والله ما أدري بس أنا علقت حسب معرفتي بمن حولي ومن كلام البنات أيام الدراسة لأن كلهم بنات عسكر

زمان كان تقبل الكلية الامنيه ماعندهم الاثانوي ويدرسون بالكلية الامنية 3 سنوات ويصيرون ظباط

وكانت تقبل جامعيين بعد الجامعة يدرسون سنه في الكلية الامنيه ويصير ظابط

بس الحين لا خلاص بس صارت للجامعيين

اما اللي ماعنده الا متوسط او ثانوي ويدخل العسكريه وياخذ دورة يصير فرد يعني جندي او جندي اول ويترقى وبالنسبة لرواتبهم فهي قليلة ووضعهم المادي سيء الغالب فيهم

اما الظباط رواتبهم عاليه وهم اللي يمسكون المناصب العاليه وترقياتهم ودرواتهم مره ممتازه ممكن يوصلون عميد ولواء وهالرتبه العالية

ايه صح فيه ناس جامعين بعد الجامعة ماتقبلهم الكلية الامنية لان نسبهم وتقاديرهم مو زينه فيدخلون دورات مع الافراد ويتخرجون برتبة وكيل رقيب
رواتبهم حلوه ومع الترقيات يصيرون ظباط

بشرح لك

اللي يتخرج من الكليه الامنيه على طول يتعين ملازم و بعدين يطلع للرتب الاعلى

و طبعا تاخذ وقت طويل

و اما اللي اقل من الملازم هذول ما دخلوا الكليه

لكن ممكن يكون معهم بكالوريوس من اي جامعه او متوسط او ثانوي

حسب المكان الشاغر اللي قدموا عليه

فاول ما يبدئون برتبة جندي

و الجند انواع منهم حرس الامن و المراسلين و الطباخين و الخفارات حسب كل قطاع انضموا له

و طبعا اوضاعهم افضل من القطاع الخاص لانهم يبدون من راتب 4500

و بعدين عندهم زيادات سنويه و بدل سكن و بدلات معرفها و

غير المنح و المكافئات و مكافئات الاعياد و رمضان

و بعدين يبدئون يترقون في السلك الوظيفي جندي - جندي اول - عريف وانتي طالعه

بس ما يلحقون على خريجي الكليه الامنيه

يعني ممكن يكون جندي وهو حامل بكالوريوس بس شهاده ما خدمته

كيف يلتحق بالعسكريه :

يتابع الاعلانات وقت اعلان الوظايف

الشروط شهاده مو اقل من المتوسط

الطول مو اقل من 168 وزن مناسب للطول

سليم من الاعاقات و الامراض

سجله بالشرطه بدون سوابق

ويقدم ملفه وهو ونصيبه

غالبا تتدخل فيها الواسطات بقووووه وخاصة عند توزيع الاماكن

كيف تسجلين بالكليه الامنيه او كليه الملك خالد السكريه :

شهادة ثانويه علمي بنسبه لا تقل عن 85

حسن سيره و سلوك

سجل خالي من السوابق

سليم من الاعاقات و الامراض

الطول مو اقل من 168 و وزن مناسب للطول

و يقدم و عند المفاضله تظهر الاسماء كمان تتدخل الواسطه في القبول

الجامعيين كيف يسجلون :

شهادة جامعيه بتخصص علمي مثل هندسه

معدل مو اقل من جيد جدا

مع الشروط اعلاه من حيث الطول و الوزن و السيره و السلوك و الجنايات

هذي الفئه نادرا تتدخل فيها الواسطات لان شهاداتهم عاليه


وهنا معلومه مهمه في القبول وهي اسم القبيله :

لا يتم قبول عدد كبير من نفس القبيله حتى وان كانت شهاداتهم و بياناتهم

افضل من غيرهم لانه في العسكريه و الجيش وكل ابو شي عسكري

عندهم قاعده تمشي عليها كل القطاعات وهي التنويع في المقبولين من حيث

القبيله و الحظ الاوفر للقبيله اللي عدد افرادها قليل بالقطاعات العسكريه

يعني لو في تقديم و تقدموا مثلا 100 عتيبي و كلهم شهادات و طول و كل ابو شي زين

يقبلون ٢٠ منهم و الباقي من القبايل الاخرى حتى لو كانوا اقل منهم في المميزات

ليش ؟؟؟

انا اعرف ليش بس خلي اللغز عندكم حلوه :)