السلام عليكم
اخواتي والله ترددت اني اكتب مشكلتي لكن خلاص ماني قادره
انا متزوجه من 6سنوات وماعندي اطفال المشكله من زوجي وطبعا حاولنا كثير نتعالج بس الله ماكتب سوينا اطفال انابيب 4مرات وتلقيح وزوجي اخذ علاجات كثيره بس الله ماكتب لنا الحمل مع ان وضع زوجي مو مره صعب طبعا يتخلل الست سنوات هذي مشاكل من ناحية الحمل وتعرفون النفسيه بس الشاهد الله ان زوجي مو مقصر علي بشي لا في طلعات ولاتماشي ولافلوس ومحترمني ومحترم اهلي وماشاء الله محافظ على الصلاة بوقتها والصدقه ومحبوب ومعروف عنه انه رجال ماهو حق خرابيط وحق فزعات ويحب اهله مره وبار فيهم يشكل كبير ولا يتحمل زعلهم
طبعا انا عطيتكم نبذه مبسطه عن حياتنا
المشكله ان زوجي الله بلاه بالشراب يعني كل فتره والثانيه يشرب طبعا مو بشرب لحد مايسكر مره لا بس يثقل لسانه شوي وتحسينه شوي مضيع بس ماقد تمادي او مد يده او تكلم بالفاظ شينه الا اذا واجهته وصارخت عليه وصارت مشلكه
طبعا حاولت معاه مليون مره ولا في فايده يوعدني ويحلف ويرجع يشرب اخر مره قلت لأهله وكبرت السالفه واهله زعلو عليه مره وهزئوه ولاكلموه فتره وهو بغى ينهبل لانه مره متعلق باهله وحالته النفسيه مره تعبت لأنا حنا مبتعثين برا المملكه ولاقدر يروح لهم ويعتذر المهم انا ماسويت كذا الا لما طفشت منه مره وحاولت فيه قبلها ولافاد وطبعا عذره ان مايشرب الا اللي فيها 5% وانه مادام ماتأثر علي ولايتمادي ولايضرب او يسوي شي غلط خلاص هي ترويقه من فتره لفتره هذا عذره
المهم انه وعدني وخلاص وبعدين بعد فتره رجع سكت مره وتغاضيت مرات ناقشته مره وصارخت وحاولت ومافيه فايده اخرها امس كان ماخذني من صديقتي وركبت السياره وشميت ريحه قلت انت شارب وقام يصارخ انتي نكديه وانتي حقة مشاكل وماادري ايش المهم جلست اصرخ واقوله انا تحملت كثير وانت منت راضي تتغير انا ابغى الله يوفقنا في حياتنا ودراستنا ويرزقنا اطفال وانت ولاهمك المهم نزلت من السياره وتعوذت من الشيطان لاني خفت يروح يشرب زياده وارسلت له رساله كتبت الله يهديك لانه ارسل لي رساله اني متكبره واني احب النكد وانه بينام برا وبعدها ارسلت ارجع البيت ورد قال جاي تأخر رجعت ادق عليه اكثر من نص ساعه مشغول وبعدين رد قلت مين كنت تكلم قال عمي من السعوديه انا ماصدقته وقعدت اصارخ عليه قولي مين تكلم هذا مو عمك عمك 4 الفجر المهم عرفت انه راح شرب زياده لانه كان مره منتهي مايعرف وش يقول تناقشنا بصوت عالي وهددته اني بروح لاهلي واعلم اهله مره ثانيه ورحت نمت
قمت اليوم ونزلت سيارته لقيت علبة البيره وفتحت جواله لقيت رساله من وحده روسيه تساعده في البحث طبعا انا اعرفها دايم يكلمها معاي ويتكلمون عن البحث تقول له لاتكلمني الساعه 5 الفجر اذا بتشرب انا ماراح اشرب اليوم انا بنام وطبعا كاتبه اسمها لكن زوجي مخزن رقمها باسم واحد من زملاه انا دقيت من جوالي وردت وسالتها من انتي وقالت لي اسمها
بعدين رحت لزوجي وانا منهاره قلت الحين تحجز لي انا خلاص ماني قادره اتحمل الا الخيانه للدرجه هذي المهم قعد يصارخ ويقول باي حق تقتشين جوالي وانتي تبغين النكد وانتي وانتي قلت الحين تحجز لي وتلفظت عليه الفاظ قويه ورخت رتبت شنطتي وقال لي روحي مع السلامه انا مااتحمل وحده زيك شكاكه على اللي اسويه معاك لسى تشكين ولاتحترميني وبس تصارخين فضحتينا عند الجيران وراح نام مع انه عنده محاضره بس ماراح
