السلام عليكم ورحمة الله وبركاته
صلوا على نبينا محمد
اللهم صلي وسلم وبارك عليه وعلى آله الكرام
شوفوا ياطويلات العمر بدون مقدمات
قريت البارحة خلطة صغيرونة بمنتدى شغيغ ودي اقول اسمه للأمانة بس اخاف ممنوع
المهم تقول سنفرة للوجه تشيل الشعر والوبر والقشور وتخليه يلق ويبرق
المهم وتجيني الطيبة قبل شوي وانفض عني جلباب الرفالة :09: واروح اسويها
والله يابنات وش نعومة وش طراوة وش تفتيح من اول استخدام
ولا شعر ولا قشور ماغير طراوة وتورد >> اصبروا ابشوف بالمراية وارجع اوصف لكم :42:
رجعت بنات الحمد لله مافيه حساسية ولا احمرار ولاشي >> خايفة بشرتي حساسة بقوة :09:
نجي للسنفرة
عبارة عن عسل وطحين
اول شي تحطين على وجهك ورقبتك عسل وتتركينه ربع ساعة
وبعدها حطي على اصابعك طحين وابدي افركي بحركات دائرية وحطي طحين وافركي
ثواني وتحسين وجهك يتزحلق مثل السيراميك ماشاء الله تبارك الله :icon28:
عاد قلت بقولها لخواتي حبيبات قليبي الحوائيات بلكي احصل منهن دعوه طيبة قبل رمضان
ادعوا لي يتحقق اللي في بالي واتوفق بحياتي يارب العالمين
استغفر الله واتوب اليه :26:
يلزم عليك تسجيل الدخول أولًا لكتابة تعليق.
الصفحة الأخيرة
والله يوفقك ويرزقك