الطفلهـ الصفيرهـ @altflh_alsfyrh

عضوة

وحده وألم

السلام عليكم ورحمة الله وبركاته

نفس ماشفتوا بالموضوع فوق وحده وألم !!
بتقولون صغيره وش عرفك او بتقولون عادي هذا العمر لازم يكون كذا !!
لا ما ابغى كذا ,, ابغى تعتبروني اختكم الصغيره وتشوفون لي حل

انا طبعا فتاه عصبيه اجتماعيه حساسه جدا حقي ماراح اخليه ابدا وتقدرون تقولون بنفس الوقت حبيبه وحنونه ومرحه بقووه
يعني انا ما اعرف اوصف شخصيتي بس ! اتمنى تفهموني
انا واخوي اللي اكبر مني بسنه طول الوقت شيل وحط وصراخ وهواش هو طبعه بارد حيل وانا حاره ماعندي لف ودوران مايحترمني ينزل من قدري الحاله سييئئه !!
اختي اللي بخامس تقولون ابوي يحبها بزياده يعني دايم انهاش ظلم بسببها وخلاص مافيني اتحملها اكثر من كذا مع اني دائما اسوي لها الانجازات والبحوث حقات المدرسه واحاول اتقرب منها بس مافيه فايده مالها خلقي ابدا وانا مافيني اذل نفسي !!
ابوي رجل كبير معدد و سفريات طول الوقت ومانشوفه الا ثلاث ايام مره بالغدى والمغرب طبعا الغدى اتغدى وانا مسكته ذا طبعي واروح فوق والمغرب اجلس احيانا و احيانا لا واغلب الجلسه يهاوشني ابوي يعني مو هو معصب بالعكس حتى يستهبل ولعاب مع اخواني وحتى معي بس أغلب وقته يهوشني !!
امي ماتفهمني ابدا لو اقول اي شي ماتفهمني ولا تقولون عشانها كبيره لا مو كبيره صغيره بس عجزت تفهمني او ماودها تفهمني واي شي اسويه تنتقد وحتى قدام الحريم احيانا ولما اخوي اللي اكبر مني بسنه يسوي شي يغثها تبدى تهاوشني وانتي ياسدوم وانتي ياسدوم اقول يمه لاتهوشيني خلاص يكفي ماسويت شي تقول اصلا انتي ماتعرفين السالفه اقول لها طيب وش السالفه تقول جالسه تحققين معي وتصارخ !!
طبعا العايله كلها تتفق بشي واحد وهو شكلي يعني اختي اللي بخامس وابوي واخوي اللي اكبر مني بسنه ذولا طول الوقت سب بشكلي وانتي وانتي ومن زين سنونك ومدري ايش بس وربي اني اجمل منهم مو على اساس امدح نفسي بالعكس هذا الحقيقه يعني انا مافيني شي الا سنوني اللثه طالعه شوي ومو باين مره يعني عادي بس طول الوقت سب ليش ما اعرف حتى امي احيانا تمنعني من روحات او جيات عشان شكلي وتعيي تعلمني السبب وحتى بالمدرسه تشوفي هو انا مزينه شعري لازم ارفعه ولو احط مسكره خفيفه لازم امسحها ولو احط مناكير لازم اغسله واكثر شي شعري دايم تهاوشني بسببه يعني ارفعيه وحطيه كعكه ولو ارجع من المدرسه واقول يمه فيه بنات ضايقوني تقول كله منك انتي السبب لا تفكين شعرك ولا تلبسين لبس حلو ولا تلبسين جزمات حلوه ولا تحطين مسكره ولا عطر ولا شي يعني شدخل ذولي بالموضوع
تعبت من شكلي ومن معاملتهم معي ومن كل شي صرت اخلي نومي عكسهم والدراسه انتسبت مو اتعب نفسيتي وروحي وبعد اضافيري راحو صرت آكلهم بدون ما احس جسمي مات يعني طولي 170 ووزني 45 نحيفه بشكل حتى جسمي تعب الوحده تعذب خصوصا للي مثلي اجتماعي
وش اسوي وربي تعبت وتحطمت صرت وحيده وأتألم كثير ما أعرف وش اسوي وانا من النوع مو راعي افلام ومسلسلات وروايات لا ما احبهم ابدا اذا صرت مرره كويسه رقصت وطبعا صلاتي محافظه عليها الحمد لله
شكلي كثرت كلام بس وربي تعبت وابغاكم تقولون لي حل مع كل ذا :frown::frown:
ابغى حل يشغلني عن كل ذا ويبعدني عن الاشياء ذي

جعل عضامتها وعضام من ربوها بالجنه اللي ترد وتنصحني
والله يجزاكم خير

يلزم عليك تسجيل الدخول أولًا لكتابة تعليق.

تسجيل دخول

الطفلهـ الصفيرهـ • 10 سنوات

ولا رد واحد

برائة بنوته • 10 سنوات

بصراحه ماأشوف بالي كتبتيه اي شيء وعاادي ..المشاكل والمشادات في كل بيت ..عاد أنتي أرحم من الي يذوق العذاب والحرمان والذل وصاابر ..

بالنسبة لأختك عامليها ع قد عقلها وأنتي أكبر وأعقل منهاا وإذا قالت لابوك شيء وأنتي ماسويتيه وضحي لأبوك وإذا شاف أن تعاملك راقي وعاقله راح يصدقك ومستحيل يصدق الصغيره وانتي الكبيرة!! إلا إا شاف منك تصرفات غير كذا ()

أما أمك كذا أغلب الأمهاات وأنتي سويه الي ودك فيه بس ماترفعين صوتك ع أمك ..وضحي لها بأسلوب ان هالشيء هو الي عاجبني...

