وحده تقول: بنتي متمرده(تبكي) سوت اللي محد سواه من خواتها ومافي فايده

السلام عليكم
يابنات ابي من خبراتكم حل لبنت هذي حكايتها
الام عندها بنات كثير تقول محد غلط واذا غلطوا يابنت وش هالحركات وش انت تسوين وتزعل عليهم كم يوم وانتهى الموضوع ياماما انا اسفه وخلاص
هذي تقول غيييييير من يوم ان عمرها 11 او 12سنه وهي ماخذه رقم واحد اكبر منها بشوي وتكلمه من تلفون الشغاله حتى من تلفون امها مسمسه رقم الولد باسم بنت (تخيلوا جراتها) ويسالها انت على السرير انت وش لابسه؟؟؟(طبعا اعترفت لانها كانت صغيره ) وتقوله ان امي ماتهتم فيني بس تهتم بخواتي الكبار ؟؟؟ مع انها طفله اكيد بتهتم فيها هذي هي البدايه
كبرت البنت وهي تغلط مدلعه اخر دلع ماهي محكوره ابدا لاب توب واي بود وكميرات وتصوير وموبايل وماركات من كل شي تيشرتات اكسسورات حتى في البيت تلبسهم (طبعا محد قدر عليها لازم تسوي كذا والا تعصب وفي اي مناسبه سواء صغيره او كبيره او حتى جمعه عائليه عند المشغل استشوار وتركيب اظافرفي اليدين والارجل ومناكير احمر) من عمرها 15
اختها الكبيره حاسه ان البنت مو مضبوطه وتهاوشت مرات كثير مع ابوها وامها بسبب هالمراهقه اهلها يقولون لا تتدخلين احنا اهلها ونربيها ماعليك
جت مشكله الانتر نت خرب لاب توبها جابت جهاز كمبيوتر وحطته صحيح في الصاله لكن في مكان محد يجيها فيه اطلاقا وكل ماقالت لها امها يابنيتي تعالي معنا وش تسوين قالت اشوف فيلم على الكمبيوتر اختها الكبيره تقول والله اسمع المسنجر يعني هالبنت كذب على اصووووول وبدون خوف\
اكثر من مره يحرموها من الجوال بسبب مكالمات ؟؟ مع ذلك تجيب جوالات من برا
طبعا سببت لامها مشاكل مع قريبتها بسبب ولدهم لان البنت كانت تعرفه وتستهبل تجي لامها تقول يبيني ارجع له صديقتي تقول انه يبيك جت امها وتهاوشت مع الناس ابعدوا ولدكم عننا
بعدها بفتره بسيطه تهاوشت مع امها ليش ماتعطوني الجوال ليش لازم احد يوديني ويجيبني من المدرسه قالت لها امها انا احميك من نفسك قالت والله لو ماوثقتوا فيني والله لا انتحر والله لاافضحكم
وبالمناسبه اكثر من مره تاخذ حبوب بداعي الانتحار؟؟؟؟؟؟؟؟
وتستهر في امها وتناظرها نظرات المهم في هذاك اليوم سحبت تلفون البيت وراحت لمكان في البيت وكلمت منه وبعدها طلعت من البيت وامها تطل من الشباك وقالت البنت لامها من الحوش شفتي والله لا افضحكم؟؟؟؟؟؟؟؟(والله امها فيها صبر غير طبيعي) طلعت البنت من البيت امها تقول انا قلت لالا بس بتخوفني متخبيه من هنا والا من هنا الام كلمت ابوها وقالت بنتك طلعت الابو عصب على الام ومسك الطريق راجع من عمله الام طلعت مع سواقها تدور على البنت شافتها بالصدفه تركب مع ولد؟؟؟؟؟يابنات البنت عمرها 17سنه المهم البنت رجعت للبيت مااعرف كيف ضربوها ضرب ضرب ضرب لكن مافي فايده لو تدرون وش تقول لابوها(تقول انا مااستغني عن المكالمات انا على الاقل لازم اكلم مره في الاسبوع؟؟؟؟؟؟؟؟؟؟؟؟
الابو بعد الضرب فكر مع نفسه قال انا بصير هادي عشان تقول له كل شي
يابنات اهلها مره تعبانين وش الحل برايكم؟؟؟