عزيزتي DESTINY .. اسمحيلي قمت انشر موضوعج بوضع رابط الموضوع لأي استفسار عن خلطات للتفتيح او اي شي يتعلق بالبشره.. بس صدق لأنه موضوعج يستاهل انه الكل يقراه ويستفيد منه بالذات الجدد في المنتدى :)




وسسلامي ...

أنا استخدم الخلطة من 5 أيام ونتائجها رائعة واليوم داومت وربيعاتي قالوا لي محلوه ومبيضه
مشكوره عزيزتي distiny

مشكوره الغاليه على ردج ..

بس عندي سؤال؟؟

اليوم لي رابع يوم احط فيه الكريم .. بس يوم أبغي أطلع احط كريم فيرآند لافلي وبودر

ويوم أرد البيت .. حوالي ساعتين مب أكثر أغسل ويهي.. ؟؟ عادي ولا هذا الشي يأثر؟؟

واذا استخدمت مقشرللويه عادي؟؟

أتريا ردج بفارغ الصبر

ربي يجازيج كل خير ان شاء الله ويرزقج بزوج صالح يارب

NoOor_AD // هههههههههه عفية على الشطووووره ---شوفي حياتي الكمية تكفي لشهر بعد مو يوم واحد :) وماي الورد حلو بس لماينشف يجفف انا مجربته لكن من الشمس والحرارة بشرتج ترطبت بفضل الخلطة لانها تظل تحت البشره مفعولها ساري من جذي انا اقولكم لاتستخدمون كريمات ثانية تخرب مفعولها --لانه كلشي لاحقين عليه ياقلبي فلا تستعجلون وتقطعونهاوترتردون مره ثانية جذي انتو تظلمون بشرتكم والله حراااااااااااام ---وبعدين بالنسبة لنقل الموضوع بالرابط كامل ماعندي اي مانع وجزاج الله الف خير خلي الناس تستفيد مثلنا --وانا دخلت اكثر من منتدى وشفت النقل وبالعكس يشهد الله اني فرحت --- وعليهم بالعافية :27:
والمقادير هذي : اربع ملاعق وسط كريم سودو او 2 ملعقة الاكل الكبيره كريم سودو
ملعقتين وسط فكس
( ممسوحين من فوق شوي عشان في بنات يزعجهم )
ونص فنجان زيت لوز الحلو
( والي ماترتاح للحلو تحط مر بس الافضل الحلو لاني هذا الي متأكده منه )
واذا حسيتي انها ثقيله خففيها بزيت اللوز الحلو او المر شوي


nalooo // :) علييييييييييج بالعافية واستمري عليها واعتبريها حماية للبشره


moon321 // حياتي لاتخربطين بالكريمات والسوالف؟ اول صفي بشرتج وهذا يعتبر علاج ترا مو خلطة جمالية بس ؟؟ انتي قمتي تتعبين بشرتج وكلشوي مفاجأتها بكريم ارحمييييييييييييييييها يامره :) خلج عليها لين تنظف بشرتج وترد اهي بنفسها تعالجها وبعدين الظاهر زيت اللوز المر ماناسبج لانه ثقيل وانا ياما قلت زيت اللوز الحلو يابنات ؟؟؟ لانه معروف للبشره خفيف والثاني ثقيل -- انا اقول غيري عشان ويهج يرتاح لانه ميزة اللوز الحلو يخفف اي هيجان بالبشره وبالذات الحبوب يهديها بسرعه -- وخلي الخلطة لجسمج لانه زيت اللوز المر رووووعه للجسم (( ماترميش حاجه انا بقوللك اهو ؟؟ --- كلو كويس وينفع هههههه ))



عفااااري // :( لاااااااااااااا يقلبي يأثر لانه فير اند لوفلي اساسا موزين يدخل في تركيبته مادة الزرنيخ وهذي مثل الزئبق سامه الله يهديج ؟؟؟ انا عندي تستخدمين بيبي جونسون ولا فير اند لفلي --- والله ضيقتي خلقي ؟؟؟ وحبيبتي التقشير بالعكس حلو وخلج مواظبة على التقشير والخلطة بس ياحياتي عشان ترتاح بشرتج واظبي على الخلطه بس --- ومشكورة على الدعاء وربي يتقبل منج يارب

وتحياتي للجميع


:39:

الله يسعدك دنيا وآخره ويوفقك مثل ماحبيتي تسعدين غيرك

بسألك اذا ماعندك مانع قبل لا احط الخلطه هاذي عادي اسوي بخار لوجهي وبعدين امسحه بليمون واغسله بعدين احط الخلطه ولا بس اغسل وجهي واحط الخلطه
او تنصحيني بصابونة البابايا افضل ؟!!

وشكراً مقدماً