وحيدة

مرحبا انا نور من سوريا
حبيت افضفض شوي عن حالي لاني باللحظة كتير متضايقة
انا للاسف بشعر بوحدة كبيرة عايشة بعيدة عن اهلي
عايشة مع اخواني الشباب مشان الدراسة
يعني ماعندي خوات بنات احكيلون عن خصوصياتي
عذابي الكبير من اهلي انو عطول يسمعوني كلام سئ ومعاملة سيئة جدا
انا بزورون بالعطل وحاليا انا بعطلة صدقوني يا بنات انا هلق عم ابكي من معاملتون السيئة الي كوون اهلي مابحبو البنات
التجريح عطول والاساءة احيانا بقول اني رح وافق على اي شب رح يخطبني بس حتى اخلص منون واحياا نا بقول لا خليني خلص الدراسة
والله من هالمعاملة السيئة كرهت حتى الدراسة ولما بشوف رفقاتي كيف يتكلمو على اهلون وطريقة تعاملون الحلوة بحس بضيق وبرجع للبيت حتى ابكي
شو اعمل حاسة حالي وحيدة
حتى اقاربنا مابحبوني لاني الوحيدة من العيلة بدرس جامعة ف بيغارو مني كتير وبحاولو بشتى الوسائل انو يضايقوني
تخيلو بالعيد لما التقيت ببيت عمي ابن عمي كان بيقلي لو بتموتي مابقلك دكتورة
شو اعمل انا وحيدة بعالم ملان وجوه وملان اصوات ومع ذلك انا وحيدة