وجهي ما ليه حل !!! شنو أسوي ؟!

اي نسيت أقول
مشكلتي ايدي بعد كل جافة
وجربت استخدم فازلين زبدة الكاكاو وصار لي حوالي 3 اسابيع استخدمه مرتين في اليوم لكن تأثيره بسيط ومو واضح
واذا يوم ما حطيت لي ترجع ايدي جافة كلش ومتشققة كأنها ايد عجوز (رغم ان جسمي في بعض المناطق كلش دهني)

في لوشن او كريم تأثيره يدوم أكثر ويجيب نتيجة سريعة؟؟

و عليكم السلام .........

أختي أول شيء البشرة الدهنية بحاجة لعناية مستمرة و ما في منتج راح يخلي بشرتك (matt) طول اليوم .... و بالإضافة للعناية اليومية أنتِ بحاجة لعناية أسبوعية مكثفة باستخدام ماسك مناسب لنوع بشرتك و مقشر مناسب أيضا ...
القشور اللي في الوجه و الاحمرار سببه استخدام الرتن ايه ،،، طريقتك مناسبة أنك تستعملينه مرتين بالأسبوع لكن أتوقع مع الوقت لازم تزيدين مرات الاستخدام و ما تزيد مدة استعمالك عن الشهرين إلى ثلاثة شهور .... و إذا كنت تعانين من مشكلة نمش أو كلف أو آثار بنية فالمفروض تستخدمي معه مستحضر مبيض مثل الألدوكين ( شاوري الطبيبة قبل ) ... و بالنسبة أن تطلع لك حبوب مع استخدام الرتن ايه فهذا أمر طبيعي في بداية العلاج و ممكن يستمر لـ 6 أسابيع أو أكثر و بعدها تبدأ تخف و تنتهي لأن عادة تكون هذه الحبوب موجودة تحت الجلد ....
صابونة الأكني ايد مناسبة لمشكلة بشرتك ... إذا ما ارتحتي عليها جربي تغيري لصابونة السلفار و السلاسليك لكن تأكدي أنك تستخدميها بطريقة صحيحة و هو أنك بعد ما تحطي الرغوة على بشرتك دلكي بشرتك على خفيف بواسطة قماش ناعم و بعدها اشطفي بالماء ...
و كذلك اهتمي أنك ترطبي بشرتك بمرطب خالي من الدهون لأن أحد المشاكل أن لما تهملي ترطيب البشرة الدهنية ممكن تزيد عند كمية الدهون .... و بشكل عام في مرطبات مخصصة للبشرة الدهنية و تعمل على التحكم في إفراز الدهون ....
و استعملي ماسك مناسب مرتين في الأسبوع و مقشر خفيف ( بما أنك تستخدمي الرتن ايه ) مرة بالأسبوع ....
و اهتمي بالتغذية الصحية و شرب الماء لأنها راح تعكس على بشرتك كثير و راح تلاحظي الفرق خلال أسابيع قليلة بإذن الله ....
و هذه بعض المستحضرات اللي ممكن تساعدك بإذن الله ...
1- من فيتشي الخط المخصص للبشرة الدهنية .
2-من لانكوم خط PURE FOCUS يحتوي على غسول و تونيك و مرطب ، و من نفس الخط هناك مقشر و ماسك جيدين أيضا إن رغبتي بهما .
3-من استي لودر خط Sparkling Clean .
4-من كلينك 3-Step المخصص للبشرة الدهنية و المركبة .
5-من لوريال pure zone .
6-من أولاي Olay Clarify & Cleanse .

- العناية الأسبوعية :

- المقشر ( السكراب ، scrub , exfoliator ) :
1- من st. ives ( سانت ايفز ) مقشر المشمش .
2- من كلينك 7 Day Scrub Cream
3- من همالايا مقشر المشمش و القمح
4- من بودي شوب Seaweed Pore-Cleansing Facial Exfoliator

- الماسك :
1- من كلينك Pore Minimizer Refining Mask
2- من اليزابيث آردن Peel & Reveal Revitalizing Treatment
3- من بودي شوب Tea Tree Oil Face Mask
4- من بودي شوب Blue Corn 3 in 1 Deep Cleansing Scrub Mask
5- من سانت ايفز peel off hydroxyl masque

و طبعا لا تنسي واقي الشمس ،،، ممكن تجربي من أفين Extreme sunscreen cream SPF 50 بس تأكدي أنه النوع المخصص للبشرة الدهنية و المركبة ....

بالنسبة لليد ضروري ترطبيها بعد كل مرة تغسليها .... و بالليل قبل النوم اهتمي بترطيبها جيدا و ممكن تجربي هالطريقة أنك تحطي كمية كبيرة من المرطب على يدك و تخليه كقناع لمدة 15 دقيقة و بعدها امسحي الفائض بمنديل .... كريمات فازلين ممتازة بشكل عام و ممكن تجربي نيتروجينا أو نيفيا ....

