وجهي ضاع مني بعد طول عناء

بسم الله الرحمن الرحيم
السلام عليكم يا بنات حواء
انا بعد جهد جهيد وعناء ومعاناه ما لقيت الا اني الجأ للمنتديات هنا
لعل وعسى الاقي حل لمشكلتي
ومنه كمان البنات يستفيدو من تجربتي وما يعملو عملتي
بالبدايه انا بشرتي مش حساسه
نوعها منيح مريحني
لا حبوب ولا نمش ولا بقع ولا حساسيه للمتغيرات ولا حتى للشمس
يعني انا لا بسمر ولا بتغير لوني مهما عملت
ولون وجهي حلو الحمد لله
بيضا مش كتير بميل للشقار الخفيف
زوجي الله يصلح حاله بيحب التغيير
وانا كمان حبيت اجرب اللون الاسمر البرونزي مره على وجهي
كنت واثقه انه حيكون كتير حلو بس المشكله اني كتير سبحت بالبحر وما تغير لوني كلهم بيتغير لونهم الا انا
من يومين حطيت موضوع اللون البرونزي براسي
قولت حجيبه يعني حجيبه
رحت على البحر انا والعائله الكريمه من بدري
وفضلت اسبح واتشمس
اسبح واتشمس
طالعه نازله على البحر
من الصبح لحد الغروب
ونقعت حالي بالشمس ساعه او اكتر ونمت تحت الشمس
"" وين كان مخي مش عارفه ""
المهم :
بدأ اللون يتغير الحمد لله
صار يحمر
استبشرت خير
قولت الاحمرار بيصير سمار اكيد
وروحت على البيت ونمت
صحيت الصبح ..
ما عرفت افتح عيوني
اتفرجت على حالي بالمرايه ما عرفت حالي
ارتعبت
انا مش انا :
عيوني وجفوني منفوخه كتير ما عرفت افتحهم
والانف اعرض من كفة اليد يمكن نص شبر
وخدودي منفوخه ولا خدود نانسي عجرم
من الاخر هيك وجهي عامل زي رغيف الفينو المحمر المنفوخ
ولا فيه اي معالم
انا خفت كتير على حالي واعتكفت بالغرفه
وحاولت اخلي الاولاد ما يشوفوني بلاش يرتعبو
شكلي كان ناقصه كم من شعره طويله على الخدود ويصير شبه القطه
_بخاصه انه عيوني ملونين كمان _
طول الوقت لابسه نظارات سوده علشان اخفي جزء من وجهي
واحمرار واحساس بالحروق طول الوقت
مع انه اللون كان حلو والله
المهم انا طبعا عملت حالة طوارئ علشان انقذ ما يمكن انقاذه
جربت اللبن والعسل والجلسرين والفزلين والزيوت

ما اعطت نتيجه ملموسه كتير

اليوم راح التنفيخ الحمد لله
بس البشره حالتها بتبكي

خشنه ومكرمشه وبدأت تقشر
واحساس بالحرقان والحكه
مش عارفه شو اعمل بالزبط
يا خسارة شبابك يا موديل

كنتي عاقله وين راح عقلك لتعملي هالعمله؟؟؟
يللا يا بنات

يللا
دخيلكم
ما تبخلو عليا بأي وصفه او طريقه ترفع تقشير وخشونة البشره
اي حاجه اي كلمه
انشالله حتى كلمة مواساة انا راضيه
حالتي بتصعب على الكافر
انشالله كل وحده بترد عليا الله ما يوقعها وقعتي يا رب

وانا بوعدكم عمري ما اعيد هالعمله

وخلص راضيه بوجهي كتير
والله كان بيجنن والكل بيحسدني عليه

اوكي يا بنات

يللا
شدو حيلكم يا جيوش حواء ارجوكم