وحده من خوياتي زمان,,قالت أنابنت رجال,,والله يقـول(فلا تزكوا أنفسكم هو أعلم بمن أتقى)

بسم الله الرحمن الرحيم


السلام عليكم ورحمة الله وبركاته

وشلونكم ياصويحباتي ...يارب انكم في خير وستــر ونعمة..امين

حابة احكي لكم عن سالفة.. تقدرون تعتبرونها سالفة قديمة جديده بنفس الوقت

وعشان احطكم بالصورة

كنا مجموعة صديقات عاديات جدآ

ماكنا ملتزمين مره ,,, يعني فينا الخير وفينا بعض الخلل ..وقتها كانت اعمارنا في العشرينيات


فسلمكم الله هذه وحده من خوياتي زمان...معرفه قديمه....وانتهت ما استمرت لها سنين..

فيه اتصال بـ فترات متباعدة وقليله


هذه حرمة متزوجه وعندها عيال....

كانت تعاني من مشاكل مع زوجها بإستمرار.....خيانة ولايصرف عليها والراتب كثير منه يروح على مالايرضي الله

فكنا اذا اجتمعنا نسولف وناخذ هروج بعضنا ومره نضحك ومره نشكي ونبكي .ومره نواسي بعض

وكانت تقول لنا انها اذا تهاوشوا دايمآ تسمعه هالكلمتين (( اصلآ لولاي انا ولا كان من زمان بيتك هذا خرابه,لان انت مش رجال

وانت ماغير سري مري مع .., ولو ما انا بنت رجال ولا كنت اخونك مثل ما تخوني لكني بنت رجال )

وكنت الاحظ في كلامها حب الإنتقام من زوجها........من باب وحده بوحده

بدأت تدخل شات ,,وتسولف مع شباب ,,صار فيه انجذاب بينها ويبن شاب

نرجع نتقابل وتحكي لنا عن حياتها كيف صارت وناسه ,بعد ماعرفت الشات .صارت تضحك وصار فيه من يهرج معها


وطبعآ من حبنا لها كنا ننصحها...وخايفين عليها..وهي بالمقابل كانت ترغبنا نحذو حذوها

ندخل شات ونفل ابوها ,بلا هم الازواج وقرفهم.!

كانت وحده من صديقاتي تنصحها ..يا بنت انتبهي على نفسك وبطقاق فيه

انتي وراك بيت وعيالك اولادك بيصيرن رجال بيشيلون سمعتك الطيبة..

او بيشيلون عارك..فنتبهي وتعوذي بالله من الشيطان ...ومن هالحكي


فكانت تقول: (ماعليكم بس مجرد مكالمات...والله ماغيرها

وشفيكم انتم تحسبوني هينة..؟؟

انا كفو انا,,انا بنت رجال وبنت ناس ..يستحيل يصير شي مابيه,,,والله ماخلي واحد فيهم يلمسني يستحيل اصلآ

فستمرت حياتها على هالحال من خوي لخوي ,,ومن مكالمة لمكالمة

واحنا نحذرها من هالطريق وهي تقول بشعور المنتصر.وبتفاخر واحساسها بانها القوية ولا غالب لها

وكان على لسانها ( والله ولا واحد منهم قدر ياخذ مني لاحق ولا باطل

انا بنت رجال وناس والله ماخليهم يطولون مني شي..بس طقطقه على رؤسهم بس))

فـ صارت جلستها ممله ماغير سوالف عن الشباب وعن شعبيتها بالشات وعن انجذاب الشباب لها ..

وكيف تعلق هذا وتسحب على ذاك ....وهلم جرى


هنا علاقتنا بها بدأت تتقلص ,,,وبدينا نبتعد عن بعض...

يعني هي الضروف جات كذا,,ولا ماكان في بالنا نفترق عن بعض..لكن هي انشغلت بوضعها الجديد ..

وصار وانقطعت علاقتنا بها ..نهائي


وتمر كم سنة...

بلغ عمري فوق الثلاثين

تغير حالي صرت بفضل الله اكثر نضوج...صرت احاول اراقب الله ..وهذا بفضل الله اولآ واخيرآ

وكانت تجي عبالي بين فتره وفتره

اتذكرها وقول الحمدلله اللي باعد بيننا ,والله يستر عليها ويهديها





وفي يوم..........وتفاجئ بـ اتصال يجيني

*الو..اسلام عليكم

صابتني ربكة لان الصوت مش غريب ...او بالاصح عرفته من اول حرف ,,ومابي اصدق نفسي

*وعليكم السلام ..مين

*وشلونك ام فلانه

*بخير ...مين ؟؟؟ <<على أمل ماتطلع اللي في بالي


*ماعرفتيني ؟؟


انا فلانه..


*آه..هـ هلا هـلا

*وحشتيني يا بنت وش اخبارك وين ايامك...

