السلام عليكم ورحمة الله وبركاته
انا من زمان وانا متابعتكم بصمت بس جاء الوقت الي اقولكم فيه على قصتي واتمنى تاخذون منها الفايدة وتعطوني رايكم ببعض الأشياء :27:
انا متزوجة من ست سنين وسبع شهور والحمدالله على كل ماربي اراد انه يرزقني با الذرية رحت وعالجت
وتخبرون الدكاترة لين مالقو شي بدو انحفي سوي افعلي وتصيرين حقل تجارب لهم بس الغريب معاي
اني كل خلاص قرب حملي يجيني نزيف قوي او تجيني صده عن زوجي واصير ما ابي اشوفة ولا انوم معاه في سرير واحد :44:
سويت تلقيح صناعي وانا لي ثلاث سنين متزوجة ونجح الحمدالله بس سويت مجهود وطاح
وبعد خمس سنين زواج جاني نزيف قوي رحت لحرمة تدهن وتعالج وهي تدهن بطني تقولي في شي ببطنك
كأنه كور صغيرة وقاسية :confused-
انا خفت ولا عد ادري وش اسوي وقعدت استغفر استغفر ويلهمني ربي اني اقولها على اكبر غلط كنت اسويه بنفسي وبجهل مني ضريت نفسي وانا مدري
تدرون وش كنت اسوي من تزوجت (استخدم الفازلين اذا جا وقت الجماع كل مرة ):icon33:
جيت وقلتها اني استخدمة الفازلين انجت الحرمة ودها تخبطني بقارورة الزيت الي عندها
اااااه ياصعبها كانت من ايام بس الحمدالله قالت لي الحرمة لازم تروحين للمستشفى يسون لك اشعه ابي اعرف الفازلين وين وصل برحامك ورحت زي ما قالت لي رحت لدكتورة نوال الله يسعدها بمتوصف الطبي الحديث با الرياض اول ماقلت لها ماتت ضحك بعدين سكتت وقالت (يا لهوي ليكون كل الي بيقو عندي بيعملو زيك :eek:
الموهم وقعدت شهر تحاميل عشان انظف ارحامي من الفازلين الله لايوريكم وش طلع مني شي يخرع تخريع تقولون حلاو صعو متراكم بشكل موب طبيعي بس الحمدالله من بعد ما نظف رحمي منه بثلاث شهور حملت الحمدالله حملت من غير علاج ولا اي شي بس سبحان الله ما كمل الحمل اكثر من شهرين وطاح
بعدها نجي للمهم
امي عصبت علي وقالت ماراح ارضى عليك الى اذا رحتي لشيخ يقرا عليك وانا ااجل وااجل واقول مافيني شي ولا توسوسين وامي قالت وربك واحد انك انتي مايبي لك الى قرايه وهذا العلم وجاك
سبحان الله مرت الأيام وجتمعت مع عمة زوجي وهي ماشاء الله عليها ولا ازكيها على الله عندها علم ودين الله يثبتها وكنت شايفة حلم ومنزعجة منه قلت لها الحلم جت قالت لي خير ان شاء الله بس بقرا عليك وانتي احفظي الي بقراه عليك واقري على نفسك انا مدري وش جاني قمت انتفض واصرفها :ohplease:
الين ماصادتني وقعدت تقرا علي والله لا يوريكم وش جاني :icon33:
شي مدري كيف بسم الله قمت احكك راسي ورقبتي وبطني تألمني مرة لما خلصت قالت لي ان يبي لك قراية
ان فيكي عين من اهل الأرض وشكلها من كنتي صغيرة وسبحان الله بديت معاها قراية والحمدالله صارت معي اشياء كثيرة بس ان شاء الله انها شرا خارج والحين صار لي اقرا شهر ونص او اكثر شوي
والحين لي ست ايام الدورة متأخرة علي سويت تحليل حمل امس وماطلع حمل بس سبحان الله معي نفس اعراض الحمل غثيان وتعب مرة مرهقة وكل ماسويت مجهود نزلت معاي مويات واحس بس ابي انام وظهري يعورني وبس ابي اكل :f226: ومدري وش اسوي وش رايكم اصبر ولا اروح المستشفى ولا وش رايكم عطوني من خبرتكم :icon35:
هذي قصتي بختصار خوذو منها الفايدة وعطوني رايكم با الي صار معاي الله يجزاكم الجنة
H∂ηό @hio_1
عضوة جديدة
يلزم عليك تسجيل الدخول أولًا لكتابة تعليق.
momo14102010
•
الله يرزقك بالذريه الصالحه
سبحان الله نفس الي صارلي لما رحت لشيخ وقرا علي
قمت اتحكك بشكل مو طبيعي خصوصا الحكه في بطني
واستمريت عليه حد الشهر السادس لاكن للاسف تركت الرقيه وسويت مجهود
في هالشهر وجتني ولاده مبكرة
اهم شي اكثر الي فيهم عين مايبان الحمل الا بالتحليل الرقمي ولاتتركين الرقيه الشرعيه حافظي عليها
قمت اتحكك بشكل مو طبيعي خصوصا الحكه في بطني
واستمريت عليه حد الشهر السادس لاكن للاسف تركت الرقيه وسويت مجهود
في هالشهر وجتني ولاده مبكرة
اهم شي اكثر الي فيهم عين مايبان الحمل الا بالتحليل الرقمي ولاتتركين الرقيه الشرعيه حافظي عليها
الصفحة الأخيرة