هالايام رجعت بيتي وباقي ماستقريت كويس
يادوب تنفيخ وتكنيس. وترتيب واكل خفيف خفيف
وسريع😭😭
كلها اسبوع ونبدا بالطبخ الجامد والترتيب التصوير الكوويس
اعذروني اليووم ع التصوير. حبيت اشارك لكم بعد الغيبه لو بشي بسيط
اليووم طبختنا سمك فيليه بالفرن
وخضار بالفرن
مقادير :
فيليه سمك
بصل شرايح
فلفل رومي شرايح
فص ثوم كبير مدقوق
كزبره
ابازير سمك واكليل الجبل
ملح
صوص صويا ملعقه صغيره
ليمون شوي
زيت زيتون
نجي للطريقه مرا سهله
نتبل الفيليه بابازير السمك والملح واكليل الجبل وزيت زيتون
نجيب صينيه ونحط شرايح البصل. ونحط السمك فوقهاا
وبنفس الصحن اللي تبلنا فيه السمك نضيف الليمون وكزبره مفرومه ناعم والثوم صوص الصويا وملعقتين كبيره مويه ونقلبهاا ونضيفهاا ع الصينيه
وبعدين نزينهاا بالفلفل الرومي الشرايح
وندخلها الفرن نص ساعه او الين ماتشوفيهاا استوت. ونحمرها من فوق شوي وبس
الخضار نتبلها بزيت زيتون وبهارات الايطاليه وباربيكا ونحطها بصينيه وندخلها بالفرن ويكون الشبك بعيد لمده ربع ساعه
ونقدمها مع رز ابيض وسلطه
وهنا وعاافيه عليكم ياارب
مبدعه كما عهدناك تسلم الايادي