وجهوني الله يرضی عليكم

السلام عليكم خواتي مالي الا الله ثم انتم عطوني رأيكم من معه الحق
هل انا غلطت بشي
انا زوجه ثانيه وسبب زواجه مني الذريه ويجيني وقت اندم اني صرت زوجه 2
الحمدلله هو طيب محترم خلوق عمره ماهاني او مد ايده علي لكن زعوووووول واحس كايد بالمادة
انا طيبه تصرفاتي كأني طفله ماعمري حقد او زعلت ابد
لي 3سنوات معه ورزقني ربي طفلين تعبت نفسيا زهقت اني انجبت ورا بعض وانا اكل حبوب وهو طار من الفرح
وكلهم سبحان الله ارجع لبيتي بعد النفاس لازم مشاكل وزعل الوحده ترجع كأنها عروس تجدد كل شي وانا لا
بس يواعد لاطلعتي لبيتك اتفرغ لك نروح السوق و و وكله كلام فاضي يسحب علي
انا اتنازل ماابغی مشاكل ماابغی طلاق مره ثانيه وكله واحد ان هاوشت قال لسانك طويل وان سكت قال تحطي راسك براسي انت الخسرانه طيب وش اسوي ؟
عجزت افهم له؟
واذا وصل حده ومتضايق سواء من شغله او زوجته يفش غله فيني انتي جالسة عندي غصب
ترا الواحد يتحمل بس كل شخص له قوة تحمل وعيالي ماني متوهق فيهم (اللي فهمته انك جبتي لي عيال خلاص تحسبيني بتحملك او بتمشيني ع كيفك)لا لاطلقتك بأخذهم
والله يااشياء شفته ومواقف تحسسني اني عنده ولا شي
مثل يدخل مستشفی مااعرف الابرساله منه يتشره واروح ازوره ماكأنه صار شي واقول بخاطري مايبغی اقابل زوجته هي ابدا
ويطلع من المستشفى لعندي مادرت عنه وقت الحاجه انا جنبه ولا صار طيب ومبسوط تجنبني
طفلي الاول يوم جبته كان فيه اشكال بينه وبين زوجته يوم عرفت اني بولد تحسب العيب فيه وتزعل ويزعل علي بالنفاس ويسفرها ويراضيها من المفروض يداری شعوري
البيت الاول يتضبط ع مايبغون وانا خبط لزق وتسويف ان شاء الله لارزقني ربي سويته ومع ذلك ساكته
واذا هاوشت وزعلت قال من فلوسهم مالي دخل فيهم
انتي مادية وانتي وانتي المشكله ليتي اخذه حقي كان اقول معه حق
اهلي لانزلني عندهم يحقرني بالايام ادق مايرد ودق وكلمته رسمي قال لارحتي لأهلك قلبتي وتكلمي من غير نفس قلت اعاملك مثل ماتعاملني قال انتي الخسرانه وانتي ضعيفه شخصيه ماتعرفي تزعلي قصده ع اهلي اذا زعلتي جلستي ببيتك اسبوعين ورجعتي لهم عزي نفسك قوي شخصيك قلت مو شغلك شي راجع لي وهذولا اهلي الصراحه يتضايقوا بوجودي لا رحت طولت وانا بعد ماودي اطول وهو يبغی علاقتي بأهلي رسميه يقول مالك الا بيتك
يعني ع مدار سنه كذا شي كاسر قلبي بخاطري عجزت انساه
احس اني ولا شي بالبيت مايجلس الا ع قهوة بس يتغدا برا والعشا مثل وطول وقته مع العيال يلعب وينوم وانا كأني كنبه بالبيت لاطلعه ولاصديقات
لا وقبل يومين فتح النقاش وشاف انه غلطان وسكر النقاش طلع وانا ماقلت اللي عندي
هو ذكي عنده اسلوب الصمت والاستفزاز وانا عصبيه ولاتكلمت لساني يخرب علي وهو يتلقط الزلات
لا والمضحك قبل كم يوم يقول انا ماارتاح الا عندك بالبيت وليتي ماقلت لك اللحين بتشوفي حالك علي
والله عجزت افهم له ودي اقول كل واحد بطريق
بس عيالي
وينقهر لاقلت بعيش بسلام وبجلس منشانهم جيت رحت كله واحد يقول افتح بيت واصرف ع الفاضي
وجهوني عطوني حلول تكفووووون اعتذر علی الاطاله والكلام المكركب