وجهوني محتاجه لنصيحه

السلام عليكم ورحمة الله وبركاته

الفتره الاخيره مواضيعي صايره كثيره
عاجززه مره مره 😭
مااعرف ماقدر اخطي خطوه واسوي شي
وربي عاجزه بمعنى الكلمه
ودي اروح لاهلي ولا ارجع له واحكي لاهلي عن تعبي ومعاناتي واتخذ قراري خلاص
مع اني عارفه ان لو تكلمت بيكون هو المستفيد الحق معه لاني اغلط عليه
وودي اقعد ببيتي دامه يلبي طلباتي وموفر لي كل الي يقدر عليه وعندي شغاله
بس تعبت اعيش معاه كذا ماعاد اتحمل بعده لي
حاولت اعيش لنفسي ولعيالي واتجاهله واخف عنه واشغل نفسي
بس ماقدرت وربي اذا استمريت كلها يوم ونص وبعدها ارجع مثل اول
تعبت وتعبته معاااااي وضعنا صاير لايطاااااق
انا متدمره من جوا مو واثقه فيه ومجروحه ومكسوره كثير 💔

سنه كامله وانا انتظره يرجع حبيبي لي يرجع يحبني ويعاملني مثل اول بس راح 😭.
للامانه هو يعاملني عادي يعني مايصدر منه اي شي اذا تكلمت انا او صدر مني شي ايه يرد ويهاوش ويتكلم وكذا

بس تعبت اتحمل اعيش لحالي واتجاهله ماقدرت
تعبت من بعده عني قاعد معاي وبنفس الوقت بعيد عني مليوووون كيلو ممتر
خصوصاً اني كنت متعوده ع حبه واهتمامه ودلعه
صعبه بيوم وليله انسى كل هذا واتعود ع التجاهل والجفا

والله من سنه وانا اعااااني ومن ٦ شهور بالضبط ووضعنا للاسواء كل يوم نقاش جدال كلااام صباح وعصر وليل نننام ونصحى عموضوعنا

لما اكلمه يقول بسببك انتي بسبب افعالك اول كنت صاغط ومتحمل ولااكلمك الحين لا خلاااص تعبت وبس يحط اللوم علي وانا انا وانا

طيب اوك بس انا بعد مثلك كل الي فيني ردات فعل منك

مااادري ليش وصلنا للوضع هذا
صايره اشوف نفوره مني ملله مني
وهو ابداً ماكان كذا كان غير كان يحبني ومتعلق فيني ومغرقني دلع وحب
لدرجة وربي وربي مرت علي فتره كرهته ولاطايقته ونفرت منه ولا كنت احبه يقرب مني وهو كان عادي معاي يزعل شوي ويرضى ع طول وتحملني كثير
يقولي سكت وتحملت وقدرت والتمسك لك العذر قلت فتره ممكن تمر بشي وكذا

اخخ ياااارب مااعرف اتصرف ودي بحد يوجهني اجلس ببيتي ع راحتي ومعاي شغالتي وطلباتي الي بيقدر عليها بيوفرها لي

ولا اتخذ قراري واروح لاهي واتركه خلااص ماقدر اكمل معاه كذا ب هذا التجاهل بهذا الاسلوب بهذا الجفا والبرود
وكأنه مستغني عنده زوجه ثانيه 😭💔

والله احبه واموت فيه وماقدرت اتعود ع الجفا هذا ولاقدرت اتقبل الوضع هذا



مرات كثثثير احس الي فينا مو طبيعي
انا تعبت ومليت وهو نفس الشي تعب


مرات تجي عليه ايام ويقول ان الي فينا كله بسيط وان الي فينا كلها تفاصيل صغيره لو واحد منا يعترف فيها ويصلحها ليتغير كل شي للاحسن


ومرات لا يكبر الموضوع ويبالغ وانه تعب ومل وخلااااص بيتأخذ قرارات وبيسوي ويسوي
ومرات يرجع يهدأ 🙄 يعني حتى قراراته تكون بيتزوج ويبغى يرتاح ع الاقل بيكون عندي يوم ارتاح فيه ووو
ويقول ان الزواج هو الحل الوحيد عندي لو يجيبون حلول الدنيا كلها انا مااشوف الا هو
وفتره يهدأ ويحلف انه مايبغى الزواج الا اذا حديته ويدعي ان الله يبعده عنه ويصرفه عنه
وان انتي الي تخليني اتزوج وانتي الي تمسكيني بتصرفاتك وافعالك وانتي بيدك تخليني اروح او اقعد وووو


يعني كل مره برأي وقرار وبعدها يجي بعد فتره يقولي امزح معاك بسالفة الزواج كنت ابغى اخوفك ابغاك تتغيرين تعبت منك وانتي دايم ماتأخذين كلامي بمحمل الجد وتشوفيني اني مااقدر اسوي شي 😭😭😭
لكن خلاص والله شلته من بالي نهائياً والله يبعده عني مثل بعد المشرق والمغرب
عرفت اني الشي هذا عندك جريمه وماتتحملين
انصدمت منه ممره اقوله عيشتني قريب الشهر بالوضع هذا وشفتني تعبت وووو مو كفايه الظروف الي امر فيه وكذااا




انا مااادري وش فيه يانااااس فيه شي غررريب عرفت كل شي الا هو
مادري متورط مع احد او عنده مشكله بشي او فيه شي بينه وبين الي كان يكلمها


الله يهديه ويصلح قلبه ياارب 🥺