ومعايرة أخوانك ماعليك منهم ..واثق الخطى يمشي ملكا ..هم قبل شيء أستهزءوا في خلقة ربي ..والي يعايرك راح يجي اليوم الي يلقى أحد يعايرة ..

وليش أنتساب...!! بالعكس تكوني منتضمه افضل حتى مايكون لك مجال للفراغ والوحده ..إذا كذا روحي دورات بالعصر ..محاضرات ..أو سجلي بدار تحفيظُ
دامك إجتماعية ماشاء الله راح تكونين أحلى صحبة وتنسين وتبتعدين شوي عن المشاكل الي ببيتكم..

: )

الطفلهـ الصفيرهـ • 10 سنوات

برائة بنوته :

بصراحه ماأشوف بالي كتبتيه اي شيء وعاادي ..المشاكل والمشادات في كل بيت ..عاد أنتي أرحم من الي يذوق العذاب والحرمان والذل وصاابر .. بالنسبة لأختك عامليها ع قد عقلها وأنتي أكبر وأعقل منهاا وإذا قالت لابوك شيء وأنتي ماسويتيه وضحي لأبوك وإذا شاف أن تعاملك راقي وعاقله راح يصدقك ومستحيل يصدق الصغيره وانتي الكبيرة!! إلا إا شاف منك تصرفات غير كذا () أما أمك كذا أغلب الأمهاات وأنتي سويه الي ودك فيه بس ماترفعين صوتك ع أمك ..وضحي لها بأسلوب ان هالشيء هو الي عاجبني... ومعايرة أخوانك ماعليك منهم ..واثق الخطى يمشي ملكا ..هم قبل شيء أستهزءوا في خلقة ربي ..والي يعايرك راح يجي اليوم الي يلقى أحد يعايرة .. وليش أنتساب...!! بالعكس تكوني منتضمه افضل حتى مايكون لك مجال للفراغ والوحده ..إذا كذا روحي دورات بالعصر ..محاضرات ..أو سجلي بدار تحفيظُ دامك إجتماعية ماشاء الله راح تكونين أحلى صحبة وتنسين وتبتعدين شوي عن المشاكل الي ببيتكم.. : )

بصراحه ماأشوف بالي كتبتيه اي شيء وعاادي ..المشاكل والمشادات في كل بيت ..عاد أنتي أرحم من الي يذوق...

امي ماتبيني اروح لكل مكان يعني المدرسه وبس يعني دورات ومثل كذا رافضه بشده مافيه امل اقنعها

برائة بنوته • 10 سنوات

الطفلهـ الصفيرهـ :

امي ماتبيني اروح لكل مكان يعني المدرسه وبس يعني دورات ومثل كذا رافضه بشده مافيه امل اقنعها

امي ماتبيني اروح لكل مكان يعني المدرسه وبس يعني دورات ومثل كذا رافضه بشده مافيه امل اقنعها

كله هذا بمصلحتك ..ماعليش اصبري ولاتاخذين بخاطرك .. طاعة الأم واجبه إلا إذا في معصية الله..

أنا كذا بالثانوي كانت مانعتني أني أطلع جوال مع أن أختي الي أكبر مني بسنتين معها ..العذر وشو!!
ماراح تتطلعين جوال إلا إذا في بنات من جماعتك وفي سنك طلعوا ..وبعدها بفترة بنت بنت عمتي أهلها اشتروا لها جوال ...جيت أطلبها تقول إذا تخرجتي يوم تخرجت أشتريت ..:40:

كذا لما تتخرجين وتكبرين شوي راح تفتح لك المجال أكبر ممكن في نضرها مازلتي صغيره وتخاف عليك:26:

الطفلهـ الصفيرهـ • 10 سنوات

برائة بنوته :

كله هذا بمصلحتك ..ماعليش اصبري ولاتاخذين بخاطرك .. طاعة الأم واجبه إلا إذا في معصية الله.. أنا كذا بالثانوي كانت مانعتني أني أطلع جوال مع أن أختي الي أكبر مني بسنتين معها ..العذر وشو!! ماراح تتطلعين جوال إلا إذا في بنات من جماعتك وفي سنك طلعوا ..وبعدها بفترة بنت بنت عمتي أهلها اشتروا لها جوال ...جيت أطلبها تقول إذا تخرجتي يوم تخرجت أشتريت ..:40: كذا لما تتخرجين وتكبرين شوي راح تفتح لك المجال أكبر ممكن في نضرها مازلتي صغيره وتخاف عليك:26:

كله هذا بمصلحتك ..ماعليش اصبري ولاتاخذين بخاطرك .. طاعة الأم واجبه إلا إذا في معصية الله.. أنا...

فاهمتك ياقلبي بس فيه اشياء تمنعني منهم ومافيه سبب مثل الدورات مثل المناسبات اللي يكون حظوره كبير وبعد الرقص تمنعني ارقص مع البنات والسبب مافيه سبب واذا فيه سبب فعلا ماراح تقوله لي او انها تتفشل مني
و مافيه روحه يعني بس عماتي وخالاتي وخالات امي بس غيرهم مافيه حتى صديقاتي بعكس اختي الصغيره بكل مكان تروح وعادي الا انا تحسين ماتبي تطلعني من البيت
واذا على الجوال عطوني جوال وما اكلم الا بنت بنتين من معارفي لاني ما اقدر اتعرف على ناس وانا مدري هم بنت او لد لاكن وربي تعقيد فهمتيني ياقلبي