وحده قالت لبنتي كلام غيرها 380 درجه

السلام عليكم ورحمة الله وبركاته
بس بعلمكم عن اسلوب وحده من جماعتنا يازينه بعزومه تقريبا قبل ثلات اسابيع جمعت الشابات ومعهم بنتي تكلمت معهم كم دقيقه واثرت ببنتي مررره


قالت ياحظكم يابنات انتم اقوى واشجع مننا ومن كل الحريم اللي هنا جالسات تدرون ليش!!


تدرون اني اغبطكم على شجاعتكم وبنفس الوقت افتخر فيكم


انتم اختباركم صعب صعب اصعب من اختبارنا انا وامهاتكم وخلاتكم وعماتكم بمراحل شاسعه ولا فيه مقارنه بين اختبارنا واختباركم


ياحظ اللي تنجح فيكم ياحظها وانا اول وحده اغبطها


بعصرنا ماعندنا مغريات ونحس بالحاجه وعندنا فقر ونجوع ولا حولنا فتن ولا مغريات وكلنا الاخوات بغرفه مع بعض وفرشنا جنب بعض او غرفتين غصب علينا نستقيم اجباري مكشوفات لو بنسوي شي مانقدر


انتم الان كل شي حولكم ماتشيلون هم الاكل ولا الجوع وكل وحده مستقله بغرفه واذا صار معها احد تكون اخت وحده

ووكل وحده فيكم شبعانه ماتشيل هم الاكل والمعصيه سهله ومتناوله والاجهزه وما اداراك الاجهزه حدث ولا حرج والدنيا كلها بين يديكم

واغلبكم لها غرفه خاصه يعني لو عصت ربها محد يدري لو ماصلت وقالت انا صليت محد يدري الا الله
والسينما والمسارح الغنائية مفتوحه على مصاراعيها اماكم

ومحلات عبايات الكتف المتبرجه في كل مكان ومحلات الملابس الفاضحه بكل مكان والمغريات والزينات الذنوب مفتوحه امامكم بكل مكان والمسلسلات والافلام والاباحيه امامكم

يعني الان يبان من منكم القويه اللي تحب الله ومن الضعيفه اللي يجرها الشيطان زي البهيمه ماتفكر وين موديها
الان يبان من اللي تحب الله وتفضله على كل الشهوات والمغريات وتخاف منه وتحترم وجوده معها وتمنع نفسها عن الفتن اللي حولها وبمتناول يدها

ومن اللي خوفها من الله هش وشيطانها قوي ويجرها لجهنم جر ولا تقول له لا ولا تتعوذ منه وتطاوعه وترخي له راسها

قالت واوووه عاد الاجر وما ادراك ما الاجر اجركم اعظم من اجرنا لاننا لازم نستقيم غصب ولاحولنا مغريات ولا عندنا شي خاص فينا حتى العبايات نوع واحد فقط عباة راس تشيل ثلاث حريم من وسعها وان لاسمح الله سوينا شي انكشفنا وانفضحنا بين الناس
انتم لا غير انتم الان عندكم الجوال ماحد يدري عنكم الا الله

فاللي تمسك نفسها ياعظم اجرها راح يكون اجرها اجر خمسين صحابيه لان ماكان عندهم ولا عندنا هذي المغريات
ولها من الله اجور تنتظرها بالجنه قصور وبساتين وجمال وجواهر وخدم لان كل شي حولها ومحد يدري عنها لو انحرفت ومع ذلك منعت نفسها عن الحرام لإجل الله الذي يراها ولإجل رضاه

المهم بالاخير قالت ياحظكم بالاجر العظيم اللي ينتظركم

قالت والله يعينكم اختباركم صعب صعب جدا بس انتم قدها وقدود وراح تتجاوزون هذا الاختبار بنجاح وراح نفخر فيكم امام الله ان تربيتنا اثمرت فيكم وانكم مسلمات بحق تراقبون الله


انتي وانتي وانتي كل وحده فيكم بطله انتي بطله لإنك لم تنحرفي ولم تتركي الحجاب ولم تلبسي العبايات المغريه والمزينه بالاسواق ولم تلبسي الضيق والقصير هو في كل مكان ولم تنحرفي بجوالك ولم تنقادي وراء السينما ولم تسمعي الاغاني ولم تصدقي من اباحها لان حرمتها واضحه وصريحه بالكتاب والسنة وليس بعدهم اي رأي او كلام وفررتي من كل هذه المغريات والفتن التي بمتناول يديك فراركِ من الاسد

وانتي بطله وانتي بطله انتي تستحقين الاجر العظيم لان الفتنه حولك عظيمه ومع ذلك مسكتي نفسك انتي بطله وانتي بطله وانا فخوره فيكم



وكلام جميل مااستطعت اتذكره
سامحوني هذا اللي سجلته عشان مانساه من كلامها الثمين

المهم كلامها يجنن يجنن الله يسعدها بس هذا اللي قدرت اجمعه ولا هي تكلمت اكثر من كذا لاني سجلت كل اللي خطر ببالي ذيك الليله عشان مانساه ومع ذلك الجلسه معها ممتعه الكل نفسه انها ماتسكت بس هي سردت الكلام باسلوب شيق محد يحس انه طويل وانهت الجلسه بالدعاء لهن ودعاء ختام المجلس



بعدها بنتي الحمدلله بنتي تركت مقاطع اليوتيوب كانت تتابع مسلسلات تركيه وغيرها بالساعات وتحسنت صلاتها تصلي بخشوع وبوقتها وصارت تهتم بحجابها اكثر



وصارت كل شوي تقول امي اختبارنا اصعب من اختباركم وانا اقول لها اي والله الله يعينكم بس راح تنجحي بالاختبار انا واثقه وراح افخر فيك امام الله وثم تبتسم بسمة عزه فخر
الله يجزاها خير ويسعدها يازين الاسلوب اذا صار باللين والمقارنه بين الازمان وبين الترغيب والترهيب
الله يجزاها الجنه وقصورها



لو تشفون عيون البنات كلها خوف وترقب وبعضهن دمعت عيونهن
وبس ياليتني اكون داعيه ذات اسلوب جميل يازين بعض الكلام سحررر

والله يكتب اجر من ترفع هذا الموضوع لو بنقطه حتى يستفيدون البنات من نصيحتها الثمينة



وفي امان الكريم 💕