هلا بنات
ما اطول عليكم فيه وحده معي
بالنادي ماشاء الله تبارك الله ولا حول ولا قوة إلا بالله
كبيره مو صغيره يعني
عمرها تقريباً وسط الثلاثينات
قريب من الأربعينات<<< يقالي حزرت عمرها بس من سواليف حسيت هذا عمرها
المهم تعرفون بالنادي ماحد يحط ميك اب وهي ماشاء الله كم مره تجي وتتمرن وتاخذ شور وبشرتها
تلمع وصافيه ماشاء الله
هي إلي كانت معطيتني وجه اول وتسولف معي ..يعني ماقطيت وجهي عليها
قلت يافلانه ماشاء الله تبارك الله بشرتك حلوه مرره مرره الله يحفظك
قالت ياحبيبتي أنا كل يوم اسوي لها جدول يومي واحد
قلت وانا عيوني وقلبي ينطنط من مكانه بس شكلي من برا ريلاكس<<< لا تخافون مافشلتكم
قالت انا قبل لا اودي عيالي المدرسه اقوم الصبح أحط كريم النهار من لوريال
وبعدها اودي عيالي المدرسه
وإذا رجعت
أحط على وجهي مقشر أحماض الفواكة من DDF
وقبل لا اروح اجيب عيالي من المدرسه اغسل وجهي بغسول لوريال
وأرطبه بكريم النهار <<<<من لوريال
وقبل لا انام ... احط كريم محيط العين وكريم الليل ...طوط طووط
من لوريال
قلت يووه كل يوم تقشرين بشرتك
قالت ايه بس ما اخليه يطول وو قبل لا اطلع اجيب عيالي اغسل وجهي علشاني راح اتعرض لشمس
صراحه الحرمه اقنعتني بنظامهاا
لكن للأمانه توها قايله لي حتى توني مارحت اشتريت العده لووول >>مخيم داخله
بس بخاطري أعلمكم ان شاء الله تستفيدون منهااا
