اجل انا واش اقول لا عيال وزوجي مشغول بعمله واهلي بمنطقه ثانيه وجيراني تعرفت عليهم وندمت من كثر مشاكلهم على الاقل عندك عيالك ماشاء الله يردون عليك الونس بدل مثل حالتي صرت اكلم نفسي الله المستعان

نفسسس حالتي وازيدكم عالشعربيت ربي مارزقني بأأطفال وساكنه بمنطقه ماااعرف فيهامخلوق

بما أن كل واحد عاجبه وضعه ومرتاح معه
وانتي اللي شايفه انه مو زين
حاولي تجمعينهم وتحجزين استراحه وتجهزين للطلعه
وسوي مسابقات وحركات حلوه
وفطور وغدا والذي منوو
معليش بتتعبين بس لازم تخلين الجلسه تطلع من احسن مايكون عشان يتحمسون لها بعدين

وحلوه تكون عائليه بس يعني اسرتكم وعيالكم واستراحه على قدكم
راح تتونسون وتجلسون مع بعض وتسولفون
والله يسعدكم ويوسع صدوركم بالعافيه يارب

لا اله الا الله ..

أرسلت لك على الخاص

مثل حالتك احس روتين قاتل قاتل مره والدوام ماينفع لي عشان بنتي مابي احطها عند خدامه واهلي بالرياض وانا بالدمام

ودي اتعرف على صديقات ووناسه بس مااعرف اتعرف استحي ومااعرف افتح حوار صراحة يعني اول بالدوام اسولف عن الدوام لين اعرف البنت بعدين نسولف عادي وبنفس الوقت ماعندي بيت ساكنه مع حموله فمااقدر اعزم جيران

الحين وش اسولف فيه ماادري احس اني طفشانه وبس ادور بهالمنتديات