كمونيل منورانى وكلك ذوق ياقمر ربنا يخليك ليا يارب

سمسم تسلم اديكى روووووووووووووووووووووعة
بس ياترى اشيغلتى حاجة زى كدة
بيتهيألى انة صعب آوى وحتى لو اشتغلنا القطع صعب التشبيك ياريت تفيدينى
مشكورة

بسم الله الرحمن الرحيم الغاليه ( najahaja ( انا اشتغلت هذا الشغل وهو ساهل جدا الناس كلها ملت شكل الكروشيه العادى وتسعى دايما للجديد ركزى معايا اولا انا بجيب من السوق خوص بشكل الشنطه الى عايزه اعمل حجمها وانا بميل للوسط مش كبير ومش صغير وبشترى 2 ايد الرسمه الى انت عايزاه كل الى انا بقوله ده موجود ومتوفر بسهوله جدا واشترى مجموعه خيوط حسب التركيبه الى انت عايزاها من الالوان وبشترى من البواقى للخيط ده يكون ارخص وافيد للون لانك حتشترى الوان كتير وممكن تعملى شنطه واحده فقط اى محل خيوط تريكوا لازم عنده بواقى وبعدين بشكل نوع الخيط يعنى حرير ووصوف وبوكليت وانواع اخرى عاليه الوبره وانواع فيها شعر عالى للاطراف والايد وبعد كده بحط شنطه الى عايزا اعمل زيها ادامى وانا بشتغل يعنى بشتغل امام الكمبيوتر وابدا اطلع الباترونات الى عايزاها سواء ورقه شجر ورده قطع ملفوفه زى مانت شايفا الباترونات وابدا اشتغل واعمل قطعى كتير واشترى كسوه للخوص خارجيه وداخليه واقصها على اد الشنطه بالزياده طبعا والخوص بيعدى فيه ابر المنجد وهى احجام هاتى الوسط وابدا القط البطانه الخارجيه للشنطه البطانه القماش وابدا اركب القطع والقطها على البطانه بخيط شفاف خيط خياطه عادى يعنى ممكن تحطيه فى مكنه الخياطه العاديه وتخيطى بيه وده موجود عند بياعين الكلف والقط كل القطع الى انا شغلاها واركبها جنب بعض وممكن تركب على بعض ايضا لو كان الشكل عايز كده او لو حته طلعت طويله شويه طبعا مايضرش وبعد كده حيطلع عندى حتت ناقصه اشتغلها على اد الحته الفاضيه الىانا عايزا املاها وبعد كده الف الخيط على الايد واثبتها من داخل الشنطه وابدا ااافل الجزء الى فى الداخل وحيدارى على كل الخيوط الداخليه للشنطه يعنى اعقدى وثبتى براحتك واعمل شريطين كروشيه كل شريط عرض اربعه سم والقطهم على وش الشنطه اركب فيهم السوسته واغطيهم بالباقى كمان من القطع الى زايده لم تصلح فى تركيب الشنطه والقط سوسته على الايد طبعالا متينه جدا وكمان اعمل فى البطانه الداخليه قبل التركيب جيب داخلى احط فيه الرفايع بتاعه الشنطه وطبعا البطانه حتقفل على الايد او تركبيها من بره وتعملليها تلات وردات لكل ايد بيبقو تقفيله جميله جدا للايد ويارب اكون اقدرت اشرحلك بعملهم ازاى %%%%%%%%%%%%% لكن اهم حاجه ان الشنطه الى حتعمليها تكون تطبيق لشنطه معموله غير كده حتوهى وطبعا حيطلع بعض الفروقات لكن متشتغليش من افكارك انتى حبيبتى الى صمم الشنط الى شايفاها امامك او حتنفذيها هو تعب وجرب الوان وجرب باترونات وجرب اشكال كتيره وفى الاخر طلعت حاجه انتى شايفاها جميله يبقى تتنفذ زى ماهيا %%%%%%%%% ومش حقولك بقى تعليقات الناس على الشنط دى اد ايه جميله وماحدش عارف يعمل زيك ولا يمكن يقلده تدخلى بيها فى سهره تجنن للصبح بالالوان الناترال الهاديه جدا تحفه وربنا يصلح مابين ااياديكم يارب وتوصلوا انكوا تعملوا كتير منها والحمد لله انى حبيبتكوا فى الفرى فورم ده وربنا يوفق يارب

جزاكى الله خيرا يا اخت سهام انا استفدت بالشرح الوافى جدا بتاعك. وربنا يجعلة فى ميزان حسناتك

بسم الله الرحمن الرحيم wessal76 ربنا يخليك حبيبتى بس ان شاء الله فى القريب جدا انتظرى شرح للفرى فورم واضح وتعرفى من خلاله تعملى اى شنطه تعجبك باذن المولى عز وجل ادعيلى بس ان شاء الله ربنا يكرمنى بالوقت والصحه يارب احنا وانتم يارب يارب يكرم الجميع وتسلمى يارب