استمري في قراءة سورة البقره
وشغليها بالبيت دايما
الله يشفيك

الله يشفيك يارب
شوفى الشئ اللى تخافين منه واجهيه وزغة وغيرة صرصور لمتى بتجلسين اسيرة ضعفك ياقلبى تدرين اكتبلك وقلبى يتقطع وش اقول كنت عايشة ببيت نظيف فى مدينة راقية فجاءة تطلقت اعيش فى بيت سقفه من هنقر بيت لو تشوفينه متصدقين انه فى السعودية فيران وزغ عقارب حيات ذبان وجميع انواع الحشرات اغلب الناس مستحقرنا مايجينا من قرف بيتنا لكن وش نسوى والله العين بصيرة واليد قصيرة ماخاف الا يوم تجى عواصف تشيل السقف اجلس اتشهد والا المطر يكب على سريرى وكل اغراضنا الحمد لله على كل حال قسم بالله الشمس تطرق رؤسنا تعبت نفسيتى كنت وين وصرت وين ولادام غير وجه ربي سبحان الله نعمه زالت والله يفرج علينا وعليك وعلى كل مهموم

الله يشفيكى حبيبتى ويخفف عنك ويعوضك بذريه صالحه تنسيكى كل اللى مضى من عمرك حبيبتى على سيرت الوزغ او البرص والله من دقيقتين كانت واقفه على شباك غرفتى و بس حركت الشباك شوى راحت لكن ما كرهت البيت او الغرفه عادى الوزغ موجود فى كل مكان

حبيبتى اسمعى نصيحتى والله انى خايفه عليكى انتبهى لزوجك ولنفسك البسى ملابس حلوه اتمكيجى حطى برفان حلو حسسيه انك اميره فبيتك املكى قلبه بالكلام المعسول وانسى كل المشاكل زوجك ابقى لك من كل اهلك املئى عيونه والا بيبعد عنك وفريله اجواء الحب والرومانسيه والمرح بكره احلى من اليوم عندك منتدى عالم حواء انتى بين اخواتك واهلك خليكى متفائله وابعدى عن الافكار السيئه و**** الله حياتك بتتحسن شوى شوى كل شى بده صبر واذا حابه نكون اصحاب ارسلى لى على الخاص واى خدمه من عيونى
الله يحقق احلامك ويسعدك ويشفيكى وينور دربك

الله يفرج همك

اهلين اختي اولا :الله يشفيك ويخليلك اطفالك ثانيا : انا اخوي اصيب بلوسواس وسوس بنظافة والله ان حالته تصعب على الكافر وامي نفسيتها دمار يوم شافته كذا الان مرات يسوي تصرفات تحسين انه مو بوعية وحياتي هذا اخوي عاد الكبير المهم رحنا لدكتور النفسي انا وامي وعلمنا الدكتور بحالته قال جيبوة قلنا مانقدر نهائي لانه يرفض شوي يذبحنا عطانا الدكتور مهدئات تهدي نفسيته واخذنا ثلاث شهور والحمدالله قدرنا نودية يوم شافه الدكتور قعد يسولف معه ويتكلم بعدة طلعة وعطاء امي علاج يقول حطوة له بترمس الشاي وهو لايدري سويناها تعذبنا في البداية معه صارة مشاكل بس ربك يسرها واخذ هذي الحبوب مدة سته اشهر خلال هذي المدة تحسن الحمد الله ويارب لك الحمد بعدة دخل تحفيظ قران الحين يارب لك الحمد احسن من اول بكثير ((ماذكرتلك القصة الا ابيك تستفيدين وتروحين لدكتور نفسي ))ثالثا .اهتمي بشغلك وبنفسك وانسي انك تفكرين باحد خلاص عزوتك هم اطفالك ودام اختك قاطعتك بدون سبب بكيفها مصيرها بتحن وانتي استانسي بحياتك ومستقبل اطفالك ولاتخلين احد يهز ثقتك بنفسك