وحدها تعيسها

امانه ردو علي

حبيبتي اسال الله العظيم انه يفرج همك
1 الامانه شرك لا تقولي امانه يالغاليه
2 حبيبتي لازم تاخذي دورات تثقفي نفسك تخرجي تشوفي المجتمع حولك اما تجلسي لوحدك هذا اكبر مرض نفسي والله راح تتعبي اطلعي شوفي الدنيا

كل عام وانتي بخير ياحلاها

مافيك الا العافيه بس كل هذا من الفراغ لاتعطين نفسك فرصه لتفكير والهواجس

لاتفكرين واجد تتعبي اكثر اذا خلصتي اشغالك افتحي القران واقري حتى تنامي

ولا تفكري ابد التفكيير الكثير متعب ويتعب الاعصاب جربي اقري قران واستغفري

الف مره صدقيني كل هالوسواس راح يروح وتحسين براحه نفسيه وسعاده القران والاستغفار

الكثير يزيد ثقتك بنفسك اشغلي تفكيرك بحاجه مفيده تابعي برنامج افتحي النت واقري حاجه

جمعي طبخات من النت وطبقيها


وربنا سبحانه وتعالى خلقنا للعباده فاخلصي بعبادتك لله واتركي عنك التفكير بالبشر صدقيني

ياغاليه البعد عن الناس غنيمه وش تبغي بالعلاقات الاجتماعيه كلها مجاملات ومتعبه وقليل

تلاقي الصادق والمخلص في محبته

وماشاالله تبارك الرحمن كفايه عليك تسمعين صوت اغلى الناس ابوك وامك الله يحفظهم ويخليهم لك

وعيالك وزوجك ماشاالله من في وضعك تعيش بسعاده ان ربنا منعم عليها بالصحه هي واهلها

سولفي مع اعيالك وزوجك كوني صديقتهم بتعيشي احلا صداقه


اجتهدي بزيارة صلة الرحم لاتقطعيهم في المناسبات والاعياد ودايم زوريهم واكيد راح يردون

الزياره لك ومن تكرهك ربنا حسيبها واحيانا" بعض الناس تنقل كلام يكون غير صحيح واذا صحيح

تكرهك تجاهليها ولا تعبريها ولاتفكرين فيها لان هذا الي تبغاه تنكد عليك


ودام الناس يمدحون ذوقك مافي مشكله اشتري ماترتاحي في لبسه ويعجبك ولا عليك من الناس

والنت عندك كل شي موجود شوفي وش الموضه والجديد واشتريه اذا ناسبك


وياشيخه تقولي انا وحيده وحنا وين رحنا كلنا خواتك فضفضي وباذن الله نساعدك

وكل عام وانتي بخير

مرحبا بكل الحلا
شوفي ياقمر وانا اقراء موضوعك حسيتك مره متلخبطه وكأنك في دوامه افكارك مو مرتبه .
وما انتي عارفه اساس المشكله فين بالضبط !!
بحاول اول شي ارتب مشكلتك بتقاط على حسب مافهمت من سردك :
- اول مشكله ماعندك ثقه بنفسك ( على حسب كلامك ) / وماني عارفه ليش تحسي بكذا رغم انو باين من كلامك انك ماشاء الله عليك متعلمه
ومثقفه وباين زوجك يحبك لانك قلتي يغار عليك والغيره دليل الحب .
- ثاني شي إحساسك بالوحده ،/ انو ماعندك صديقات ولا قريبات تفكي معاهم شوي وتطلعي من جو البيت والمسؤليات والقرف .
- ثالث شي حساسيتك الزايده وخوفك وترددك في الحوار والنقاش مع اي احد من الناس .
هذي النقاط يلي لمستها من خلال كلامك وعلى اساسها راح اقولك وجهة نظري .
انتي قلتي :

