعذب عشان ولده
يوم رجعت أختي من الجامعه وأبلغها وتجلس تبكي :icon33:
وابوي عصب وتكلم على اخوي قال ليش ماصبرت يمكن تتغير والحريم كذا في البدايه ولافكرت في ولدك
صرااااحه يابنات جات في بالي اخت طليقي
وجات في بالي كل عضوه هنا أشتكت من اهل زوجها أو أنهم تسببوا عليها بالطلاق وبعضهم عندها اطفال صراااااااااااحه من أي البشر هؤلاء وقلوبهم أشك صراحه أنها حيه وتنبض
قلوووووووبهم من حجر..والله مع ان زوجة اخوي آذتني كثير ومن ورانا تحاول تقلب أخوي علينا مع اننا طيبين معها مرررره إلا أني حززززنت عليها وبكيييييت والله بكيت على طلاقها وماكان ودي انها توصل لطلاق
والله اني اتقلب على السرير كأني على جمر يوم عرفت ان نيته الطلاق ماااكنت انام..مدري كيف ذاالعالم يخربون على حريم عيالهم ويفرقون بين أطفال وأبائهم والله حرررررررام
وصراحه انا كنت أشجع الزواج من بعييييد
لكن بعد زواج اخوي مااااااااااأشجع أبدا إلا إذا أهل الولد يعرفون البنت زين مثل صديقه من زمان او جيران اما غيره فأفضل من القرابه مهما كانت عيووووووبهم..أخوي من تجربته أقوله فيه حريم يهتمون بالرجال وبالبيت ويقول بلاكذب مافيه ههههه
يوم قلت له بكتب قصته هنا ..قال أنصحيهم قولي الزوج مايبي إلا حرمه سنعه:09:..
والآن يبي يخطب وحده من بنات خالتي عمرها 33 سنة هوعمره 27 سنه يقول مستحيييل أتزوج وحده صغيره أبي وحده من الثلاثين وفيها لعل وعسى تطلع عاقله..واختار بنت خالتي يقول وحده نعرفها من صغرها ولاوحده ماندري عنها..
وسلامتكم..انتهت القصه
ياعيــــونــــهـ @yaaayonh_1
عضوة جديدة
هذا الموضوع مغلق.
أسماء
•
الله يوفقة ويرد لة ولدة بس يااختي مدري وشلون يختار بكرة بيقوول هذي كبيرة مرة مافي انسجام بينا اخطبولة وحدة من عمرة الله يوفق الجميع لما يحب ويرضا
الوف
•
الله يجبر اخوك في مصيبته ويخلف له خيرا منها
ماراح يضيع الا هالطفل المسكين
لكن الله يتولاه برحمته ويسخر له ملائكة السماء وصلاح الارض
وانت يعوضك خير
الله اعلم اين الخيرة فيه
ماراح يضيع الا هالطفل المسكين
لكن الله يتولاه برحمته ويسخر له ملائكة السماء وصلاح الارض
وانت يعوضك خير
الله اعلم اين الخيرة فيه
يالله عشت مع القصه مبين من اسلوبك وكلامك عن اخو ك انكم ناس فاهمه ومقدره هى الخسرانه صدقنى اقسم بالله امى اخطبت بنت من جماعتنا نفس اسلوب زوجة اخوك احمدو ربك اخوك انقذ نفسه اخوى متفشل من ابوها وصابر على وسخها وطولة السانها والحمدالله الى عافانا مما ابتلاهم
الله يعوض اخوك باللي تخاف الله فيه وفي اهله وانتم الى هنا وعداكم العيب وعملتم باصلكم
ونصيحه لاتاخذون لاخوكي الاوحده عينها شبعانه وبنت عز
الله ييسر امره وامور المسلمين
ونصيحه لاتاخذون لاخوكي الاوحده عينها شبعانه وبنت عز
الله ييسر امره وامور المسلمين
الصفحة الأخيرة