*&شموخ&*
•
انا اشوف تصرفها صح وسليم وماغلطت في شي واللي يقولون زمان ماكان كذاومادري ايش انا معكم في هالنقطه بس الزمن تغيروصار يخوف اول كان في امان والكل يعرف بعض كانهم عايله وحده بس اللحين كثرت الفتن والجرايم وكل شويه جيران جدد والبنت تقول عندها اطفال وزوجها موفي وش حيلتها لوكانت حراميه ومعها عصابه هي ماقصرت حاولت معها تفهم وش تبي ومادام ماقالت وش تبغى تستاهل لانها تعرف كثرت الجرايم والواحد لازم يحرص فكان من الاولى انها تقولها وخلاص
جتني وحده في بيتي القديم ةنفس الشي وطلعت تبي فلوس واعطيتها الي اقدر عليها بس طلعت عينها على الدبله قلت والله لو تفحط ما اعطيها صارت تقلي انتي عندك دهب بيدك وانا بناتي ماعندهم شي قلت معلش يا خاله ماعندي غيره وزوجي مايرضى افرط فيه
الصفحة الأخيرة
قبل رمضان كنت عند اهلي في جدة وكان باب حوشهم مفتوح شوي والباب حق الشقه يدق فتحت امي ولاهي حرمه قدامها حجابها كامل ساتر المهم دخلت قالت انا جارتكم وقعدت تشكي ونفس الكلام الايجار وانا ارمله وعيالي ولسانها يازينه عليها كلام مصقول صقل عجيب قلنا ماعرفناك وين ساكنين وتأشر هنا هنا قلنا وش يقال لكم ؟ قالت بيت العطوي المهم اخذت المقسوم والله يكتب لنا فيها صدقه ان شاء الله بس شكينا فيها لمن جت تطلع من الباب قالت انا مسافره ادعوولي
سلامات وين مسافره الاخت ؟؟
وليش ندعيلك ؟
تأكدنا انها تكذب قالت عشان لو جو يدورون على جارهم العطوي مايلقوني بقولهم بنسافر
الله المستعان بس