ثلاث ارباع مشاكلك واحاسيسك الداخليه المزعجه يلي تحسي فيها سببها الفراااااغ
على قولك جالسه بالبيت وتفكري وتوسوسي / انتي كذا جالسه ترسلي رسائل سلبيه لعقلك الباطني
انا ضعيفه / انا مااثق بنفسي / انا وحيده و انا وانا .... الخ ،
مشكلتك تتمحور في ذاتك ، انتي لازم تملي وقتك وماتكوني سلبيه
في البدايه لازم تشتغلي على نفسك كثير ، يعني تحاوري مع نفسك ،
ليش انا ما اثق بنفسي ؟
وش اللي ناقصني عن غيري ؟
ليش انا رداة فعلي ضعيفه وسلبيه في وقت احتاج اكون قويه ؟
انتي ياختي لازم تدعمي نفسك قبل الكل وقبل اي احد
قوي ثقتك بنفسك ، اقري كتب عن تطوير الذات والثقه بالنفس
ترى اهم خطوه علشان تتقدمين للافضل في حياتك هي ثقتك بنفسك .
لاتتساهلي فيها كثير ،
غيري في شكلك ، حتى لو كنتي حلوه ، التجديد حلو ويريح النفسيه
اكسري روتين يومك ، مثلا غيري شي في بيتك ، غيري طريقة كلامك مع زوجك
خليك مرحه فرفوشه ، انعشي جوكم ، لاتقولين مانحب الطلعات وماعندتا شي نسولف فيه
لااا ، خليك ايجابيه ، اقري لك كم موضوع او نكته او موقف او خبر في النت
واطلعي مع زوجك وقوليها له وتناقشي معه في موقف معين مثلا
خلي لك وجة نظر ، وتعلمي فن الحوار
خلي جلساتك من النوع اللي ماينمل منه .
جربي كل هذا في زوجك اولاً وبعدين ابدي في محيطك الخارجي .
شوي شوي راح تلاقي نفسك ماتسكتين باي جمعه والناس حواليك مثل الرز
الناس تحب تحتك بـ الشخصيه الحيويه اللي تنعشهم
بكل مناسبه سولفي واضحكي واكلي الجو ، وهذا اصلا راح يعكس ثقتك بنفسك
لا أقول لك ان هذا سهل لكنه ليس مستحيل
المهم هو التصميم والتكرار حتى لو تعرضتي لمواقف قد تعيقك لاتيأسي بل استمري ..
اولا حاول الاختلاط بالاقرب اليك بوالدتك قريباتك صديقاتك
ولاحظي مالذي يجذبهم من احاديث وتطرقي لها وحاولي الاندماج والاستمتاع من خلال اضفاء رأيك بالموضوعات المطروحه .
ثاني شي : صديقاتك
لاتنتظري منهم شي لانهم اكيد يقولون مشغوله بحياتها واطفالها مانحب نثقل عليها او من هذا القيبل
بادري انتي ، ايوه باااااادري ، اتصلي على صديقاتك
اسألي عنهم ، تواعدي معاهم واتفقو تتقابلو ، رجعي المياه لمجاريها
اكسري الوحده يلي حابسه نفسك فيها ، اطلعي من قوقعتها ، لاتصيري منغلقه على نفسك وبعدين تقولي انا وحيده
احنا مافينا نساعدك / انتي الوحيده يلي بيدك تساعدي حالك .
كوني اجتماعيه ، مرحه ، مشعه ، تغرين كل من حولك انه يختلط معك .
لاتحصرين نفسك في بيتك وزوجك وبسس
لا اطلعي من هالدائره شوي . سجلي في معاهد ، ادخلي نادي ، خذي دورات في اي شي ، التحقي بحلقات تحفيظ وذكر , او اعمال تطوعية ,
راح يكون المجال اوسع وأرقى بإنك تقابلي اصدقاء صالحين وراقين جداً

اختلطي بالعالم وشوي شوي راح تطلعين من جو الوحده والفراغ .
وليش تشوفي الطيبه ضعف !!
بالعكس هذي صفه حميده بس اعرفي مين يستحقها
يعني مو صالحه تتعاملي فيها مع للكل ، لا ، ناس وناس
اما الخوف شعور طبيعي عند الكل
و كل أنسان يستجيب لهذا الشعور بطريقه مختلفه
عززي ثقتك بنفسك و بقدراتك
وتغلبي على الأفكار الخاطئه إللي تسيطرك عليك والرسائل السلبيه يلي ترسليها لعقلك الباطن غيريها
وربي يريح بالك ويسعدك
و اتمنى اكون افدتك ياقمر :)

الله يسعدك ويبعد عنك كل هم تقولين انو نفسيتك مش ولا بد هاذا وانتي عند اهلك وحبايبك وقرايبك الله لا يغير عليك اجل انا وش اقول عن نفسي والله العظيم اني ساكنه في منطقة ما اعرف فيها احد لا اهل ولا قرايب ولا حتى احد من جماعتي بس انا اذا حسيت اني متضايقة مره والله على طول على النت اشغل القران واحس بعده براحة عجيبة ولا ننسى عالمنا الحبيب حواء
تصدقين اذا دخلت الاسريه وشفت المشاكل اللي يكتبونها الاخوات احمد ربي على اللي انا فيه مليون مرة
المهم انتي تعرفي على الجيران اللي حواليك بيتغير وضعك شوي سجلي في اي معهد لغة او حاسب المهم تطلعين من البيت وتحتكين في الناس وارجع اقولك الله يبعد عنك كل هم وضيقة دمتي بحفظ الله.....