انا حاولت احجز لي بس مافي حجز الا بعد ثلاث ايام ولااعرف اجراءت السفر ماني عارفه ايش اسوي ارسلت طبعا لامه وعلمتها السالفه لازم اوقفه عند حده وهو رمي جواله بالصاله وراح نام
بنات معليش كلامي ملخبط بس من حرتي ماادري وش اسوي والله لي 4ساعات وانا احوس وابكي ماادري وش اسوي احس لازم اسافر عشان اوقفه عند حده يايتعدل ياكل واحد في الطريق
المشكله مالي صديقات مره مقربات هنا عشان اشكيلهم مابي افضح زوجي انا مشكلتي عصبيه واذا زعلت اتلفظ ومن سالفة الحمل صايره حساسه وبس ابكي وازعل من اي شي وهو طفشان من طبعي هذا واحيان يقول انتي اللي تخليني اشرب مع انا احيانا نكون راضين ومبسوطين ويروح يشرب يعني بس يتعذر
بنات انا ماانكر اني احبه وهو بعد وكل صديقاتي منبهرين بشخصيته ومعاملته معاي يعني مو مقصر علي ابد وكريم وحنون واهلي مره يحبونه بس ذا الشراب الله يقلعه وذي الروسيه اللي ماادري وش سالفتها
بنات شورور علي تكفون هل تصرفي صحيح وهل احجز واسافر
بنات تكفون ماني ناقصه تجريح انصحوني ووجهوني تكفون
بنات دقت علي ام زوجي وقالت لي انتي طنشيه الايام هذي واحنا بنتصرف معاه بس انتي اهدي ولاتعصبين واحنا لنا تصرف قلت لها وش بتسون قالت بعدين واللي فهمته انهم ناوين يجون وشرايكم اخليهم يجون ولا لأ انا اتصرف
وزوجي الموقر تخيلو ارسل رساله كاتب فيها الله يهديك ويصلح الحال احبك
تخيلو قمة البرود
؟
وانا عارفه زوجي ماارسل كذا الا خايف لانه شافني ارتب شنطتي وهددته اني ارجع السعوديه واعلم اهله والا هو بالعاده يطنش ويزعل بالايام
بنات زوجي جاني امس واعتذر وحلف لي بالمصحف انه ماعاد يشرب مره ثانيه وهذي اول مره يحلف لي على المصحف وحلف انه ماله علاقه بالروسيه
قال يوم كنت شارب امس دقيت عليها بالغلط وقال لي انتي تعرفين انا دايم اكلمها عندك وتناقش عندك واراسلها انا وياك
طبعا انا مارضيت وقلت له خلاص طلقني انا ماعيش مع واحد مثلك ورتبت شنطتي انا كنت بأدبه هو انهبل وحاول فيني بس انا بغيت اربيه ورحت نمت وجاني الصباح ولاعطيته وجه
بس اللي خايفه منه اني علمت اهله
اخاف ينعكس الموضوع ويرجع يشرب
بنات دلوني وش اسوي
ندووو@ @ndooo_3
عضوة نشيطة
يلزم عليك تسجيل الدخول أولًا لكتابة تعليق.
الوردة السندسية
•
ماادري شقولك خيو اخاف تسافري ويتمادى اكثر ويجيب الروسية لبيتك..... واخاف اقولك اقعدي تزيد المشاكل اكبر... ليه ماتحلي ابوك او احد من اهله يجون عنده بالبيت ويكلموه.... ماحبيت اطلع من غير ماارد ان شاء الله البنات يفيدونك اكثر مني
نجديه6
•
ماادري شقولك خيو اخاف تسافري ويتمادى اكثر ويجيب الروسية لبيتك..... واخاف اقولك اقعدي تزيد المشاكل اكبر... ليه ماتحلي ابوك او احد من اهله يجون عنده بالبيت ويكلموه.... ماحبيت اطلع من غير ماارد ان شاء الله البنات يفيدونك اكثر منيماادري شقولك خيو اخاف تسافري ويتمادى اكثر ويجيب الروسية لبيتك..... واخاف اقولك اقعدي تزيد المشاكل...