كلمه منها كلمه مني ..انتهى الإتصال على إننا نتقابل ..وكان الموعد زيارتي لها

يمكن تتسألون ليش وافقت اروح عندها رغم اني ماكنت ابي اصدق انها هي ع التلفون.؟!


الحقيقه لقيت في صوتها نغمة جديده....نغمة هادئة...ناضجة

نغمة فيها صوت إيماني..كان بين كلمة وكلمة تقول الله المستعان,,سبحان الله

الحمدلله...لا إله إلا الله...

فكأن هالكلمات رطبت المكالمة واعطتني طمئنينة وارغمتني على الخضوع لطلبها

ولان عندي يقين بـ " أن من لازم ذكر الله عز وجل فهو في خير وعلى خير بإذن الله سبحانه وتعالى"


جاء اليوم الموعود...رحت لها....فتحت لي الباب


الوجه مش الوجه اللي اخبره,,,,الوجه منور,,,,,إبتسامة رزينه هادئة حلوه

رحبت فيني ضيفتني ...وبسطنا على الارض تقهوينا منذا العلوم الطيبة

وطول الوقت سوالف عامه ..وهرج وضحك ...ماجبنا طاري زمان..لانه شي ماينحكى فيه ,,

او بين قوسين "شي مخجل " ومانبي نتذكره

رغم ان فيني شي بداخلي يلح علي ابي اعرف ايش صار..


ايش سبب هالتغير...ومتى وكيف ..؟؟

لكن كانت مجرد تساؤلات تتضارب في داخلي ماقدرت اخرجها


عدت الساعات

عيالها الصغار وبناتي الصغار بدأ النوم يمكسهم..واحد تلو الواحد....بدأ الجو يروق والهدوء يستتب

كان الجو في هالايام معتدل

قامت فتحت شباك البلكونه...اطفينا انوار البيت .وكتفينا بنور البدر..ونسمهـ الجو العليل

وشوي شوي بدينا نسترجع الذكيرات الحلوة...والمواقف المضحكة ,,,وصديقاتنا زمان والمقالب,,

واحنا نسولف لاحظت هي في كلامي كثير ما اردد انا سويت ولو ما انا وانا فعلت واصلا انا...

قالت يافلانه انتبهي من الـ أنا هذه..؟!

تراها كانت سبب لإنتكاستي <<أنزلت نظرها للارض وسكتت شوي

ثم قالت
ولو ما لطف الله لكانت فضيحتي يسمع بها القريب والبعيد وكان تشمت بي الصاحب قبل العدو

من هنا كان مدخل واعرف ايش سبب تغيرها

قلت لها اعووووووذ بالله

وسألتها مستغربة...مافهمت..؟ وش صار فيك ..واي انتكاسة؟؟

سكتت

تنهــــدت..

شردتت بنظرها لبعيد....وكأنها تسترجع شريط الماضي

ثم قالت:: والله ان اللي يزكي نفسه مافيه خير ومايشوف خير

لان مو من حقه يزكي نفسه.....

الله أمر بأن لانزكي أنفسنا,,,,فكيف نتجرئ بعدها بتزكية النفس؟؟

هنا بدأ صوتها يرجف ..وعيونها بدأت تتمتلي دموع..

قالت تذكرين يأم فلان..؟

تذكرين يوم اقولكم اني كنت ارفع صوتي على زوجي وقول له لولاي مادام بيتك,,ولو مانا ولا كان من زمات تشتتوا عيالك

ومن هالحكي

وتذكرين يوم انكم تنصحوني وتحذروني من طريق مشيته

و اقول ماعليكم اعرف اسحب على خشم اطلق شنب وانا بنت فلان

وانا اهز راسي لها انو ايه اذكر

تقول: وانا من واحد لواحد..

تقول مره دخل زوجي علي وانا اكلم واحد,,,كنت منسدحة على السرير ومغطية عيوني بشيلة

وماحسيت بزوجي بالغرفة..........ومادري ايش اللي خلاني فتحت عيوني من تحت الشيله إلا وشوف ظل ثوب ايبض

وابقق عيوني من تحت الشيله وقوم اغير السالفه مع اللي بالجوال " جيبي بزارينك بنسير على امي وتعالي يا شيخه تقهوي معنا << تمويه

عاد اللي بالجوال فهمها وسكر

تقول طلع زوجي من الغرفه من غير مايلاحظ شي..وقلت اشوووووووى والله اني خطيره عرفت استدرك الموضوع

ومواقف كثير خطيره وقعت فيها وخرجت منها سالمة,,, وارجع اقول والله اني خطيره عرفت اخرج منها

وتقول غير اللي واعدته بالكفي.في احدى الاسواق .ومادريت إلا بالهيئة تجول بالمجمع بغى يغمى علي

لكن صرفنا الموضوع...واضحك بيني وبين نفسي وقول ياني ذكية عرفت اصرفهم


الى ان....
.................وتكمل

الى ان وصلت لاخر واحد ,,,وطولت معه وشفت منه مايشيب له الرأس...


~