مشكوورة اختي على ردج
جزاج الله الف خير
مع الاسف الوقت مضايقني وماقدر ارد الحين بخصوص البرنامج في امور نسيت اذكرها ونبهتيني ليها
بحاول ارجع عقب الصلاة واذا ما صار مجال بالمغرب لان الرد شوي ياخذ وقت

الظاهر انك قاسية شوي على بشرتك عشان كذا تطلع لك قشور بس انا ما فهمت انتي فيكي حبوب ولا بس نمش
شوفي انا حست زيك حووووسة كل ماغسل وجهي ماتمر دقايق الا وكلي مدهنة كاني معصرة زيوت
المهم انا استعمل غسول نتروجينا فيزبلي كلير 2في 1 بعدين جربت احط بعد غسل الوجه ماء ورد.. ما شاء الله صارت بشرتي ناشفة وناعمة مرررة وكل ما حسيتها دهنت احط مويا ورد احيانا بقطنة واحيانا اكبها في يدي وامسح بس من جد شي رووووعة يعني انا ما خليت تونك ولا كريم ولاشي عشان الدهون بس ماء الورد حل المشكلة
وصدقيني يعني شي بسيييط وما يخذ منك وقت وحتشوفي النتيجة من اول اسبوع..
وحبيت افديك كمان ترى صابونة كلين اند كلير للنقط السوداء مو حلوه بس العادية مررررة ممتازة واتمنى اكون افدتك

مرحبا..
بصراحة بالنسبة للقشور اللي في وجهي، مو متأكدة انها من الرتن ايه
لاني قبل حوالي 6 شهور استخدمت غسول الهيمالايا للبشرة الدهنية وبعد كانت نفس المشكلة قشور واحمرار على سواد في الجلد وكان نفس المحروق، رغم اني ما كنت استخدم وياه مقشر..
بس يجوز بعد من المقشر لاني احط طبقة كثيفة والدكتورة وصتني ما اكثر من كميته..
ومن صرت استخدمه يوميا بدات المشكلة
لكن نفس الوقت احيانا اقول مو منه لان تحت عيوني ما احط مقشر وبعد كلها قشور.. مو عارفة شنو السبب !

أول ما استخدمت رتن ايه استخدمته 3 مرات في الاسبوع، وعقبها على مرة في الاسبوع أو مرتين
وكنت استخدم صابونة الكبريت و كرتونها اخضر وما كنت اعاني من القشور ولا الحروق في الوجه
بس عقب ما اغسل وجهي بحوالي 40/45 دقيقة يرجع الدهن في وجهي

وقبل حوالي 3 اسابيع، كان عندي موعد عند الدكتورة وسالتني اذا طلع لي حبوب بسبب رتن ايه او لا، وانا الهبلة نسيت وقلت ليها ما طلع لي، هو طلع لي حبوب بس صغار فراح عن بالي هذا الشي.. وقالت لي بما ان بشرتي مو حساسة فعادي استخدمه يوميا، ووصتني استخدم صابونة Acne Aid
بس انا كنت استخدم البابايا وهي كانت اوكي في البداية، حسيتها افضل من الكبريت
بس من كثرت من رتن ايه واجهتني مشكلة الحروق
وبدلتها الحين صرت استخدم اسن مادري اكن ايد، والمشكلة قلت لكنها لا زالت موجودة، واذا اقعد في مكان بارد ما يطلع لي دهون بسرعة، واذا في مكان حار ما تصير ربع ساعة الا منطقة الخشم والخدود والجبين كلها دهن طبقات سميكة وتحت وجهي قشور !! احيانا احس الكبريت احسن منها رغم ان الدكتورة قالت acne aid مفعولها أقوى، وفي اوقات اقول يمكن من الحر لانه زايد هالايام


قبل لا اتعالج عند الدكتورة، استخدمت مقشر ستيفز بالمشمش مرة وحدة بس ما واظبت عليه
وقلت للدكتورة بستخدمه قالت لي لا تستخدمين مقشر ثاني غير رتن ايه

والواقي قالت لي استخدم E-Go
SPF + 30
بس في الموعد الثاني قالت لي اتركه عشان تعرف تحدد العلاج اللي تعطيني اياه اوكي أو لا

عندي سؤال غبي
شالفرق بين المقشر والماسك؟
قبل لا ابدا العلاج عند الدكتورة
مرة بغيت مقشر ستيفز بلمشمش بس ما لقيت واشتريت ماسك ستيفز بالتفاح واستخدمته مرة
وعقب حصلت مقشر المشمش في مكان ثاني وشريته واستخدمته مرة
وعقبها ما واظبت عليهم
والحين ما استخدمهم لان الدكتورة وصتني ماستخدم شي غير الاشياء اللي عطتني اياها

في تكملة للرد، برجع وقت ثاني لاني الحين مو بالبيت وبضطر اقوم من عالكمبيوتر..