شوفي ياقلبي سالفة الشرب اكيد ماحد يرضاها انتي تعوذي من ابليس وابدي صفحه جديده مع زوجك
لاتنشغلين عنه خليك دايم معاه اكيد الشرب بيكون وقت اجازته بالويك اند انتي حاولي تسوين له جو حلو في البيت
و***** الله يتعدل ولاتهددينه باهله كل الرجال مايحبون التهديد وحاولي ياقلبي تخففين من عصبيتك واقري سورة البقره
كل يوم و***** الله ربي يرزقك بالذرية الصالحه
لاتنشغلين عنه خليك دايم معاه اكيد الشرب بيكون وقت اجازته بالويك اند انتي حاولي تسوين له جو حلو في البيت
و***** الله يتعدل ولاتهددينه باهله كل الرجال مايحبون التهديد وحاولي ياقلبي تخففين من عصبيتك واقري سورة البقره
كل يوم و***** الله ربي يرزقك بالذرية الصالحه
الله يعينك ياااارب ويفرجها عليك ويهدي زوجك لطريق الصواب يااكريم
انا اخاف اقولك شي وبعدين تطلع نتائجه وخيمه ! بس انا اشوف انك انتي ادرى بوضعك هذا وبزوجك اكثر مننا كلمي اختك الكبيره او امك او اي احد عاااقل ووواااعي وخليك ببيتك الين ماتشوفين حل مع هالانسان الحكيم الي راح تحكينه السالفه وهو راح يشور عليك ياتسافرين وتشوفين لك حل او تقعدين عنده ! بس انا اقولك لاتفكرين بالطلاق ابداُ مادام ماشااءالله فيه صفات حلوه اصبري عليه وذكريه بربه دائم ولازم تاخذين لك موقف ولاتمشينها عادي لان هذا سكر ! بس لاتوصلينها للطلاق اجلسوا جلسه وديه بصوت هادي تناقشي معاه وذكريه انك تحبينه وماترضين ذا الشي له وان الله مو راضي عليه وشلون بيوفقه بحياته اذا هو يعصيه !وتكلمي بهدووء ولاتتنرفزين حاولي عشان تلقون حل ... والخ من الكلام .. والله اعلم والله يهديه يااارب ويردكم سالمين غانمين للسعوديه
انا اخاف اقولك شي وبعدين تطلع نتائجه وخيمه ! بس انا اشوف انك انتي ادرى بوضعك هذا وبزوجك اكثر مننا كلمي اختك الكبيره او امك او اي احد عاااقل ووواااعي وخليك ببيتك الين ماتشوفين حل مع هالانسان الحكيم الي راح تحكينه السالفه وهو راح يشور عليك ياتسافرين وتشوفين لك حل او تقعدين عنده ! بس انا اقولك لاتفكرين بالطلاق ابداُ مادام ماشااءالله فيه صفات حلوه اصبري عليه وذكريه بربه دائم ولازم تاخذين لك موقف ولاتمشينها عادي لان هذا سكر ! بس لاتوصلينها للطلاق اجلسوا جلسه وديه بصوت هادي تناقشي معاه وذكريه انك تحبينه وماترضين ذا الشي له وان الله مو راضي عليه وشلون بيوفقه بحياته اذا هو يعصيه !وتكلمي بهدووء ولاتتنرفزين حاولي عشان تلقون حل ... والخ من الكلام .. والله اعلم والله يهديه يااارب ويردكم سالمين غانمين للسعوديه
لا تسافرين ولا شي اجلسي مع رجلك وخلية فترة ماتكلمية لين تهدا اعصابك وكلمية بهدواء وتفاهموا بكل شي
اما انة يتعدل ويخاف الله او 000000000000000
المهم لا تروحي والدنيا مكركبة وراكي كذا لانة مارح ينصلح بالعكس خربانة خربانة
وانتي الله يهديك خذي الموضيع بحكمة يعني الرجال مهما كان يحبك ما يصير ترفعين صوتك وتصارخين هو مو ولدك
واكيد عنده مشاكل وضغوط لازم تكوني معاه
زوجك يحبك وانتي تحبية لا تخلينة وهو في حاجتك الحين اوقفي جنبة وانصحية وذكرية بالله وادعيلة
اما انة يتعدل ويخاف الله او 000000000000000
المهم لا تروحي والدنيا مكركبة وراكي كذا لانة مارح ينصلح بالعكس خربانة خربانة
وانتي الله يهديك خذي الموضيع بحكمة يعني الرجال مهما كان يحبك ما يصير ترفعين صوتك وتصارخين هو مو ولدك
واكيد عنده مشاكل وضغوط لازم تكوني معاه
زوجك يحبك وانتي تحبية لا تخلينة وهو في حاجتك الحين اوقفي جنبة وانصحية وذكرية بالله وادعيلة
ندووو@
•
مشكووووووووورين خواتي الله يريحكم مثل ماريحتوني
ماني عارفه والله مين اكلم واستشير واخاف اكلم احد وافضح زوجي والله اني منهاره مره ماادري وش اسوي
ماني عارفه والله مين اكلم واستشير واخاف اكلم احد وافضح زوجي والله اني منهاره مره ماادري وش اسوي
الصفحة الأخيرة